Both 30:5 - Sơ̆p Hlabơar Nơ̆r 'Bok Kei-Dei

⁵ Kră Yang 'Bok Kei-Dei iĕm gô chông ba iĕm brŏk tơ dêh 'bok, 'bă iĕm iŏk boih: Sư gô ăn kơ iĕm chek lar hrôh ngôh mơdrŏng hloh kơ 'bok iĕm.

Both 30:5 Iomraidhean Croise

Horiso 119:68

Ih 'lơ̆ng juăt kơ pơm 'lơ̆ng; apinh Ih bơtho inh tơdrong juăt Ih.

Je 29:14

Kră Yang khan: “Inh gô ăn kơ lu iĕm tơ'bơ̆p Inh păng Inh gô iŏk chông anhăk pơdrâu lu iĕm brŏk đơ̆ng pơm bơnă.” Kră Yang khan: “Inh gô akŭm pơđĭ lu iĕm đơ̆ng jơ̆p kơ dêh char, đơ̆ng rim pơlei pơla mă Inh đei puh lu iĕm tơ noh păng gô iŏk anhăk lu iĕm wih brŏk tơ teh đak mă đêl Inh puh iĕm đơ̆ng noh sơ̆.”

Je 30:3

Kră Yang khan: “Gô đei năr, Inh gô chông ba kon pơlei Inh bơngai Juđa păng Isơrael wih brŏk đơ̆ng pơm bơnă. Kră Yang khan: “Inh gô ba lu sư brŏk iŏk teh đak mă Inh đei ăn boih kơ lu yă 'bok lu sư.”

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Êsêkiên 36:11

Inh gô pơm ăn kon bơngai păng sem dơrong lăm char ih rai lơ păng chek lar. Inh gô ăn kơ ih đei kon pơlei oei thoi adrol sơ̆ păng ăn ih mơdrŏng hloh kơ blŭng-a. Na ih gô băt Inh boih Kră Yang.

Êsêkiên 36:37

Kră Yang khan thoi âu: “Inh kư̆m ăn kơ adrĕch adrung Isơrael chă apinh Inh tơdrong 'nâu, ăn kơ lu sư rai lơ kơdrâ̆m thoi khŭl triu,

Jo 10:29

Môis khan kơ Hôbap kon drŏ-nglo Rêuel, bơngai Madian, Hêbap 'nhŏng akăn sư, thoi âu: Lu nhôn năm truh tơ dêh char mă Kră Yang đei pơkă khan: Inh gô ăn kơ lu iĕm dêh char noh. Apinh ih năm hơdai nhôn, lu nhôn gô pơm 'lơ̆ng hăm ih; yua kơ Kră Yang pơkă wă ăn pŭn hiôk kơ kon pơlei adrĕch Isơrael.

Both 13:17

Dôm tơmam trŏ kơ đe pơrăm tơhiong ưh kơ đei bu mă chro ti iŏk ôh wă kơ Kră Yang huay kơ hil mĭl, na tơ'bôh tơdrong Sư 'mêm mơnat kơ iĕm ăn kơ iĕm hrôh ngôh rai lơ thoi sư đei pơkă pơkăm hăm lu 'bok iĕm sơ̆.

Both 7:13

Kră Yang sư 'mêm mơnat kơ iĕm, ăn tơdrong pŭn hiôk kơ iĕm ăn kơ lu kon sâu iĕm rai lơ hrôh ngôh; Sư gô ăn tơdrong pŭn hiôk kơ lu kon iĕm đơ̆ng blu pôih, ăn tơmam đơ̆ng teh, ăn phe 'ba, hơ'bo, plei hơmu păng đak rơmă plei 'long ôliwơ kơ iĕm, ăn rơmo, triu rai lơ lăm teh đak, mă sư đei pơkă pơkăm boih hăm 'bok iĕm, wă ăn kơ iĕm.