Both 29:5 - Sơ̆p Hlabơar Nơ̆r 'Bok Kei-Dei

⁵ Inh chông lu iĕm puăn-jĭt sơnăm boih lăm char glă ao lu iĕm ưh kơ so hiah, chơkhŏ lu iĕm 'bot tơ jơ̆ng ưh kơ huach luih.

Both 29:5 Iomraidhean Croise

Ne 9:21

Tơpă, Ih wei rong lu sư puăn-jĭt sơnăm lăm char glă; lu sư huay kơ lah kiơ ôh; hơbĕn ao lu sư kư̆m huay kơ so hiah păng jơ̆ng lu sư kư̆m huay kơ pơ'ngeh.

Horiso 78:24

Tơjruh 'mi mana ăn kơ lu sư sa, ăn 'ba đơ̆ng plĕnh,

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Le 7:7

Kơplah, bre sư năm apinh Pharaôn, noh Môis đei tơhngam-jĭt sơnăm păng Arôn tơhngam-jĭt pêng sơnăm.

Jo 14:33

Lu kon sâu iĕm gô wei triu lăm char glă 'nâu lăm puăn-jĭt sơnăm lu sư gô pŭ iŏk tơdrong phak đơ̆ng lu iĕm ngôi kư̆ kă ưh kơ wă lui dĭng truh tơ lu iĕm pơ̆k lôch đĭ lăm char glă 'nâu.

Mathiơ 10:10

'Nĕ kơ chĕp kơdŭng tah tơmam, dah hrŭk 'bar blah ao, dah chĕp hiă chơkhŏ, dah 'long jra, yua kơ iĕm dang bơngai jang sa apah, iĕm jang tơgŭm đe, đe 'me sa iĕm.

Both 1:3

Lăm sơnăm mă puăn-jĭt năr mă mônh khei mơjĭt-mônh, Môis pơma khan kơ kon pơlei Isơrael dôm tơdrong mă đơ̆ng Kră Yang. Kră Yang tơtă kơ sư athei pơma khan kơ lu đe noh.

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.

Both 8:3

Sư ăn kơ iĕm pơngot 'me rong iĕm ăn kơ iĕm sa mana mă iĕm păng lu yă 'bok kư̆m tam mă biơh băt, wă bơtho iĕm băt, kon bơngai arih ưh kơ trŏ arih đơ̆ng tơmam sa đĕch ôh, mă-lei kon bơngai arih đơ̆ng nơ̆r Kră Yang.

Both 8:4

Lăm puăn-jĭt sơnăm hơbĕn iĕm ao ưh kơ hiah jơ̆ng iĕm kư̆m huay kơ pơ'ngeh.

Jôsuê 9:13

Lu get akar kơplah nhôn mong sik hơmu oei 'nao oei hơnĭl, lăng âu đĭ pơchah păng hơbĕn ao, chơkhŏ lu nhôn đĭ so hiah, yua kơ năm trong ataih.

Jôsuê 9:5

Jơ̆ng lu sư 'bot chơkhŏ so, sĭt klĕp hrŭk ao so hiah hiot, đĭ-đăng tơmam sa lu sư đĭ kro krĕnh đĭ phơ̆k,