Both 3:24 - Sơ̆p Hlabơar Nơ̆r 'Bok Kei-Dei

²⁴ Ơ Kră Yang, Ih hlôi tơ'bôh kơ đĭch đam Ih tơdrong krưp tih păng tơpang ti mơyang Ih, yua kơpal plĕnh ala teh âu ưh kơ đei yang ayơ gơh pơm tơdrong mơsêh mơyang thoi Ih.

Both 3:24 Iomraidhean Croise

II Sam 7:22

Ơ Kră Yang, Kră Yang inh, Ih boih Kră Yang Tih Hloh ưh kơ đei bu hơtŏ kơ Ih, păng ưh kơ đei Kră Yang 'Bok Kei-Dei nai hloh kơ Ih, thoi kơ đon nhôn đei kơtơ̆ng boih.

I Pot 8:42

lu bơngai teh đak 'nguaih lu sư kơtơ̆ng Anăn Ih ti mơsêh mơyang Ih, mưh lu sư krao khan lăm hnam âu.

II Ho 6:14

Sư khan: “Bơnê kơkuh kơ Ih Kră Yang 'Bok Kei-Dei Isơrael kơpal plĕnh păng ala teh ưh kơ đei yang kiơ nai mă thoi Ih wei răk dôm nơ̆r đêl pơkă wă 'mêm mơnat kơ đĭch đam Ih, mưh lu sư đĭ jơhngơ̆m năm kiơ̆ Ih.

Ne 9:32

Yua kơ thoi noh na dang ei. Ơ Kră Yang 'Bok Kei-Dei lu nhôn Ih boih Kră Yang 'Bok Kei-Dei tih hloh mơsêh mơyang trŏ kơ hli yom, bơwei tơdrong pơgơ̆p păng tơdrong pơm 'lơ̆ng, 'nĕ lăng tơdrong âu thoi iĕ đĕch 'bơ̆t anăp Ih dôm lu tơdrong jĭ jăn pơmat-tat đei truh boih kơ lu nhôn, tơ lu pơtao păng lu kră pơgơ̆r, tơ lu 'bok soi păng lu 'bok khan lê̆ adrol, kơ 'bok yă lu nhôn păng tơ kon pơlei Kră Yang, đơ̆ng chăl lu pơtao Asiri truh tơ dang ei.

Horiso 106:2

Bu gơh roi dôm tơdrong jang mơsêh mơyang Kră Yang, bu kĕ roi dôm nơ̆r hơri bơnê kơ Sư?

Horiso 145:3

Kră Yang tih mơng, trŏ kơ bơnê ư-ang tơpă; Tơdrong tih Sư kon bơngai ưh kơ đei gơh pơtŏ pơting.

Horiso 145:6

Đe gô ră roi tơdrong mơsêh pran kơ tơdrong jang krưp Ih; Gah inh gô roi tơbăt tơdrong tih krưp Ih pơm.

Horiso 150:2

Bơnê ư-ang bĕ kơ Sư yua kơ tơdrong mơsêh mơyang Sư. Bơnê ư-ang bĕ kơ Sư kiơ̆ kơ tơdrong tih krưp Sư.

Horiso 35:10

Lu kơting inh khan: “Ơ Kră Yang. Bu thoi Ih, Ih pơklaih lu bơngai tơrăn đơ̆ng lu bơngai pran hloh kơ sư. Tơgŭm lu bơngai pơmat păng lu bơngai dơnuh hoh kơđei đơ̆ng ti lu bơngai tơtông tơgar.”

Horiso 71:19

Ơ Kră Yang 'Bok Kei-Dei, tơdrong tơpăt Ih kơjung tĭk tơ plĕnh. Ih đei pơm boih tơdrong jang tih. Ơ Kră Yang 'Bok Kei-Dei, bu đei thoi Ih?

Horiso 86:8

Ơ Kră Yang, lăm lu yang ưh kơ đei bu thoi Ih; Dôm tơdrong jang lu sư kư̆m ưh kơ đei thoi tơdrong jang Ih.

Horiso 89:6

Yua kơ tơ plĕnh, hăm đei bu gơh pơtŏ hăm Kră Yang? Hăm đei bu lăm lu yang nhen thoi Kră Yang.

Horiso 89:8

Ơ Kră Yang 'Bok Kei-Dei Tih Hloh, bu mơsêh thoi Ih? Tơdrong 'lơ̆ng tơpăt Ih oei tăp dăr kơ Ih.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Le 8:10

Pơtao tơl khan: Năr dơning, Môis khan: Lei ăn kơ nơ̆r ih pơma noh jing thoi noh, wă kơ ih băt ưh kơ đei bơngai bu thoi Kră Yang 'Bok Kei-Dei lu nhôn.

Le 9:14

'Bơ̆t jơ 'nâu, Inh gô tuh tơdrong pơmat jĭ lăm jơhngơ̆m ih đĭch đam ih; păng kon pơlei ih, wă kơ ih băt, jơ̆p kơ teh đak ưh kơ đei bu thoi Inh.

Êsai 40:18

Lu iĕm hăm gơh pơting Kră Yang 'Bok Kei-Dei hăm bu? Iĕm iŏk hơbŏ kiơ wă pơtih hăm Sư?

Êsai 40:25

Tơ'ngla 'Lơ̆ng Rơgoh khan: “Lu iĕm wă pơting Inh hăm bu?” Bu hơtŏ hăm Inh?

Je 10:6

Ưh kơ đei yang kiơ thoi Ih ơ Kră Yang. Ih boih Kră Yang Tih Dêh, Ih mơsêh mơyang pran kơtang hloh.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.

Jo 23:23

Ưh kơ đei bơngai pơjâu lăm Jakôp. Lăm Isơrael kư̆m ưh kơ đei bơngai tơwir hơlĕnh yua kơ dang ei trŏ boih đe gô pơma khan gah Jakôp păng Isơrael thoi âu: Lăng đei tơdrong Kră Yang pơm hlĭch tơpă! Pă băt dang yơ.

Both 11:2

Năr 'nâu, lu iĕm athei băt inh ưh kơ đei pơma bơtho kơ lu kon hơ'lơ̆p iĕm ôh, yua kơ lu sư ưh kơ tam băt păng kư̆m ưh tam 'bôh. Tam mă kơtơ̆ng lu nơ̆r bơtho khan đơ̆ng Kră Yang 'Bok Kei-Dei lu iĕm, tơdrong 'lơ̆ng tơpăt Sư, ti mơsêh pran kơtang tih Sư.

Both 3:23

Kơplah ei; inh krao khan hăm Kră Yang thoi âu:

Both 32:3

Inh ư-ang anăn Kră Yang. Bĕ bơ̆n hơri ư-ang kơ Kră Yang 'Bok Kei-Dei Tơ'ngla mă tih hloh!