Both 29:6 - Sơ̆p Hlabơar Nơ̆r 'Bok Kei-Dei

⁶ Lu iĕm ưh kơ đei sŏng sa păng ưh kơ đei huch đak hơmu dah et tơdrô suai ôh, wă kơ iĕm băt Inh boih Kră Yang 'Bok Kei-Dei lu iĕm.

Both 29:6 Iomraidhean Croise

Ne 9:15

Đơ̆ng kơpal plĕnh Ih tơjur ăn 'bĕng sa wă huay kơ pơngot, pơm kơ tơmo đei đak lĕch ro ăn kơ lu sư nhă, pơkă kơ lu sư mơ̆t iŏk asong dêh char mă Ih wă ăn kơ lu sư.

Le 16:12

Inh kơtơ̆ng boih nơ̆r kon pơlei Isơrael hil jŏk. Na ih athei khan kơ lu sư: Gơsơ̆ kơnh lu iĕm gô sa 'nhĕm hrăp; pơgê dơning lu iĕm gô sa 'bĕng phĭ rơkah; na lu iĕm gô băt Inh boih Kră Yang 'Bok Kei-Dei lu iĕm.

Le 16:35

Kon pơlei Isơrael sa mana lăm puăn-jĭt sơnăm, tơ̆p truh tơ lu sư mơ̆t oei tơ dêh Kanaan.

Jo 16:14

Tơpă, ih ưh kơ đei chông ba nhôn tơ lăm char mă đak toh đak sut ôh, ih ưh kơ đei pơjao ăn kơ lu nhôn mir chŭn pơgar wă kơ jang sa ôh! Ih wă kuek lê̆ măt lu nhôn hă? Lu nhôn ưh kơ wă năm ôh.

Jo 20:8

Iŏk bĕ 'long jra ih, hăm Arôn 'nhŏng ih, năm akŭm bĕ kon pơlei, na măr iĕm athei khan kơ tơmo 'bơ̆t anăp kon pơlei, na tơmo noh đei đak lĕch; ih gô pơm kơ tơmo noh đei đak lĕch ăn kơ kon pơlei hăm lu sem dơrong nhă.

I Kor 10:4

păng đak nhă lu sư đơ̆ng 'Bok Kei-Dei ăn mơ̆n. Đak lĕch đơ̆ng tơmo. Tơmo 'noh kiơ̆ bơwei lu sư khŏm khŏm. Tơmo 'noh wă khan 'Bok Krist.

I Kor 9:25

Lu bơngai mă wă pơđuơ băl kơdâu lu sư adrin pơm jơhngơ̆m chơ̆n pơtơ̆p rim năr 'mơ̆i na wă kơ kơdâu pran đei tơdrong apah agăl pơkao mă đe pơyơ̆l tơ kơ̆l yua kơ jei sư, dơning dơmônh kư̆m jô kro. Mă-lei gah bơ̆n athei adrin jang chă tơdrong apah mă ưh kơ layơ hiong tôch.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

Both 2:33

Mă-lei Kră Yang 'Bok Kei-Dei bơ̆n jao sư kơ lu bơ̆n; kon drŏ-nglo hăm đĭ-đăng lu kon pơlei sư tơblah jei bơ̆n.

Both 29:7

Mưh iĕm truh tơ anih 'nâu, Sihôn, pơtao pơlei Hesbôn păng Ôk, pơtao char Basan, năm tơblah hăm lu bơ̆n mă-lei tơblah jei bơ̆n.

Both 3:3

Thoi noh Kră Yang 'Bok Kei-Dei lu bơ̆n jao boih lăm tơpang ti lu bơ̆n Ôk, pơtao char Basan păng đĭ-đăng kon pơlei sư: Lu bơ̆n blah pơrăm lu sư dĭng truh tơ ưh pă đei minh 'nu bơngai bu oei arih dơ̆ng.

Both 3:6

Lu bơ̆n pơrăm goh đĭ lu sư, kư̆m thoi lu bơ̆n pơm boih kơ Sihôn, pơtao đe Hesbôn, pơrăm đĭ lu pơlei tih, lu bơngai drŏ-nglo, drŏ-kăn păng lu kon hơ'lơ̆p.

Both 8:3

Sư ăn kơ iĕm pơngot 'me rong iĕm ăn kơ iĕm sa mana mă iĕm păng lu yă 'bok kư̆m tam mă biơh băt, wă bơtho iĕm băt, kon bơngai arih ưh kơ trŏ arih đơ̆ng tơmam sa đĕch ôh, mă-lei kon bơngai arih đơ̆ng nơ̆r Kră Yang.