Both 29:23 - Sơ̆p Hlabơar Nơ̆r 'Bok Kei-Dei

²³ 'Bôh jơ̆p-jang kơ dêh 'nâu răm đĭ ŭnh păng 'boh sa đĭ teh ưh pă gơh rei pơtăm, ưh kơ đei kiơ gơh bluh chăt, ưh kơ đei minh tơnơm kiơ gơh chăt, nhen thoi pơlei Sôđôm Gômôrơ, Atma păng Sêbôlim, pơlei mă Kră Yang hil mĭl krưp pơlôch pơrăm lê̆ boih.

Both 29:23 Iomraidhean Croise

Bl 14:2

puăn 'nu pơtao âu iung blah Bêra pơtao Sôđôm; Birsa, pơtao Gômôrơ; Sinap pơtao Atma; Sêmebêr, pơtao Jeboim păng pơtao Bêla, wă khan Soa.

I Pot 9:8

Hnam akŭm 'nâu, jing rơ̆m rĕk, rim 'nu bơngai năm rok trong Hnam akŭm 'noh lăng hlĭch, păng apinh tơduă khan; Yua kơ kiơ Kră Yang pơm kơ dêh char 'nâu păng Hnam akŭm 'nâu thoi âu.”

I Pot 9:9

Đe gô khan: 'Noh yua kơ lu sư weh tơklah đơ̆ng Kră Yang 'Bok Kei-Dei lu sư, Tơ'ngla tơlĕch lu yă 'bok sư đơ̆ng char Êyiptơ, lu sư kiơ̆ yang nai, bơ̆jang păng kơkuh kơ yang 'noh, yua kơ thoi 'noh bơih na Kră Yang ăn kơ lu sư tơdrong truh răm thoi âu.”

II Pot 22:13

“Năm, krao apinh kơ inh Kră Yang bĕ, krao apinh kơ kon pơlei pơla, păng krao apinh kơ đĭ char Juđa bơ̆n gah dôm lu nơ̆r lăm sơ̆p hla bơar mă 'nao 'bôh noh. Yua kơ tơdrong blĕk Kră Yang tuh ăn kơ bơ̆n tih dêh, kơlih kơ yă 'bok bơ̆n ưh kơ chu pơm kiơ̆ ôh dôm lu nơ̆r lăm sơ̆p hla bơar 'nâu păng ưh kơ pơm kiơ̆ tơdrong mă Kră Yang hlôi chih bơtho khan kơ lu bơ̆n.”

Jop 18:15

Bơngai ưh kơ khŭl sư gô oei lăm bơsŭn sư, đe tuh tơmo ŭnh tơ kơpal anih sư oei.

Horiso 107:34

Teh mơ̆r 'lơ̆ng jing teh 'băt 'boh, Yua kơ đei tơdrong kơnê̆ lăm lu kon pơlei oei tơ noh.

Êsai 1:7

Dêh char lu iĕm jing juơ, lu pơlei tih iĕm ŭnh sa đĭ, lu bơngai tơmoi tơgar iŏk teh choh iĕm 'bơ̆t anăp lu iĕm, teh lu iĕm jing juơ rơhiăng thoi lĕ bơngai tơmoi pơrăm tơgar iŏk bơih.

Êsai 13:19

Babilôn jơ̆ pơlei đe ư-ang rim kơ teh đak, pơlei mă lu bơngai Kalđê ang pơyom kơ sư, Sư jing thoi pơlei Siđôm păng pơlei Gômôrơ, sư gô mă Kră Yang 'Bok Kei-Dei gô pơrăm lê̆.

Êsai 34:9

Lu thong đak Eđôm gô jing chai tơmo arăng 'mui teh sư jing tơmo ŭnh, teh sư gô jing chai tơmo ŭnh sa hơnơ̆ng.

Êsai 64:11

Hnam Akŭm 'lơ̆ng rơgoh lu nhôn ư-ang, anih mă 'bok lu nhôn hơri bơnê ư-ang kơ Ih, ŭnh sa đĭ bơih. Đĭ-đăng dôm tơmam kiơ mă lu nhôn gĭt răm đĭ bơih.

Je 17:6

Sư nhen thoi tơnơm 'long lăm bri, chăt tơ anih tơmo hơga lăm char glă. Lăm teh 'băt 'boh, ưh kơ đei bơngai oei. Bơngai noh ưh kơ đei 'bôh pŭn hiôk truh.

Je 20:16

Ăn kơ bơngai noh thoi lu pơlei Kră Yang pơrăm boih ưh pă đei mơnat! Ăn kơ sư kơtơ̆ng tơdrong nhơ̆m hmoi gah pơgê hrôih, 'năr dơ̆ng kơtơ̆ng đe ôr krao tơdrong tơblah.

Je 49:18

Kră Yang khan: “Êđôm đe kư̆m gô pơrăm thoi pơlei Sôđôm Gômôrơ, păng lu pơlei tăp dăr. Gô ưh pă đei bơngai bu oei lăm noh, kư̆m ưh kơ đei bu chă oei pơdơh tơ noh mơ̆n.

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Êsêkiên 47:11

Đak lăm lu Dơnâu hlŭt tơ noh ưh pă hlăng 'ngam, mă-lei 'măn kơ pơm 'boh.

Lêwi 26:32

Inh gô pơrăm char iĕm, dĭng lu ayăt oei lăm noh lăng 'bôh 'băi hlĭch kơ tơdrong noh.

Am 4:11

Inh đei pơrăm boih mơ'nah lăm lu iĕm, thoi Kră Yang 'Bok Kei-Dei đei pơrăm pơlei Sôđôm păng Gômôrơ, lu iĕm nhen thoi kơ tôch ŭnh sa đe dui iŏk đơ̆ng ŭnh. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Jêphania 2:9

Thoi noh Kră Yang Tih Hloh, wă khan Kră Yang 'Bok Kei-Dei kơ bơngai Isơrael khan: “Tơpă thoi Inh oei arih, tơpă Môap gô thoi Sôđôm păng lu kon sâu Ammôn nhen thoi Gômôrơ, jing minh anih 'bĕnh kơ jơla, minh pôm sơlŭng 'boh, minh anih juơ ling-lang hloi, lu kon pơlei Inh mă oei arih răi gô tơgar rôp iŏk lu sư, gah tơmam kon pơlei mă oei oăi gô jing tơmam lu sư iŏk yua.”

Luka 17:29

Na lăp năr 'bok Lot lĕch jăk đơ̆ng Pơlei Sôđôm boih, na 'Bok Kei-Dei tơjruh hloi ŭnh đơ̆ng plĕnh soh Pơlei Sôđôm, lu sư lôch đĭ.

Rom 9:29

Êsai kư̆m khan lê̆ hơdrol sơ̆ thoi âu: “Dah Kră Yang 'Bok Kei-Dei ưh kơ rong lê̆ bơ̆n 'biơ̆, lei kon bơngai bơ̆n lôch đĭ thoi Pơlei Sôđôm păng Gômôrơ sơ̆.”

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Lu 9:45

Abimêlek blah kon pơlei noh prăt năr, blah iŏk jei păng pơlôch đĭ lu bơngai oei lăm pơlei noh, na teh pơchah pơrăm đĭ pơlei păng săi 'boh jơ̆p-jang lăm pơlei noh.