Both 31:6 - Sơ̆p Hlabơar Nơ̆r 'Bok Kei-Dei

⁶ Athei nuih pran kơtang bĕ. 'Nĕ kơ hli tơrơ krưp dêh 'bơ̆t anăp lu kon pơlei noh yua kơ Kră Yang 'Bok Kei-Dei iĕm kư̆m gô năm hơdai hăm iĕm; Sư ưh kơ đei layơ achăng lê̆ iĕm kư̆m ưh kơ weh ataih đơ̆ng iĕm.

Both 31:6 Iomraidhean Croise

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Bl 28:15

'Nâu, inh gô oei hơdai ih, mă ih năm tơ yơ, inh gô kiơ̆ wei-lăng ih tơ noh păng gô anhăk ih wih brŏk tơ dêh âu; yua kơ Inh ưh kơ đei layơ wă achăng lê̆ ih dĭng mă Inh pơm keh dôm nơ̆r Inh đei pơkă boih hăm ih.

II Sam 10:12

'Nĕ kơ hli athei tơblah mă nuih đĭ jơhngơ̆m wă wei kon pơlei pơla bơ̆n, păng lu pơlei tih Kră Yang 'Bok Kei-Dei bơ̆n; hơpơi kơ Kră Yang pơm kiơ̆ thoi Sư tơchĕng 'lơ̆ng!

I Pot 2:2

“Inh wă jê̆ năm boih tơ trong mă đĭ-đăng kon bơngai ala teh âu gô năm, ih athei pran kơtang bĕ păng pơdah ih jing minh 'nu bơngai yŏng nuih.

I Pot 6:13

Inh gô oei hơdai lu bơngai Isơrael. Inh ưh kơ achăng lê̆ ôh bơngai Isơrael kon pơlei pơla inh.”

I Pot 8:57

Apinh Kră Yang 'Bok Kei-Dei apinh Sư oei hơdai lu bơ̆n thoi lĕ Sư oei hơdai lu 'bok bơ̆n sơ̆, 'nĕ ăn kơ Sư hŭt achăng lê̆ lu bơ̆n.

I Ho 22:13

Thoi noh ih gô đei tơdrong kĕ jei, tơdah ih pơ'lơ̆ng wei răk pơm kiơ̆ tơdrong juăt păng nơ̆r tơtă Kră Yang athei Môis khan ăn kơ lu bơngai Isơrael. Pran kơjăp, păng nuih kơtang bĕ 'nĕ kơ hli, 'nĕ kơ tơrơ.

I Ho 28:10

Dang ei, lăng bĕ yua kơ Kră Yang rơih iŏk ih boih wă pơm tơiung minh pôm hnam 'măn anih 'lơ̆ng rơgoh. Nuih pran kơtang bĕ na pơm.”

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

II Ho 32:7

“Athei chơ̆n jơhngơ̆m nuih pran, 'nĕ kơ hli, 'nĕ kơ tơrơ 'bơ̆t anăp pơtao Asiri păng 'bơ̆t anăp lu linh kiơ̆ sư yua kơ đei Kră Yang Tih Hloh oei hơdai bơ̆n pran hloh kơ lu bơngai oei hăm sư:

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Horiso 94:14

Yua kơ Kră Yang ưh kơ đei achăng lê̆ kon pơlei Sư. Kŭm ưh kơ lê̆ ôh dôm lu bơngai jing kon pơlei pơla Sư,

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Je 1:8

“'Nĕ hli kơ lu sư ôh, yua kơ Inh oei hơdai ih wă dŏng pơklaih ih.” Kră Yang khan.

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Hagai 2:4

Dang ei Kră Yang khan: ‘Ơ Sôrôbabel ih athei nuih kơtang bĕ; ih Jôsua, kon drŏ-nglo Jêhôsađak, 'bok soi tơm, kư̆m athei nuih kơtang Kră Yang khan dơ̆ng: Đĭ-đăng kon pơlei kơpal teh, lu iĕm kư̆m athei nuih kơtang păng bơ̆jang bĕ; yua kơ Inh oei hăm iĕm,’ Kră Yang Tih Hloh khan thoi noh.

Sa 8:13

Ơ hnam Juđa păng hnam Isơrael! Gô đei tơdrong thoi đe hiap iĕm lăm teh đak thoi yơ, na Inh gô dŏng pơklaih lu iĕm păng lu iĕm gô đei tơdrong pŭn hiôk thoi noh. Lu iĕm 'nĕ kơ hli mă-lei ti iĕm athei pran kơtang.”

