Both 28:64 - Sơ̆p Hlabơar Nơ̆r 'Bok Kei-Dei

⁶⁴ Kră Yang gô tơraih iĕm tơrak 'brak jơ̆p kơ teh đak, đơ̆ng tôch kơ teh đak 'nâu truh tôch kơ teh đak to. Tơ noh, lu iĕm gô kơkuh kơ lu yang nai pơm hăm 'long păng tơmo yang noh iĕm hăm lu 'bok iĕm ưh kơ lah băt ôh.

Both 28:64 Iomraidhean Croise

Bl 4:14

Âu, năr 'nâu, Ih pơpuh inh đơ̆ng teh âu, inh weh đơ̆ng muh măt Ih, gô thông mang huang jơ̆p kơ teh đak, đơ̆ng noh dah đei bu tơ'bơ̆p inh, sư gô pơlôch inh.”

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

II Pot 25:21

Pơtao đe Babilôn teh pơlôch lu đe noh tơ lăm Pơlei Riblah, lăm dêh Hamat. Noh đe rôp ba lu bơngai Juđa pơm bơnă tơ 'nguaih kơ dêh char sư.

Ne 1:8

Apinh Ih 'blŏk bĕ kơ nơ̆r Ih bơtho khan boih kơ 'bok Môis đĭch đam Ih thoi âu: Tơdah lu iĕm pơm yoch, Inh gô tơraih lu iĕm tơ tŏk-bŏk lu adrĕch adrung, kon bơngai.

Horiso 44:11

Ih jao lu nhôn nhen thoi triu wă pơm 'nhĕm, Păng pơm ăn kơ lu nhôn tơklah tơklang tơ jơ̆p-jang dêh char.

Êsai 6:12

dĭng truh tơ Kră Yang puh lê̆ kon pơlei năm tơ ataih păng lăm dêh noh jing juơ tơtŭng.

Je 15:14

Inh gô ăn kơ lu iĕm jang kơ lu bơngai ayăt kơ iĕm, lăm dêh char mă lu iĕm ưh tam băt, yua kơ lăm tơdrong Inh hil thoi ŭnh khơ̆ng, Soh chhông sa lu iĕm.”

Je 16:13

Na Inh gô pơpuh klơ̆m hŭt lê̆ lu iĕm đơ̆ng char âu, mơ̆t tơ lăm minh pôm char mă lu iĕm păng 'bok yă lu iĕm ưh kơ tam biơh băt. Tơ noh lu iĕm gô jang kơ lu yang nai măng năr; na Inh ưh pă mơnat kơ lu iĕm boih.

Je 50:17

Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”

Je 9:16

Inh gô pơpuh lu sư tơklah tơklang năm tơ jơ̆p-jang kơ adrĕch adrung kon bơngai, mă lu sư dah 'bok yă lu sư tam biơh băt, Inh gô ăn kơ đe druh pơlôch lu sư hăm đao gưm, dĭng Inh pơrăm đĭ lu sư.”

Nhom 1:3

Juđa năm pơm bơnă, chu iŏk pơmat kư̆m chu đe wơh pơđep. Chă oei sa tơ kon pơlei ưh pă đei pơdơh ngôi. Lu bơngai mă pơm kơnê̆ druh sư, tam tơ anih kueng.

Êsêkiên 20:23

Inh đei yơ̆r ti pơkăm pơkă hăm lu sư lăm char glă inh gô pơm kơ lu sư tơklah tơklang tơ jơ̆p lăm lu adrĕch adrung, tơrak 'brak tơ lăm dêh char,

Êsêkiên 36:19

Inh pơm kơ lu sư tơklah tơklang tơ jơ̆p kơ teh đak, tơ jơ̆p kơ tơring; Inh sek tơlang boih lu sư kiơ̆ kơ trong lu sư kiơ̆ păng tơdrong lu sư đei pơm.

Lêwi 26:33

Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.

Am 9:9

Yua kơ thoi noh, inh gô tơtă athei păng gô săi adrĕch Isơrael tơ rim adrĕch drung thoi đe um 'ba hăm kơđum, mă-lei ưh kơ đei minh găr iĕ ayơ huŏng tơ teh.

Sa 2:10

Ơ kon adruh Siôn, hơri chơt hiôk păng 'nă hal bĕ; yua kơ 'nâu, Inh truh păng Inh gô oei hơdai, Kră Yang khan thoi noh.

Sa 7:14

Inh đei pơm ăn kơ lu sư tơklah tơklang thoi đei kial hơbŭt tih tơ jơ̆p-jang lăm teh đak mă lu sư tam mă biơh băt; na lăm teh đak jing juơ, đơ̆ng rŏng kơ lu sư noh, dĭng mah pă đei bu năm rok noh wih brŏk tơ noh; yua kơ lu sư pơm ăn kơ teh đak đơ̆ng chơt hiôk jing juơ juŏ.’ ”

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Both 13:8

Na iĕm 'nĕ kơ chu kiơ̆ sư, kư̆m 'nĕ kơ mơ̆ng sư, kư̆m 'nĕ kơ mơnat; păng kư̆m 'nĕ kơ bơwei dah dŏng lu sư.

Both 28:36

Kră Yang gô puh iĕm păng pơtao mă iĕm rơih pôk kơdih, truh tơ minh adrĕch adrung mă iĕm hăm 'bok iĕm tam lah băt. Tơ noh iĕm gô kơkuh kơ lu yang nai, pơm păng 'long dah păng tơmo.

Both 29:26

lu sư năm kơkuh kơ lu yang nai mă kơdih lu sư ưh kơ băt. Kră Yang ưh kơ ăn.

Both 30:1

Layơ dôm tơdrong 'nâu đei truh kơ iĕm, pŭn hiôk dah pơmat-tat, mă inh đei roi pơdah truh tơ iĕm, kơplah oei lăm lu teh đak, mă Kră Yang 'Bok Kei-Dei iĕm puh iĕm năm, lu iĕm gô 'blŏk dơ̆ng kơ dôm tơdrong inh bơtho khan.

Both 32:17

Lu sư pơyơ̆r tơmam soi kơ lu yang kơnê̆, ưh kơ trŏ kơ Kră Yang 'Bok Kei-Dei ôh. Kơkuh kơ yang mă lu sư ưh kơ tam lah băt, Yang đơ̆ng ataih 'nao truh. Mă 'bok lu sư ưh kơ hli yom.

Both 32:26

Inh khan: Inh gô pơm kơ lu sư tơklah tơklang, sŭt pơgoh lê̆ tơdrong đe 'blŏk hơdơ̆r kơ lu sư đơ̆ng lăm kon bơngai.

Both 4:32

Thoi noh, iĕm athei apinh lăng iŏk đơ̆ng jơhnơr đei adrol kơ iĕm sơ̆, đơ̆ng năr Kră Yang 'Bok Kei-Dei pơjing kon bơngai kơpal teh, đơ̆ng tôch plĕnh âu truh tơ tôch plĕnh to, hăm tam đei tơdrong kiơ truh boih tih dah đei kơtơ̆ng tơdrong kiơ boih thoi noh?