Both 29:12 - Sơ̆p Hlabơar Nơ̆r 'Bok Kei-Dei

¹² Lu iĕm dơ̆ng tơ âu wă yak mơ̆t lăm tơdrong pơgơ̆p Kră Yang 'Bok Kei-Dei iĕm, noh boih tơdrong pơgơ̆p mă Kră Yang 'Bok Kei-Dei iĕm, pơm hăm iĕm năr 'nâu, wă kơ iĕm pơkă wă pơm keh, wă kơ iĕm pơkă wă pơm kiơ̆ thoi đei chih lăm tơdrong pơgơ̆p pơkă Kră Yang.

Both 29:12 Iomraidhean Croise

II Pot 11:17

Jêhôiada pơjing tơdrong pơgơ̆p pơkă hơlam Kră Yang hăm pơtao păng kon pơlei wă kơ lu sư jing kon pơlei Kră Yang. Sư kư̆m pơjing tơdrong pơgơ̆p pơtao hăm kon pơlei mơ̆n.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Êsêkiên 16:20

Ih kư̆m rôp lu kon drŏ-nglo kon drŏ-kăn ih, mă ih tơpŭ kơ Inh, năm pơyơ̆r ăn kơ lu rup yang noh sa. Dôm tơdrong pơm pơyô kư̆ kă bơih, noh ưh tam mă tôm mă

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 26:17

Năr 'nâu iĕm pơkă drơ̆ng iŏk Kră Yang pơm 'Bok Kei-Dei iĕm, yak năm kiơ̆ trong Sư, wei răk khôi juăt Sư, nơ̆r tơtă păng nơ̆r đơ̆ng Sư athei, kư̆m chu kiơ̆ nơ̆r sư khan.

Both 28:9

Tơdah iĕm wei răk dôm nơ̆r tơtă Kră Yang 'Bok Kei-Dei iĕm păng yak năm kiơ̆ trong Sư, na Kră Yang gô ăn kơ iĕm jing minh adrĕch adrung 'lơ̆ng rơgoh ăn kơ Sư kư̆m thoi Sư pơkă boih kơ iĕm.

Both 29:11

Lu kon hơ'lơ̆p păng lu akăn iĕm, hăm lu bơngai tơmoi oei lăm kơđông, lu bơngai kăl 'long ŭnh truh tơ lu bơngai chhŏ đak.

Both 29:13

Năr 'nâu Sư pơjing iĕm jing kon pơlei pơla Sư păng Sư Kră Yang 'Bok Kei-Dei iĕm, thoi Sư đei pơkă boih hăm iĕm păng sư kư̆m đei pơkăm hăm 'bok iĕm, Abraham, Isăk păng Jakôp.

Both 29:14

Kră Yang krao lu iĕm wă kơ lu iĕm pơkă wă pơm kiơ̆ dôm tơdrong pơgơ̆p mă Kră Yang đei pơm, ưh kơ sĭ lu bơ̆n đĕch ôh wă khan ưh kơ lăp dôm lu bơ̆n dơ̆ng tơ âu 'bơ̆t anăp Kră Yang 'Bok Kei-Dei lu bơ̆n đĕch ôh.

Jôsuê 24:25

Lăm năr noh Jôsuê tơ'blŏk ăn tơdrong pơgơ̆p kơ kon pơlei păng tơbăt ăn kơ lu sư khôi juăt păng nơ̆r tơtă tơ pơlei Sichem.