Both 28:34 - Sơ̆p Hlabơar Nơ̆r 'Bok Kei-Dei

³⁴ Na iĕm jing wơnh yua kơ đêl tơm măt iĕm oei 'bôh.

Both 28:34 Iomraidhean Croise

Jop 41:9

Tơdrong hơmĕng wă gơh rôp sư noh hiong đĭ hloi. Lăng 'bôh sư đĕch đe tơtơ̆ pơ̆k hraih đang hloi.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Je 39:6

Pơtao Babilôn pơlôch lu kon drŏ-nglo Sêđekia lăm pơlei Riblah, tơm măt Sêđekia; pơtao Babilôn kư̆m pơlôch đĭ-đăng lu yŏng kơdră adrĕch Juđa kiơ̆ kơ pơtao athei.

Both 28:28

Kră Yang gô ăn kơ iĕm jing wơnh, măt tol, hiong tơdrong tơchĕng rŭng răng.

Both 28:33

Minh adrĕch adrung mă iĕm tam lah băt gô iŏk sa tơmam đơ̆ng mir chŭn păng đơ̆ng tơdrong jang iĕm gleh hrat; đe gô pơjuă pơđep păng pơjuă bơhlơ̆r iĕm ling-lang rim năr.

Both 28:35

Kră Yang gô ăn kơ iĕm jĭ pơtôch đuh tơ kŭl-tăng păng tơ 'bar pah jơ̆ng jĭ dêh, hơmet ưh kơ gơh klaih, lanh rai să đơ̆ng kơnơl jơ̆ng truh tơ kơpal kơ̆l.

Both 28:68

Kră Yang gô chông ba iĕm hăm duk hơlơ̆k brŏk tơ dêh Êyiptơ dơ̆ng; mă khan Sư đei pơkă hăm lu iĕm ưh pă đei layơ wă wih brŏk tơ noh dơ̆ng; lu iĕm gô tĕch akâu iĕm kơ lu bơngai ayăt pơm đĭch, đĭ drŏ-nglo dah drŏ-kăn, mă-lei ưh kơ đei bu wă răt.