Both 31:9 - Sơ̆p Hlabơar Nơ̆r 'Bok Kei-Dei

⁹ Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

Both 31:9 Iomraidhean Croise

I Pot 8:3

Kơplah lu kră pơlei Isơrael truh, lu 'bok soi tung hloi Hom Pơgơ̆p Kră Yang.

II Pot 17:37

Lu tơdrong juăt nơ̆r tơtă, păng nơ̆r Kră Yang athei mă Sư chih ăn kơ lu iĕm; lu iĕm athei wei răk, pơm kiơ̆ ling-lang khŏm khŏm, 'nĕ kơkuh kơ lu yang nai.

I Ho 15:2

Kơplah noh Đawit khan 'nguaih kơ bơngai Lêwi, ưh kơ đei bơngai bu gơh tung Hom Pơgơ̆p Kră Yang 'Bok Kei-Dei, yua kơ Kră Yang 'Bok Kei-Dei rơih iŏk boih lu sư wă tung Hom Pơgơ̆p Kră Yang 'Bok Kei-Dei păng bơ̆jang kơ Kră Yang ling-lang.

Ne 8:2

Năr mă mônh khei tơpơh, Esơra 'bok soi chĕp ba sơ̆p hla bơar khôi juăt truh 'bơ̆t anăp kon pơlei, drŏ-nglo păng drŏ-kăn hăm đĭ-đăng lu bơngai mơ̆ng păng hlôh.

Ne 8:3

Sư dơ̆ng tơ kơphô̆ 'bơ̆t anăp 'măng jang Đak, đŏk lăm sơ̆p hla bơar ei đơ̆ng pơgê hrôih truh tơ 'năr dơ̆ng, đei lu drŏ-nglo păng drŏ-kăn hăm đĭ lu bơngai mơ̆ng gơh hlôh. Đĭ-đăng kon pơlei pơla mơ̆ng đŏk sơ̆p hla bơar khôi juăt.

Le 24:4

Môis chih iŏk đĭ dôm nơ̆r Kră Yang bơtho akhan pơgê đơ̆ng rŏng sư iung đơ̆ng hrôih, pơdơ̆ng minh pôm chơnang soi 'bơ̆t jơ̆ng kông păng pơtăm mơjĭt-'bar tŏ gơ̆ng pơtih kơ mơjĭt-'bar adrĕch adrung Isơrael.

Da 9:13

Đĭ-đăng tơdrong răm âu truh tơ nhôn thoi đei chih boih tơ lăm khôi juăt Môis; lu nhôn kư̆m ưh kơ đei apinh Kră Yang 'Bok Kei-Dei nhôn, wă kơ lê̆ tơdrong kơnê̆ lu nhôn kơdih păng băt hlôh tơdrong lui kiơ̆ Ih.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Malachi 4:4

“Lei lu iĕm athei 'blŏk bĕ kơ khôi juăt Môis, đĭch đam Inh, mă Inh khan tơbăt ăn kơ sư tơ kông Hôrêp, wă khan dôm tơdrong juăt păng nơ̆r tơtă ăn kơ đĭ-đăng bơngai Isơrael.

Jo 33:2

Môis chu kiơ̆ nơ̆r Kră Yang tơtă chih jô̆ anih trong lu kon pơlei yak năm, hăm chih jô̆ kiơ̆ kơ anih lu sư pơdơh. Thoi noh 'nâu lu anih lu sư pơdơh păng trong lu sư yak năm.

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Jo 4:5

tơdah wă weh tơ nai plôh bơsŭn Anih akŭm, Arôn păng lu kon drŏ-nglo sư yaih lang che pĕng anih 'lơ̆ng rơgoh, na klơ̆p gom lê̆ hom tơdrong pơgơ̆p hăm che noh,

Jo 4:6

đe gô iŏk akar ka tih klơ̆p kơpal kơ che klơ̆p gom păng kư̆m lơ̆k che dreng plĕnh dơ̆ng kơpal noh păng sôr 'long tơnung tung.

Markôs 12:19

“Ơ 'Bok Thây, tơdrong juăt Môis chih ată kơ bơ̆n sơ̆ thoi âu: ‘'Nhŏng bu lôch, mi sư adro ưh kơ đei kon, oh sư athei iŏk mi sư pơm akăn na pơjing kon kơ 'nhŏng sư.’

Luka 20:28

“Ơ 'Bok Thây, Môis chih ată kơ bơ̆n sơ̆ thoi âu: ‘'Nhŏng bu lôch, mi sư adro ưh kơ đei kon, oh sư athei iŏk mi sư pơm akăn na pơjing kon kơ 'nhŏng sư.’

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Yo 5:46

Dah iĕm lui kơ nơ̆r Môis tơpă, noh iĕm kư̆m wă lui kơ Inh mơ̆n, kơlih kơ sư chih roi tơdrong Inh.

Both 10:8

Kơplah noh, Kră Yang klah lê̆ adrĕch Lêwi pha, wă tung hom pơgơ̆p Kră Yang dơ̆ng 'bơ̆t anăp Kră Yang wă bơ̆jang pơm 'bok soi kơ Sư păng yua anăn Kră Yang sơkat pŭn hiôk ăn kơ kon pơlei. Truh tơ dang ei,

Both 17:18

Kơplah mă sư pơm pơtao, pơtao athei pơm kiơ̆ khôi juăt 'nâu, mă đơ̆ng lu 'bok soi adrĕch bơngai Lêwi, chih wei minh sơ̆p răk kơdih.

Both 31:28

Krao pơpôi akŭm bĕ lu kră đơ̆ng rim khŭl adrĕch adrung lu iĕm păng lu kră pơgơ̆r lu iĕm, đơ̆ng rim kơ adrĕch bơngai; wă kơ inh roi kơ lu sư kơtơ̆ng mơ̆ng lăm đon lu sư dôm lu nơ̆r 'nâu păng Inh wă apinh plĕnh păng teh pơm kơdranh chrih blah plơ̆ hăm lu sư.

Both 33:10

Sư bơtho nơ̆r tơtă Kră Yang ăn kơ adrĕch Jakôp. Păng khôi juăt Kră Yang ăn kơ bơngai Isơrael Sư soh pơyơ̆r 'long 'bâu phu 'bơ̆t anăp Kră Yang. Pơyơ̆r tơmam soi 'buh tơ kơpal chơnang soi.

Jôsuê 3:3

Pơkă kơ kon pơlei: Tơdah lu iĕm 'bôh lu 'bok soi, adrĕch Lêwi tung Hom tơdrong pơgơ̆p Kră Yang 'Bok Kei-Dei lu iĕm, iĕm athei iung weh đơ̆ng anih iĕm oei kiơ̆ đơ̆ng rŏng.

Jôsuê 6:12

Pơgê đơ̆ng rŏng Jôsuê iung đơ̆ng hrôih păng lu 'bok soi tung Hom Pơgơ̆p Kră Yang.