Both 30:15 - Sơ̆p Hlabơar Nơ̆r 'Bok Kei-Dei

¹⁵ Âu, năr 'nâu inh apinh iĕm rơih iŏk tơdrong arih pŭn hiôk, dah tơdrong pơmat-tat lôch răm.

Both 30:15 Iomraidhean Croise

Bl 2:17

Mă-lei gah tơnơm 'long băt tơdrong 'lơ̆ng păng tơdrong kơnê̆, ih 'nĕ kơ sa hŏ; dah ih sa sĭt ih gô lôch.”

Tơdrông Pơđơk 12:28

Tơdrong arih oei 'bih tơdrong tơpăt; Lăm trong gơlong sư ưh kơ đei lôch.

Êsai 1:19

Tơdah lu iĕm wă păng chu yom Inh, Lei lu iĕm gô sa tơmam 'lơ̆ng hloh lăm teh âu.

Je 21:8

Ih athei khan dơ̆ng kơ kon pơlei âu: Kră Yang khan: Âu, Inh dan lê̆ boih trong tơdrong arih păng trong ba tơdrong lôch 'bơ̆t anăp lu iĕm.

Je 42:21

Năr 'nâu inh đei roi boih kơ lu iĕm, mă-lei lu iĕm ưh kơ wă chu kiơ̆ nơ̆r Kră Yang 'Bok Kei-Dei lu iĕm, ưh kơ wă pơm kiơ̆ dôm lu tơdrong mă Kră Yang đei athei inh roi ăn kơ lu iĕm.

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Markôs 16:16

Bơngai bu lui păng iŏk 'batem, bơngai 'noh sư gơh klaih đơ̆ng tơdrong yoch. Bơngai bu ưh kơ chu lui sư gô pŭ tơdrong phak.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Both 11:26

Dang ei Inh ăn 'bơ̆t anăp lu iĕm rơih iŏk tơdrong pŭn hiôk păng tơdrong hiap pơtê̆.

Both 30:1

Layơ dôm tơdrong 'nâu đei truh kơ iĕm, pŭn hiôk dah pơmat-tat, mă inh đei roi pơdah truh tơ iĕm, kơplah oei lăm lu teh đak, mă Kră Yang 'Bok Kei-Dei iĕm puh iĕm năm, lu iĕm gô 'blŏk dơ̆ng kơ dôm tơdrong inh bơtho khan.

Both 30:14

Ưh ôh, nơ̆r Kră Yang jê̆ iĕm lăm 'bơ̆r iĕm păng lăm jơhngơ̆m iĕm, na wă kơ iĕm pơm kiơ̆ Sư.

Both 30:19

Năr 'nâu, inh krao plĕnh păng teh pơm kơdranh ăn kơ inh, inh dan tơ'bôh 'bơ̆t anăp iĕm rơih iŏk tơdrong arih păng tơdrong lôch, tơdrong pŭn hiôk păng tơdrong hiap pơtê̆. Thoi noh, rơih bĕ tơdrong arih, wă kơ iĕm păng lu kon sâu iĕm gơh arih.

Both 32:47

'Nâu ưh kơ sĭ nơ̆r pơma ngôi đĕch, mă-lei noh jơ̆ tơdrong arih lu iĕm; kơplah gơnang kơ nơ̆r 'nâu, na lu iĕm gô oei arih sot tơ kơpal teh đak mă lu iĕm gô iŏk mưh iĕm tŏk hlôi kơ đak Krong Jôrđăn.

I Yo 3:23

Tơdrong Sư wă kơ bơ̆n răk thoi âu: Bơ̆n athei lui kơ Kon Sư Yêsu Krist păng 'mêm mơnat dih băl tơduă bơ̆n, kư̆m thoi Yêsu pơkă kơ bơ̆n sơ̆.