Both 32:18 - Sơ̆p Hlabơar Nơ̆r 'Bok Kei-Dei

¹⁸ Ih sơngah kơ Tơmo Tih tơ'ngla pơjing ih, Hiơt boih kơ Kră Yang 'Bok Kei-Dei Tơ'ngla pơjing ih.

Both 32:18 Iomraidhean Croise

Horiso 106:21

Lu sư hiơt kơ Kră Yang 'Bok Kei-Dei Tơ'ngla dŏng pơklaih lu sư. Păng đei pơm lơ tơdrong tih tơ Êyiptơ,

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 9:17

Lu bơngai pơm kơnê̆ gô huŏng tơ pơlei lu lôch, Păng đĭ lu bơngai mă hiơt kơ Kră Yang 'Bok Kei-Dei.

Êsai 17:10

Ih hiơt bơih kơ Kră Yang 'Bok Kei-Dei Tơ'ngla dŏng pơklaih ih; ih ưh kơ 'blŏk bơih hơgơp tơmo Tih mă ih kơ'nơp. Mă đơ̆ng ih pơtăm 'long arih 'lơ̆ng, ih pơtăm adrĕch 'long hơmu plơ̆ng đơ̆ng nai.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Je 2:31

Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Je 2:32

Kon adruh hăm hiơt kơ tơmam pơguăng sư, mŏ mai hle hăm trŏ kơ sư hiơt kơ hơbĕn ao pơkong sư? Mă-lei kon pơlei Inh hiơt kơ Inh đunh boih pă kĕ jô̆ dang yơ.

Je 3:21

Đe kơtơ̆ng nơ̆r tơ kơpal kông groi: Noh nơ̆r lu kon pơlei Isơrael nhơ̆m hmoi păng ôr krao, yua kơ lu sư yak kiơ̆ trong glăi, hiong hiơt boih kơ Kră Yang 'Bok Kei-Dei lu sư.

Êsêkiên 22:12

Lăm ih đei bơngai iŏk sa pơgâm wă pơm tơdrong đei tuh pham, ăn đe tŏk iŏk đei iŏk lơi adrol păng iŏk jên kon lơ dêh; ih pơjuă sa lu bơngai jê̆ ih păng ih hiơt kơ Inh, Kră Yang khan thoi noh.

Hôsia 8:14

Lu bơngai Isơrael hiơt boih kơ Tơ'ngla pơjing lu sư, păng đei pơdơ̆ng lu hnam pơtao, Juđa kư̆m đei thim lơ pơlei tih đei dur kơjăp, mă-lei Inh gô ăn ŭnh truh sa tơ pơlei tih, păng ŭnh 'noh soh chhông sa lu kơđông kơjăp lu sư.

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Both 6:12

Lu iĕm kơchăng bĕ kơdih 'nĕ hiơt kơ Kră Yang tơ'ngla chông tơlĕch iĕm đơ̆ng dêh Êyiptơ, đơ̆ng pơm đĭch.

Both 8:11

Athei kơchăng bĕ, 'nĕ hiơt kơ Kră Yang 'Bok Kei-Dei, wei răk dôm nơ̆r Sư tơtă, nơ̆r Sư tơbăt păng khôi juăt Sư mă đơ̆ng inh bơtho lu iĕm năr 'nâu.

Both 8:14

Athei kơchăng 'nĕ kơ pơang păng 'nĕ hiơt kơ Kră Yang 'Bok Kei-Dei iĕm, Tơ'ngla chông ba iĕm lĕch đơ̆ng dêh Êyiptơ, lĕch đơ̆ng pơm đĭch.

Both 8:19

Tơdah iĕm hiơt kơ Kră Yang 'Bok Kei-Dei iĕm, na kiơ̆ lu yang nai, bơ̆jang păng drap kơkuh kơ lu yang ei, inh khan tơpă năr âu. Lu iĕm gô lôch hiong đĭ!

I Sam 12:9

Mă-lei lu sư hiơt kơ Kră Yang 'Bok Kei-Dei lu sư, na Sư ăn lu sư kơ Sisêra, yŏng lu linh kơ pơtao đe Hasor, ăn lu sư lăm ti đe Philistin păng ăn kơ pơtao Môap; lu đe noh tơblah pơrăm lu sư.