Both 31:24 - Sơ̆p Hlabơar Nơ̆r 'Bok Kei-Dei

²⁴ Lăp Môis chih dôm lu nơ̆r khôi juăt 'nâu đơ̆ng tơm truh tơ tôch tơ lăm minh sơ̆p hla bơar keh đang boih.

Both 31:24 Iomraidhean Croise

II Pot 22:8

Hilkia, 'bok soi tơm, sư khan kơ Saphan bơngai chih hla bơar: “Inh chă 'bôh bơih Sơ̆p hla bơar khôi juăt đơ̆ng lăm Hnam akŭm kơkuh kơ Kră Yang.” Hilkia ăn kơ Saphan sơ̆p hla bơar noh, na Saphan iŏk đŏk lăng.

Both 17:18

Kơplah mă sư pơm pơtao, pơtao athei pơm kiơ̆ khôi juăt 'nâu, mă đơ̆ng lu 'bok soi adrĕch bơngai Lêwi, chih wei minh sơ̆p răk kơdih.

Both 31:23

Kră Yang pơjao ăn tơdrong jang kơ Jôsuê kon drŏ-nglo Nun, khan: Ih athei chơ̆n jơhngơ̆m nuih kơtang, yua kơ ih gô ba kon pơlei Isơrael mơ̆t lăm dêh char mă Inh pơkă boih wă ăn kơ lu sư; Inh gô oei hơdai ih.

Both 31:25

Na Môis athei lu bơngai Lêwi tung Hom Tơdrong Pơgơ̆p Kră Yang;

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

Jôsuê 1:8

Sơ̆p hla bơar khôi juăt âu 'nĕ kơ ataih đơ̆ng 'bơ̆r ih, athei tơchĕng măng năr, lei athei pơ'lơ̆ng pơm kiơ̆ kơ nơ̆r đei chih lăm noh, thoi noh na lăm trong ih năm gô đei tơdrong pŭn hiôk.

Jôsuê 24:26

Jôsuê chih đĭ dôm nơ̆r noh lăm sơ̆p hla bơar khôi juăt 'Bok Kei-Dei. Đơ̆ng noh, sư iŏk minh pôm tơmo tih pơdơ̆ng 'bơ̆t ala tơm 'long kôih jê̆ anih rơgoh Kră Yang.