Both 31:2 - Sơ̆p Hlabơar Nơ̆r 'Bok Kei-Dei

² Dang ei inh đei minh-hrĕng 'bar-jĭt sơnăm boih; inh ưh pă gơh lĕch păng ưh pă gơh mơ̆t dơ̆ng; Kră Yang đei khan hăm inh boih: Ih ưh pă gơh yak tŏk năm hlôi kơ đak Krong Jôrđăn, 'nâu dơ̆ng.

Both 31:2 Iomraidhean Croise

II Sam 21:17

Mă-lei Abisai, kon yă Sêruia năm dŏng pơtao, blah bơngai Philistin 'noh păng pơlôch lê̆ lu sư. Kơplah noh lu linh pơtao Đawit pơkă: “Pơtao ih 'nĕ pă lĕch tơblah hơdai lu nhôn dơ̆ng, kơnh pơtao pĭt hŭt pla ŭnh kơđeng kon pơlei Isơrael.”

I Pot 3:7

Dang ei ơ Kră Yang 'Bok Kei-Dei inh, Ih ăn bơih kơ inh đĭch đam Ih pơm pơtao pơtrơp đơ̆ng Đawit, 'bă inh; mă-lei inh bơngai oei 'lơ̆p, ưh kơ băt wă pơgơ̆r teh đak thoi yơ.

Horiso 90:10

Sơnăm lu nhôn arih kư̆m lăp truh tơpơh-jĭt. Dah đei pran 'biơ̆ truh tơ tơhngam-jĭt. Mă-lei tơdrong pơang lu sư, jơ̆ lăp pơmat-tat păng ơh sơ'ngon. Yua kơ tơdrong arih lu nhôn 'bônh kơ tôch, đơ̆ng noh lu nhôn păr hiong.

Le 7:7

Kơplah, bre sư năm apinh Pharaôn, noh Môis đei tơhngam-jĭt sơnăm păng Arôn tơhngam-jĭt pêng sơnăm.

Jo 20:12

Kră Yang khan dơ̆ng kơ Môis păng Arôn thoi âu: Yua kơ măr iĕm ưh kơ lui kơ Inh ưh kơ wă pôk pơyom Inh 'lơ̆ng rơgoh, 'bơ̆t anăp kon pơlei Isơrael lei na măr iĕm ưh kơ gơh chông kon pơlei âu năm truh tơ char mă Inh đei pơkă wă ăn kơ lu iĕm.

Jo 27:17

Wă kơ bơngai noh mơ̆t lĕch năm 'bơ̆t anăp lu sư, wă kơ bơngai noh chông ba lu sư mơ̆t păng chông ba lu sư lĕch, wă kơ khŭl akŭm Kră Yang huay kơ thoi triu ưh kơ đei bơngai wei.

Jang 20:25

“Sơ̆ inh năm tơ rim lu iĕm, bơtho ăn kơ đĭ-đăng iĕm tơdrong 'Bok Kei-Dei wă pơgơ̆r iĕm thoi yơ. Na dang ei inh băt kơ iĕm ưh kơ đei layơ wă 'bôh akâu inh tơ ala teh âu dơ̆ng.

Jang 7:23

“Truh tơ Môis puăn-jĭt sơnăm boih, sư tơchĕng wă năm hơpong tơ buôl sư đe Isơrael.

Both 1:37

Yua kơ đơ̆ng lu iĕm na Kră Yang kư̆m hil kơ inh, na khan: Ih kư̆m lei-lăi, ưh kơ gơh wă mơ̆t tơ dêh noh ôh.

Both 31:1

Đơ̆ng noh Môis lĕch pơma nơ̆r 'nâu hăm đĭ-đăng lu bơngai Isơrael dôm lu nơ̆r tơ ala âu,

Both 34:7

Môis lôch, kơplah sư đei minh-hrĕng 'bar-jĭt sơnăm; măt sư oei hơdah 'lơ̆ng, jơhngơ̆m sư oei pran.