Both 29:15 - Sơ̆p Hlabơar Nơ̆r 'Bok Kei-Dei

¹⁵ Mă-lei pơjing hăm lu kon sâu lu bơ̆n mă ưh kơ đei dơ̆ng hơdai bơ̆n năr âu hai.

Both 29:15 Iomraidhean Croise

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Je 50:5

Lu sư jet chă trong năm tơ pơlei Siôn, Lu sư tơwih anăp tơklă tơ pơlei noh: ‘Bĕ bơ̆n yak, truh tơ noh wă pơkă hăm Kră Yang. Hăm tơdrong pơgơ̆p ling-lang ưh kơ đei layơ hiơt.’ ”

Jang 2:39

'Nâu nơ̆r 'Bok Kei-Dei Sư pơkă ăn kơ iĕm, kơ lu kon sâu iĕm păng lu bơngai mă oei tơ ataih đơ̆ng bơ̆n, dôm lu bơngai 'Bok Kei-Dei Kră Yang bơ̆n krao iŏk wă lui kơ Sư.”

I Kor 7:14

Mă klo sư ưh kơ lui, 'Bok Kei-Dei lăng bre klo kăn noh kư̆m 'lơ̆ng yua kơ akăn sư lui. Kư̆m lei-lăi, klo sư lui mă akăn sư ưh, 'Bok Kei-Dei lăng bre klo kăn noh kư̆m 'lơ̆ng yua kơ klo sư lui boih. Dah 'Bok Kei-Dei lăng bre sư ưh kơ 'lơ̆ng lei Sư kư̆m lăng kon bre sư kư̆m ưh kơ 'lơ̆ng mơ̆n. Mă-lei bơ̆n băt boih 'Bok Kei-Dei lăng kon bre sư 'lơ̆ng. Thoi noh bơ̆n kư̆m băt Sư lăng bre klo kăn noh 'lơ̆ng mơ̆n.

Both 29:16

Lu iĕm băt hơđăl boih lu bơ̆n oei arih lăm dêh Êyiptơ păng trong lu bơ̆n năm rok găn lăm dêh char đe, mă truh tơ anih âu.

Both 5:3

Ưh kơ sĭ hăm lu 'bok bơ̆n đĕch mă Kră Yang pơgơ̆p boih noh ôh, mă-lei hăm đĭ-đăng lu bơ̆n dang ei mă oei arih 'nâu.