Both 3:5 - Sơ̆p Hlabơar Nơ̆r 'Bok Kei-Dei

⁵ Đĭ-đăng lu pơlei tih noh jơ̆ pơlei kơjăp đei dur kơjung, 'măng jang păng đei 'long chơkăl; hloh kơ noh dơ̆ng kư̆m đei lơ lu pơlei mă ưh kơ đei dur.

Both 3:5 Iomraidhean Croise

Ne 9:25

Lu sư blah tơgar iŏk pơlei tih kơjăp păng chŭn mir teh 'lơ̆ng, lu hnam 'bĕnh kơ tơmam 'lơ̆ng, lu đak sơlŭng, pơgar hơmu, pơgar ôliwơ păng plei 'long lơ; lu sư sa phĭ mah rơkah rơkai păng bek, hiôk chơt lăm tơdrong 'mêm Kră Yang tih dêh.

Esther 9:19

Yua kơ noh lu bơngai Juđa oei lăm pơlei iĕ, iŏk năr mơjĭt-puăn khei Adar pơih minh năr pơm sŏng sa tih chơt hiôk 'blŏk hơdơ̆r pơm năr giĕng pơdơh, lăm năr noh lu sư gơih băl tơmam lăng jơ̆ng ti tơduă lu sư.

Jo 13:28

Mă-lei kon pơlei oei lăm char noh bơngai pran kơtang, anih pơlei dur kơjăp păng tih; mă-lei lu nhôn 'bôh đei kon sâu Anak oei tơ noh.

Both 1:28

Lu bơ̆n wă năm tơ yơ? 'Nhŏng oh lu bơ̆n pơm kơ lu bơ̆n hli na khan: Adrĕch noh tih păng kơjung hloh kơ lu bơ̆n; pơlei lu sư ei tih păng man dur kơjăp kơjung truh tơ plĕnh; tơ noh lu nhôn kư̆m 'bôh lu kon sâu kon pơlei Anakim tih kơjung.

Both 3:4

Kơplah noh lu bơ̆n iŏk đĭ lu pơlei tih sư, ưh kơ đei pơlei tih ayơ đơ̆ng mă lu bơ̆n ưh kơ tam iŏk; đei tơdrâu-jĭt tŏ pơlei tih păng đĭ tơring Argôp, teh đak pơtao Ôk lăm dêh Basan.

Both 3:6

Lu bơ̆n pơrăm goh đĭ lu sư, kư̆m thoi lu bơ̆n pơm boih kơ Sihôn, pơtao đe Hesbôn, pơrăm đĭ lu pơlei tih, lu bơngai drŏ-nglo, drŏ-kăn păng lu kon hơ'lơ̆p.

Hêbrơ 11:30

Lu bơngai Isơrael đei đon lui, na lu sư năm blah Pơlei Jêrikô, dăr hăm akâu sư kơdih đĕch, tơpơh năr dăr, dur Pơlei Jêrikô pơchah phê̆ lêng bêng.

I Sam 6:18

Lu rup kơne pơm hăm maih kư̆m asong kơ pơđăm tŏ pơlei kiơ̆ kơ pơđăm 'nu kră pơgơ̆r bơngai Philistin iŏk đơ̆ng pơlei tih kơjăp truh tơ lu pơlei iĕ ataih. Tơmo tih mă đêl dan Hom Pơgơ̆p Kră Yang oei đei truh kơ dang ei lăm mir 'bok Jôsuê bơngai pơlei Bêt Sêmes.