Both 28:8 - Sơ̆p Hlabơar Nơ̆r 'Bok Kei-Dei

⁸ Kră Yang gô pơm ăn kơ iĕm pŭn hiôk, tơ lăm pơk 'ba păng tơ lăm lu tơdrong jang iĕm pơm; Sư gô ăn pŭn hiôk kơ iĕm lăm dêh char mă Kră Yang 'Bok Kei-Dei wă ăn.

Both 28:8 Iomraidhean Croise

II Pot 6:27

Pơtao khan: “Dah Kră Yang ưh kơ dŏng ih, lei inh wă dŏng ih hăm kiơ? Yua kơ ưh pă đei kiơ lăm anih preh 'ba, kư̆m ưh pă đei kiơ lăm anih hmĕt đak hơmu bơih.”

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Horiso 128:2

Ih gô đei sa yua đơ̆ng tơdrong jang tơpang ti kơdih, ih gô đei pŭn hiôk jơnap.

Horiso 133:3

Kŭm thoi đak ngom tơ kông Hermôn. Ro jur tơ kông Siôn, Yua kơ tơ noh Kră Yang đei ăn boih tơdrong pŭn hiôk, Wă khan tơdrong arih ling-lang hlŏng hloi.

Horiso 144:13

Ăn kơ pơk lu nhôn 'bĕnh kơ phe 'ba. Đei tôm tơmam mong 'măn. Ăn kơ triu lu nhôn chek lar lơ rơbâu hơngan tơ lăm bri săr nhôn.

Horiso 42:8

Kơ'năr Kră Yang pơdah ăn tơdrong Sư mơnat. Gah kơmăng nơ̆r hơri Sư oei hơdai inh.a Nơ̆r krao khan kơ Kră Yang. Kră Yang 'Bok Kei-Dei kơ tơdrong arih inh,b

Horiso 44:4

Ih boih Kră Yang pơtao inh. Tơ'ngla ăn tơdrong dŏng pơklaih Jakôp.b

Lêwi 25:21

Sơnăm mă tơdrâu Inh gô tuh ăn pŭn hiôk kơ lu iĕm, na sơnăm noh iĕm gô đei phe 'ba plei 'long sa lơ, 'mong kơ pêng sơnăm.

Lêwi 26:10

Lu iĕm oei sa tơmam lu iĕm 'măn lê̆ sơ̆. Đơ̆ng noh tuh hŭt lê̆ tơmam so noh wă 'măn mong tơmam 'nao.

Hagai 2:19

lu iĕm hăm pă đei găr adrĕch hơmet lê̆ lăm pơk ưh? Mă khan truh tơ tơm hơmu 'long hơra, 'long ôliwơ, 'long gărnăt, kư̆m ưh kơ đei tơm 'long ayơ mă đei plei. Mă-lei iŏk đơ̆ng năr âu inh gô ăn pŭn hiôk kơ iĕm.”

Mathiơ 13:30

Lê̆ 'ba hăm 'nhĕt wơ̆ hơdai truh đum kư̆m bưh na inh gô khan kơ iĕm bơngai mă kĕch 'ba noh ning-mônh thoi âu: Hơdrol kơ iĕm wă kĕch, iĕm buch pơđĭ 'nhĕt noh 'mơ̆i chô̆ akŭm tung tŭk tơ ŭnh, đơ̆ng noh na iĕm kĕch tuh 'ba bơ̆n tơ kŭ.’ ”

Mathiơ 6:26

Iĕm lăng lu sem păr, sư ưh kơ đei pơtăm 'ba, ưh kơ đei kĕch 'măn lê̆ tơ kŭ ôh, mă-lei 'Bă bơ̆n mă oei tơ plĕnh ti kư̆m hiĕm 'me sư mơ̆n. Pơma kiơ kơ iĕm, 'Bă bơ̆n tơ plĕnh ti Sư 'mêm kơ iĕm hloh kơ lu sem păr tơpă.

Luka 12:18

Sư khan: ‘Inh wă yuih pơk 'ba inh so âu, na pơm ming plơ̆ng mă tih hloh dơ̆ng. Klaih kơ noh na inh tah akŭm đĭ-đăng mŭk tơmam păng 'ba inh.

Both 14:29

Lu bơngai Lêwi, yua kơ lu ưh kơ đei mŭk tơmam teh jang sa tơ lăm lu iĕm ôh păng lu bơngai tơmoi, lu bơngai mơti păng lu bơngai yă adro mă oei hơdai lăm pơlei iĕm, kư̆m gô năm sa phĭ mah; thoi ei Kră Yang 'Bok Kei-Dei iĕm ăn pŭn kơ dôm tơdrong jang đơ̆ng tơpang ti iĕm kơdih pơm.

Both 15:10

Iĕm athei ăn kơ đe tŏk iŏk mă hơlăng, 'nĕ ăn hăm jơhngơ̆m ưh kơ hiôk; thoi ei Kră Yang 'Bok Kei-Dei iĕm gô ăn pŭn hiôk lăm dôm tơdrong jang đơ̆ng tơpang ti pơm.

Both 15:4

Ưh kơ wă lăm lu iĕm đei bơngai dơnuh, yua kơ đei Kră Yang gô ăn pŭn hiôk rơkah rơkai lăm dêh mă Kră Yang ăn kơ iĕm đei iŏk teh bơ̆jang sa,

Both 28:20

Kră Yang gô pơm kơ iĕm tơ'bơ̆p tơdrong hiap pơtê̆, đei tơdrong răm truh, kơ̆l jrok 'ngok răm ơh blĕk lăm tơdrong jang dĭng iĕm lôch răm đĭ dah iĕm pơm yoch achăng lê̆ Kră Yang.

Both 28:7

Kră Yang gô ăn kơ lu iĕm iung blah hăm bơngai ayăt jei iĕm, lu sư yak minh trong năm blah iĕm, mă-lei gô kơdâu ôn lĕch yak tơpơh trong kơdâu ôn 'bơ̆t anăp lu iĕm.