Both 28:54 - Sơ̆p Hlabơar Nơ̆r 'Bok Kei-Dei

⁵⁴ Kơplah đei lu ayăt wang tơ pơlei, pơm kơ iĕm tôch đon đĭ boih, bơngai drŏ-nglo mă 'lơ̆ng, iơ̆m dim hloh lăm lu iĕm gô jing kret kơ 'nhŏng oh sư, kon akăn sư mă oei arih.

Both 28:54 Iomraidhean Croise

II Sam 12:3

Bơngai dơnuh ưh kơ đei kiơ, sư đei lăp minh pôm triu akăn iĕ mă đơ̆ng sư răt; sư rong răi kon triu noh wơ̆ tih hơdai hăm kon hơ'lơ̆p sư tơ lăm hnam sư, kon triu iĕ noh sŏng sa hơdai sư, nhă đak minh pôm pơnhan hăm sư păng tep hăm sư. Sư lăng thoi minh 'nu kon drŏ-kăn sư kơdih.

Horiso 103:13

Thoi 'bă 'mêm kơ kon hơ'lơ̆p sư dang yơ. Kră Yang 'mêm kơ lu bơngai bu mă hli yom kơ Sư dang noh mơ̆n.

Tơdrông Pơđơk 23:6

'Nĕ sa tơmam lu bơngai kret tơsen; 'Nĕ kơ ham sa tơmam 'băt 'lơ̆ng đơ̆ng sư.

Tơdrông Pơđơk 28:22

Bơngai bu kret ham, pơnam chă wă kơ mơdrŏng, Gah rŏng ưh kơ băt tơdrong kơ'bah gô truh kơ sư.

Êsai 49:15

Mĕ hăm gơh hiơt kơ kon sư mă oei mŏm. Dah ưh kơ mơnat kơ kon kơdih pơjing hă? Mă khan bơngai âu gơh hiơt, Inh ưh kơ hiơt kơ ih ôh.

Mi 7:5

'Nĕ kơ lui kơ bơngai jê̆ iĕm păng kư̆m 'nĕ gan lui gơnang kơ buăl juăt iĕm; athei kơchăng tơdrong ih wă pơma hăm bơngai drŏ-kăn 'bơ̆t kơtơh ih.

Mathiơ 11:8

Lei iĕm chă kiơ? Dah iĕm năm lăng bơngai hrŭk hơbĕn ao 'lơ̆ng? Tơ̆ng iĕm wă lăng bơngai hrŭk hơbĕn ao 'lơ̆ng, lei sư oei tơ hnam 'bok pơtao.

Mathiơ 20:15

Tơdrong noh inh hơlăng kơ sư đĕch, ih 'nĕ pă 'nhĕng.’ ”

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 15:9

Kơchăng bĕ, 'nĕ kơ răk mong tơchĕng kơnê̆ 'nâu: Sơnăm mă tơpơh jơ̆ sơnăm ăn rơngei wă truh boih! Kơchăng bĕ, wă kơ iĕm huay kơ đei jơhngơ̆m kơnê̆ hăm lu 'nhŏng oh iĕm bơngai dơnuh hin, ưh kơ ăn lu sư gơh tŏk iŏk kiơ, kơnh lu sư krao ôr Kră Yang tơmăk kơ iĕm, iĕm gô đei tơdrong yoch.

Both 28:53

Kơplah đe wang tăp dăr, lu ayăt pơrŭng iĕm, iĕm gô 'buh sa kon drŏ-nglo kon drŏ-kăn iĕm kơdih, mă đơ̆ng Kră Yang 'Bok Kei-Dei ăn kơ iĕm.

Both 28:55

Lăm năr pơmat-tat bơngai noh ưh kơ asong ôh tơmam sa sư đei, 'nhŏ kơ 'nhĕm kon sư kơdih mă sư oei sa, yua kơ sư pă đei tơmam kiơ sa.