Both 3:6 - Sơ̆p Hlabơar Nơ̆r 'Bok Kei-Dei

⁶ Lu bơ̆n pơrăm goh đĭ lu sư, kư̆m thoi lu bơ̆n pơm boih kơ Sihôn, pơtao đe Hesbôn, pơrăm đĭ lu pơlei tih, lu bơngai drŏ-nglo, drŏ-kăn păng lu kon hơ'lơ̆p.

Both 3:6 Iomraidhean Croise

Jo 21:2

Lu bơngai Isơrael pơma pơkă hăm Kră Yang khan: Tơdah Ih jao ăn kon pơlei âu lăm ti Inh, nhôn gô pơrăm đĭ lu pơlei tih sư.

Both 1:4

Đơ̆ng rŏng kơ sư blah pơlôch Sihôn pơtao Amôrit oei tơ pơlei Hesbôn păng Ôk pơtao Basan oei tơ pơlei Astarôt păng pơlei Êdrei.

Both 2:24

Iung bĕ, yak năm hlôi kơ đak glung Arnôn to;b Inh jao Sihôn, pơtao Hesbôn, bơngai Amôrit, hăm dêh lu sư lăm tơpang ti iĕm; pơtơm iŏk bĕ păng tơblah hăm lu sư.

Both 2:34

Kơplah noh bơ̆n iŏk đĭ lu pơlei tih sư, pơrăm đĭ lu pơlei tih păng pơrăm đĭ-đăng drŏ-nglo, drŏ-kăn păng lu kon hơ'lơ̆p, ưh kơ đei lê̆ minh 'nu bu.

Both 29:6

Lu iĕm ưh kơ đei sŏng sa păng ưh kơ đei huch đak hơmu dah et tơdrô suai ôh, wă kơ iĕm băt Inh boih Kră Yang 'Bok Kei-Dei lu iĕm.

Both 3:2

Mă-lei Kră Yang khan kơ inh: Ih 'nĕ hli kơ sư ôh, yua kơ Inh jao sư, đĭ-đăng kon pơlei păng dêh sư lăm tơpang ti iĕm boih; iĕm gô pơm kơ sư kư̆m thoi iĕm pơm boih kơ Sihôn, pơtao đe Amôrit, mă oei tơ pơlei Hesbôn.

Both 3:5

Đĭ-đăng lu pơlei tih noh jơ̆ pơlei kơjăp đei dur kơjung, 'măng jang păng đei 'long chơkăl; hloh kơ noh dơ̆ng kư̆m đei lơ lu pơlei mă ưh kơ đei dur.

Jôsuê 11:14

Kon pơlei Isơrael iŏk kơdih lu tơmam păng sem dơrong mă lu sư đei blah iŏk đơ̆ng lăm pơlei noh, pơlôch pơrăm đĭ lu bơngai hăm đao gưm, pă đei lê̆ minh sem dơrong oei kiơ arih.