Both 29:24 - Sơ̆p Hlabơar Nơ̆r 'Bok Kei-Dei

²⁴ Đĭ-đăng adrĕch adrung lu sư gô jet: Lơliơ mă Kră Yang pơm kơ dêh âu thoi noh liơ mă tơdrong Sư hil mĭl tih krưp dêh thoi noh?

Both 29:24 Iomraidhean Croise

II Pot 17:15

Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

II Pot 18:12

Noh, yua kơ lu sư ưh kơ chu kiơ̆ nơ̆r Kră Yang 'Bok Kei-Dei lu sư bơtho khan, mă-lei lu sư pơm glăi kơ tơdrong Kră Yang pơgơ̆p pơkă, lu sư ưh kơ wă, mơ̆ng păng kuă kơ pơm kiơ̆ dôm tơdrong mă Môis, đĭch đam Kră Yang hlôi bơtho.

Êsai 65:11

Mă-lei lu iĕm, achăng hŭt lê̆ Kră Yang bơih. Hiơt kơ kông rơgoh Inh, Lu iĕm bơngai mă hơmet gơ'bang et sa ăn kơ yang Gata păng hling 'bĕnh kơ pơnhan sik hơmu ăn bơih kơ yang Mêni.b

Je 16:10

Layơ ih roi ăn kơ đĭ-đăng kon pơlei dôm tơdrong âu, tơpă lu sư gô jet ih: ‘Liơ Kră Yang roi tơbăt ăn wă đei tơdrong răm truh kơ lu nhôn? Lu nhôn pơm tơdrong yoch kiơ? Lu nhôn đei pơm tơdrong glăi kiơ hăm Kră Yang 'Bok Kei-Dei lu nhôn?’

Je 31:32

Nơ̆r pơgơ̆p 'nâu ưh kơ trŏ thoi nơ̆r pơgơ̆p Inh hăm lu 'bok yă lu sư lăm năr mă Inh rôp ti dui tơlĕch lu sư đơ̆ng char Êyiptơ sơ̆, yua kơ lu sư pơrăm lê̆ boih tơdrong pơgơ̆p Inh, mă Inh thoi klo lu sư ră.” Noh Kră Yang khan.

Je 40:2

Yŏng lu linh gak 'bôh păng chông Jêrêmi trong pha păng khan: “Kră Yang 'Bok Kei-Dei ih đei khan boih wă pơrăm anih 'nâu.

Je 5:19

‘Layơ kon pơlei ih jet: Liơ Kră Yang 'Bok Kei-Dei lu bơ̆n pơm kơ lu bơ̆n thoi âu?’ Ih gô tơl lu sư: ‘Lu iĕm đei achăng lê̆ Kră Yang, na bơ̆jang kơ lu yang nai lăm dêh char iĕm thoi yơ, lu iĕm gô bơ̆jang kơ lu yang nai lăm tơring tơmoi mă ưh kơ trŏ kơ char iĕm thoi noh mơ̆n.’

Nhom 4:12

Lu pơtao kơpal teh, đĭ kon pơlei kơpal teh đak, tă ưh kơ ngeh ngăl. Linh lu ayăt gô mơ̆t blah tơ lăm lu 'măng jang pơlei tih Jêrusalem.

Êsêkiên 14:23

Lu sư gô pơlung ih, ih gô 'bôh tôm tơdrong arih sa lu sư, ih gô băt tôm tơdrong Inh hlôi pơm hăm lu sư ưh kơ sĭ tơdrong kơđei ôh mă Inh đei pơm boih hăm lu sư. Kră Yang Tih Hloh khan thoi noh.”

Êsêkiên 16:59

'Nâu Kră Yang Tih Hloh khan thoi âu: Inh gô pơm kơ ih kiơ̆ thoi tơdrong ih đei pơm, yua kơ ih tŭk lê̆ nơ̆r pơkă hăm hŭt lê̆ tơdrong pơgơ̆p Inh,

Lêwi 26:32

Inh gô pơrăm char iĕm, dĭng lu ayăt oei lăm noh lăng 'bôh 'băi hlĭch kơ tơdrong noh.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.