Both 31:19 - Sơ̆p Hlabơar Nơ̆r 'Bok Kei-Dei

¹⁹ Thoi noh dang ei, chih bĕ nơ̆r hơri 'nâu păng bơtho ăn kơ kon pơlei bơngai Isơrael hơri, lu sư athei thuơk lăm đon kơ nơ̆r hơri 'nâu wă roi tơbăt ăn Inh kơ nơ̆r Inh chrih ayăt hăm lu sư.

Both 31:19 Iomraidhean Croise

II Sam 14:3

Ih apinh wă tơ'bơ̆p pơtao roi ăn kơ pơtao thoi âu.” Jôap bơtho drŏ-kăn ei wă kơ sư pơma.

Horiso 102:18

Chih 'măn lê̆ bĕ tơdrong âu kơ chăl đơ̆ng rŏng. Minh adrĕch pơjing đơ̆ng rŏng lu sư gô kơkuh bơnê kơ Kră Yang;

Le 4:15

Lei na ih pơma hăm sư păng hơmet lê̆ dôm nơ̆r wă pơma lăm 'bơ̆r sư, kơplah măr iĕm pơma. Inh gô oei hơdai lăm 'bơ̆r ih păng 'bơ̆r 'nhŏng ih, bơtho iĕm dôm tơdrong kiơ wă pơm.

Êsai 51:16

Inh dan bơih nơ̆r pơma Inh lăm 'bơ̆r iĕm, ôn iĕm lăm yơ̆p tơpang ti Inh. Inh bơlang lu tăl plĕnh păng pơjing plei teh, păng pơma hăm Siôn khan: Iĕm jơ̆ kon pơlei Inh!”

Êsai 59:21

Kră Yang khan: “Gah Inh 'nâu, noh boih tơdrong Inh pơgơ̆p hăm lu sư. Yang bơhngol Inh oei tơ lăm iĕm păng lu nơ̆r Inh tah bơih lăm 'bơ̆r iĕm, gô ưh kơ weh đơ̆ng 'bơ̆r iĕm păng 'bơ̆r adrĕch adrung kon sâu iĕm đơ̆ng dang ei ling-lang truh kơ ning-mônh,” Kră Yang khan thoi noh.

Je 1:9

Kră Yang yơ̆r ti Sư pel 'bơ̆r inh, Kră Yang khan kơ inh: “Âu, Inh dan boih nơ̆r Inh lăm 'bơ̆r ih.”

Êsêkiên 2:5

Mă lu sư mơ̆ng dah ưh, yua kơ lu sư adrĕch adrung ayăt kơ Inh, lu sư kư̆m gô băt, lăm lu sư đei boih 'bok khan lê̆ adrol.

Mathiơ 10:18

Păng đe gô jao iĕm kơ lu 'bok tih păng 'bok pơtao yua kơ iĕm jang tơdrong Inh. Iĕm kư̆m gơh ră roi kơ lu sư păng roi kơ lu bơngai dêh đe tơdrong 'nao 'lơ̆ng Inh.

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

Both 11:19

Athei bơtho dơ̆ng kơ lu kon sâu iĕm, tơ'blŏk mă lu sư oei ngôi lăm hnam dah yak rok trong, kơplah oei tep dah iung đơ̆ng tep.

Both 31:18

Mă-lei lăm năr noh, Inh gô ôn muh măt Inh, yua kơ đơ̆ng đĭ-đăng lu tơdrong yoch kơnê̆ lu sư pơm năm kiơ̆ lu yang nai.

Both 31:26

iŏk bĕ sơ̆p hla bơar khôi juăt 'nâu, lê̆ 'bơ̆t cheng Hom Tơdrong Pơgơ̆p Kră Yang 'Bok Kei-Dei lu iĕm, lê̆ Sơ̆p hla bơar tơ noh 'bơ̆t cheng Hom Tơdrong Pơgơ̆p pơm nơ̆r tơbăt pơsĭt ayăt hăm lu iĕm:

Both 31:30

Đơ̆ng noh Môis đŏk dôm lu nơ̆r hơri 'nâu đơ̆ng tơm truh tơ tôch ăn kơ đĭ-đăng đon bơngai Isơrael mơ̆ng:

Both 32:1

Ơ lu tăl plĕnh mơ̆ng bĕ, 'nâu wă pơma; ơ teh apinh mơ̆ng bĕ nơ̆r đơ̆ng 'bơ̆r inh.

Both 6:7

Athei adrin bơtho ăn dôm tơdrong noh kơ lu kon iĕm păng bơtho tơdrong âu kơplah sư oei lăm hnam, dah oei năm rok trong, dah wă tep, dah iung đơ̆ng tep.

Jôsuê 24:27

Na Jôsuê pơma khan hăm đĭ-đăng kon pơlei: To, tơmo âu wă yua pơm kơdranh kơ lu bơ̆n; yua kơ sư đei kơtơ̆ng boih dôm nơ̆r Kră Yang đei khan kơ lu bơ̆n, sư gô pơm kơdranh plơ̆ ăn kơ lu iĕm, dah lu iĕm hơlĕnh ưh kơ chu Kră Yang 'Bok Kei-Dei lu iĕm.