Both 28:37 - Sơ̆p Hlabơar Nơ̆r 'Bok Kei-Dei

³⁷ Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.

Both 28:37 Iomraidhean Croise

II Ho 7:20

lei Inh gô buch hŭt lê̆ lu iĕm đơ̆ng lăm teh đak mă Inh đei ăn kơ lu iĕm; Inh gô achăng lê̆ hnam akŭm âu đơ̆ng anăp Inh, hnam mă Inh 'măn lê̆ 'lơ̆ng rơgoh kơ Anăn Inh boih, Inh gô ăn kơ sư jing nơ̆r đe pơđơ̆k pơjăm pơjuă lăm kon pơlei nai.

Je 19:8

Inh gô pơm kơ pơlei âu jing juơ; ăn kơ đe gô che bơle; bơngai bu yak rok noh gô lăng krưp păng hiĕk kơ tơdrong răm noh.

Je 24:9

Inh gô pơm ăn kơ đĭ-đăng dêh char lăm teh đak lăng 'brơ̆ krưp kơ lu sư. Lăng lu sư đei đe blei hiap, đe pơ'brơh, đe pơjăm pơjuă, tơ jơ̆p lăm dêh char mă Inh đei pơpuh lu sư tơ noh.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 29:18

Inh gô ăn đao gưm, pơngot rơwĕt păng jĭ hơbuh druh pơrăm lu sư, đe gô puh lê̆ lu sư tơ to tơ âu. Tơ jơ̆p-jang kơ dêh char lăm teh đak âu, lăng krưp, lu sư pŭ hơngiap đe blei hiap, đe che bơle, đe pơjăm pơjuă lu sư tơ rim adrĕch adrung mă Inh đei pơpuh lê̆ lu sư tơ noh.”

Nhom 3:45

Ih pơm ăn kơ lu nhôn jing tơmam tŭk lê̆, thoi hla đuih đăm lăm kon pơlei.

Êsêkiên 5:15

Ih gô jing tơmam đe pơjăm, đe che bơle hiĕk ăr, pơm kơ lu dêh char jum dăr kơ ih hli tơrơ, mưh Inh đei hil mĭl. Păng phak bơtho trăp tơpă. Inh boih Kră Yang mă đei khan thoi noh!

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Sa 8:13

Ơ hnam Juđa păng hnam Isơrael! Gô đei tơdrong thoi đe hiap iĕm lăm teh đak thoi yơ, na Inh gô dŏng pơklaih lu iĕm păng lu iĕm gô đei tơdrong pŭn hiôk thoi noh. Lu iĕm 'nĕ kơ hli mă-lei ti iĕm athei pran kơtang.”

Both 28:28

Kră Yang gô ăn kơ iĕm jing wơnh, măt tol, hiong tơdrong tơchĕng rŭng răng.