Jo 13:20

teh lu sư jang sa, 'lơ̆ng dah kơnê̆, hăm đei 'long dah ưh. Athei mă nuih păng phĕ ba plei hơmu đum.

Jo 13:9

Palti kon drŏ-nglo Raphu đơ̆ng adrĕch Bênjamin;

Jo 14:9

Lăp kơ bơ̆n 'nĕ kơ hil blah Kră Yang; păng kư̆m 'nĕ kơ hli kơ lu kon pơlei lăm char noh, yua kơ lu sư jing thoi tơmam sa bơ̆n boih, ưh pă đei bu tơgŭm lu sư kĕ blah bơ̆n dơ̆ng păng 'nĕ pă hli Kră Yang oei gah bơ̆n.

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Both 1:21

To, Kră Yang 'Bok Kei-Dei ih pơjao boih dêh âu kơ ih; năm tŏk bĕ, iŏk dêh noh, kiơ̆ thoi Kră Yang 'Bok Kei-Dei 'bok iĕm đei khan boih kơ lu iĕm; 'nĕ kơ rơdu 'nĕ kơ hli.

Both 1:29

Na inh khan kơ lu iĕm: Lu iĕm 'nĕ kơ hli tơrơ kơ kiơ.

Both 11:8

Thoi noh iĕm athei wei răk bĕ dôm nơ̆r tơtă mă inh bơtho ăn kơ lu iĕm năr 'nâu, wă kơ lu iĕm đei jơhngơ̆m pran, mơ̆t iŏk dêh mă lu iĕm wă iŏk tơ pah to Krong Jôrđăn.

Both 20:1

Mưh iĕm năm tơblah ham lu bơngai ayăt kơ iĕm 'bôh aseh, gre aseh păng linh lơ hloh kơ iĕm, 'nĕ kơ hli, yua kơ Kră Yang 'Bok Kei-Dei iĕm Tơ'ngla mă chông iĕm lĕch đơ̆ng dêh Êyiptơ, gô oei hơdai iĕm.

Both 31:23

Kră Yang pơjao ăn tơdrong jang kơ Jôsuê kon drŏ-nglo Nun, khan: Ih athei chơ̆n jơhngơ̆m nuih kơtang, yua kơ ih gô ba kon pơlei Isơrael mơ̆t lăm dêh char mă Inh pơkă boih wă ăn kơ lu sư; Inh gô oei hơdai ih.

Both 31:7

Đơ̆ng noh Môis krao Jôsuê khan kơ sư 'bơ̆t anăp đĭ-đăng bơngai Isơrael: Ih athei chơ̆n jơhngơ̆m; păng nuih kơtang bĕ, yua kơ ih gô năm mơ̆t hơdai hăm lu kon pơlei 'nâu lăm dêh char mă Kră Yang hlôi pơkă boih wă ăn kơ 'bok lu sư păng ih gô klah asong ăn kơ lu sư dêh noh.

Both 31:8

Kră Yang boih gô năm adrol kơ ih, Sư gô oei hơdai hăm ih păng Sư ưh kơ achăng lê̆ ih, kư̆m ưh kơ weh ataih đơ̆ng ih. Ih 'nĕ kơ hli păng 'nĕ kơ rơdu jơhngơ̆m.

Both 4:31

Yua kơ Kră Yang 'Bok Kei-Dei iĕm jơ̆ Kră Yang 'Bok Kei-Dei băt mơnat ưh kơ achăng lê̆ păng ưh kơ pơrăm pơlôch iĕm ôh; kư̆m ưh kơ hiơt kơ tơdrong pơgơ̆p mă đơ̆ng Sư pơkă pơkăm boih hăm 'bok lu iĕm.

Both 7:18

'Nĕ kơ hli kơ lu sư, mă-lei iĕm athei 'blŏk dôm tơdrong kiơ, mă Kră Yang 'Bok Kei-Dei iĕm đei pơm boih kơ Pharaôn păng đĭ dêh Êyiptơ.

II Tim 2:1

Ơ dăm, ih athei adrin jang tơdrong Kră Yang Yêsu Krist pran kơtang. Sư boih gô ăn kơ ih jing pran.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.

Jôsuê 10:25

Jôsuê khan kơ lu sư, athei chơ̆n jơhngơ̆m nuih pran. 'Nâu boih Kră Yang wă pơm kơ đĭ-đăng bơngai ayăt kơ lu iĕm, mă lu iĕm wă blah.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.