Both 28:46 - Sơ̆p Hlabơar Nơ̆r 'Bok Kei-Dei

⁴⁶ Lu tơdrong hiap pơtê̆ 'nâu gô oei đom tơ lăm akâu jăn păng oei tơ lăm adrĕch adrung iĕm nhen thoi tơdra tơ'blŏk trăp, ling-lang hlŏng hloi.

Both 28:46 Iomraidhean Croise

Êsai 8:18

Âu, inh hăm lu kon mă Kră Yang Sư ăn bơih kơ inh noh tơdra wă pơsĭt lăm Isơrael đơ̆ng Kră Yang Tih Hloh. Tơ'ngla oei kơpal kông Siôn.

Je 19:8

Inh gô pơm kơ pơlei âu jing juơ; ăn kơ đe gô che bơle; bơngai bu yak rok noh gô lăng krưp păng hiĕk kơ tơdrong răm noh.

Je 25:18

Pơlei tih Jêrusalem păng lu pơlei lăm char Juđa, ăn kơ lu pơtao lu yŏng pơgơ̆r, pơm ăn kơ lu sư răm jing rơ̆m rĕk, đe pơjăm đe blei hiap, đe lăng lu sư 'brơ̆ krưp thoi hrei 'nâu.

Êsêkiên 14:8

Inh gô blah plơ̆ bơngai noh, wă pơm kơ sư jing tơdra, minh tơdrong wă kơ đe đei nơ̆r hơmoch. Inh gô pơpuh lê̆ lu sư đơ̆ng kon pơlei Inh. Na lu iĕm gô băt Inh boih Kră Yang.

Êsêkiên 36:20

Tơ lăm dêh char mă lu sư oei, lu sư đei pơm pơ'mê̆ kơ anăn 'lơ̆ng rơgoh Inh, đe pơma 'bơm lu sư khan: ‘Noh lu kon pơlei Kră Yang mă-lei đe puh tơweh lu sư đơ̆ng dêh char Kră Yang.

Êsêkiên 5:15

Ih gô jing tơmam đe pơjăm, đe che bơle hiĕk ăr, pơm kơ lu dêh char jum dăr kơ ih hli tơrơ, mưh Inh đei hil mĭl. Păng phak bơtho trăp tơpă. Inh boih Kră Yang mă đei khan thoi noh!

Jo 26:10

Kơplah noh, teh ha 'bơ̆r luăn 'bar 'nu bre sư păng Kôrê hơdai, lu bơngai kiơ̆ khŭl sư lôch hloi kơ ŭnh sa đĭ 'bar-hrĕng pơđăm-jĭt 'nu drŏ-nglo; noh boih tơ'bôh wă kơ kơchăng.

I Kor 10:11

Đe chih roi dôm tơdrong lu yă 'bok bơ̆n pơm ưh kơ lăp kơ 'Bok Kei-Dei, na 'Bok Kei-Dei pơrăm lu sư dang noh sơ̆, 'Bok Kei-Dei Sư wă kơ lu bơ̆n mă kon sâu se lu sư mă hơtuch dang ei băt kơ hli, huay pă pơm kơnê̆, thoi lu yă 'bok bơ̆n mă pơm kơnê̆ kơ 'Bok Kei-Dei sơ̆.

Both 28:37

Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.

Both 28:59

na Kră Yang gô ăn đei tơdrong truh kơ iĕm păng tơ lu kon sâu iĕm pơmat-tat krưp đe tam lah 'bôh ôh, tơdrong pơmat tih păng đunh, đei tơdrong jĭ anat păng đunh, lu tơdrong jĭ krưp.

Both 29:20

Kră Yang ưh kơ mơnat tơdrong yoch bơngai noh, mă-lei tơdrong Kră Yang hil mĭl păng gar sư noh chhông blah bơngai noh păng đĭ lu tơdrong hiap pơtê̆ chih lăm sơ̆p hla bơar 'nâu gô tơpŭ tơ kơpal sư; păng Kră Yang gô sŭt lê̆ anăn sư đơ̆ng lăm teh đak 'nâu.

Both 29:28

Lăm tơdrong ơh blĕk dêh păng tơdrong hil mĭl krưp dêh tơpă Kră Yang buch lê̆ boih na klơ̆m hŭt lê̆ lu sư tơ char nai, thoi kơ năr 'nâu.