Both 3:12 - Sơ̆p Hlabơar Nơ̆r 'Bok Kei-Dei

¹² Kơplah lu bơ̆n đei iŏk dêh noh, jing char bơ̆n inh asong ăn kơ adrĕch Rubên păng Gat iŏk đơ̆ng tơring gah yă-nơ̆m pơlei Arôe, tơ rok thŭng đak glung Arnôn păng minh puăt kông groi Gileat, hăm lu pơlei tih sư.

Both 3:12 Iomraidhean Croise

II Pot 10:33

Blah tơgar iŏk đĭ-đăng tơring đơ̆ng đak krong Jôrđăn dĭng truh tơ gah hơlĕch, đĭ dêh gah Gileat, teh khŭl bơngai Gat, Rubên, păng adrĕch Manase, đơ̆ng Pơlei Arôe, 'bơ̆t thong đak Arnôn truh tơ dêh Gileat păng dêh Basan.

Jo 32:40

Thoi noh, Môis ăn tơring char Gileat kơ kon sâu Maki, kon drŏ-nglo Manase, lu sư oei tơ noh.

Both 2:36

Đơ̆ng pơlei Arôe; mă oei tơter thong đak glung Arnôn păng lu pơlei tih oei lăm thŭng truh tơ Gileat, ưh kơ đei minh pôm pơlei tih ayơ mă pơm kơjăp dêh 'bơ̆t anăp lu bơ̆n; Kră Yang 'Bok Kei-Dei lu bơ̆n jao đĭ lu pơlei noh ăn kơ bơ̆n.

Both 29:7

Mưh iĕm truh tơ anih 'nâu, Sihôn, pơtao pơlei Hesbôn păng Ôk, pơtao char Basan, năm tơblah hăm lu bơ̆n mă-lei tơblah jei bơ̆n.

Both 29:8

Iŏk dêh char sư pơjao ăn kơ adrĕch Rubên, Gat păng pơjao ăn minh puăt kơ adrĕch Manase jang sa.

Both 3:13

Inh klah asong minh puăt kơ adrĕch Manase, mă oei minh puăt lăm kông groi Gileat păng char Basan teh đak pơtao Ôk, wă khan đĭ tơring Argôp lăm char Basan. Tơring ei đe krao dêh Rêphaim.

Both 4:48

Teh âu iŏk đơ̆ng pơlei Arôe jih thong đak Arnôn, truh tơ Kông Siriôn, wă khan kông Hermôn.