Both 3:20 - Sơ̆p Hlabơar Nơ̆r 'Bok Kei-Dei

²⁰ Dĭng mă Kră Yang ăn 'nhŏng oh lu iĕm đei tơdrong pơdơh hiôk thoi bơ̆n păng lu 'nhŏng oh iĕm kư̆m gơh iŏk boih dêh mă Kră Yang 'Bok Kei-Dei lu iĕm ăn kơ lu sư tơ gah pah to đak Krong Jôrđăn; klaih kơ noh đĭ-đăng kơ lu iĕm gơh wih brŏk bơ̆jang sa mă teh inh đei ăn boih kơ lu iĕm.

Both 3:20 Iomraidhean Croise

Jo 32:18

Lu nhôn ưh tam mă brŏk tơ hnam lu nhôn adrol kơ lu kon pơlei Isơrael tam mă iŏk teh jang sa.

Jo 32:22

păng tơdah dơning dơmônh char 'nâu blah iŏk 'bơ̆t anăp Kră Yang boih, iĕm wih brŏk 'bơ̆t anăp Kră Yang hăm kon pơlei Isơrael, lu iĕm ưh pă đei pơma kiơ păng teh âu gô jing teh iĕm jang sa 'bơ̆t anăp Kră Yang.

Both 12:9

Dang ei lu iĕm tam mă mơ̆t tơ anih pơdơh păng tam mă đei iŏk teh bơ̆jang sa mă Kră Yang 'Bok Kei-Dei iĕm wă ăn.

Both 3:21

Kơplah noh inh pơkă boih kơ Jôsuê: Măt ih 'bôh boih dôm tơdrong Kră Yang 'Bok Kei-Dei lu iĕm hlôi pơm boih kơ 'bar 'nu pơtao âu; Kră Yang kư̆m gô pơm thoi noh kơ dôm lu teh đak ayơ mă iĕm wă năm mơ̆t.

Jôsuê 1:15

dĭng dang yơ mă Kră Yang ăn tơdrong hiôk-hian kơ lu 'nhŏng oh iĕm thoi đei ăn boih kơ lu iĕm păng dĭng lu sư đei iŏk asong băl dêh char mă Kră Yang 'Bok Kei-Dei đei ăn kơ lu sư. Đơ̆ng noh lu iĕm gô wih tơ char lu iĕm kơdih, dêh char mă Môis đĭch đam Kră Yang đei ăn kơ lu iĕm gah âu kơ đak Krong Jôrđăn, gah măt 'năr lĕch, na lu iĕm gô iŏk teh noh pơm anih lu iĕm jang sa.

Jôsuê 22:2

na khan: Lu iĕm đei pơm boih dôm tơdrong đơ̆ng Môis đĭch đam Kră Yang bơtho tơtă. Păng kư̆m chu kiơ̆ dôm nơ̆r inh tơtă pơkă kơ lu iĕm.

Jôsuê 22:4

Dang ei Kră Yang 'Bok Kei-Dei ăn boih kơ lu 'nhŏng oh iĕm pơdơh hiôk-hian kiơ̆ thoi nơ̆r Kră Yang đei pơkă boih, thoi noh wih brŏk bĕ tơ hnam tơ teh jang sa lăm char lu iĕm mă Môis đĭch đam Kră Yang hlôi ăn boih kơ lu iĕm gah hơlĕch kơ đak Krong Jôrđăn.

Jôsuê 22:8

păng khan: “Lu iĕm wih brŏk tơ anih kơdih đei chĕp ba tơmam lơ, kon sem dơrong, hăm maih, hu, kong, bơsei păng ao, lơ tơpă athei klah asong ăn kơ 'nhŏng oh iĕm tơmam blah iŏk đơ̆ng lu ayăt kơ lu iĕm.”

Jôsuê 22:9

Thoi noh lu bơngai Rubên, bơngai Gat păng minh puăt kơ adrĕch Manase weh đơ̆ng kon pơlei Isơrael tơ Silô lăm char Kanaan, wih brŏk tơ char Gileat teh jang sa mir 'ba kơdih, mă lu sư đei blah iŏk boih kiơ̆ kơ nơ̆r Kră Yang pơkă ăn kơ Môis.