Both 28:32 - Sơ̆p Hlabơar Nơ̆r 'Bok Kei-Dei

³² Lu kon drŏ-nglo păng kon drŏ-kăn iĕm đe gô rôp jao ăn kơ lu bơngai tơmoi măt iĕm lăng chang gô năr âu truh tơ năr nai, mă-lei lu iĕm tôch kơ đon ưh pă băt wă pơm kiơ.

Both 28:32 Iomraidhean Croise

II Ho 29:9

Yua kơ thoi noh na 'bă 'bok bơ̆n lôch răm kơ đao gưm, lu kon drŏ-nglo drŏ-kăn akăn bơ̆n đe rôp ba pơm bơnă.

Jop 11:20

Mă-lei gah lu bơngai pơm kơnê̆ gô lap rơgah; sư pă đei trong wă kơdâu ôn, păng tơdrong lu sư chang hơmĕng noh lăp gô kơtĕch jơhngơ̆m đĕch.

Jop 17:5

Bơngai ayơ kêng buăl sư wă lơi yua kơdih. Măt lu kon sư gô bơbôl.

Jop 31:8

Ăn kơ bơngai nai sa mă đơ̆ng inh rei, Ăn kơ lu sư buch lê̆ đêl inh pơtăm.

Horiso 119:123

Măt inh hrŏ yua kơ chang gô Ih dŏng pơklaih. Păng nơ̆r Ih pơkă tơpăt.

Horiso 119:82

Măt inh rơmơ̆n chang gô nơ̆r Ih pơkă; Inh khan: “Dang yơ Ih pơlung inh?”

Horiso 69:3

Inh ôr đĭ lap, hơlŏng inh đĭ kro; Măt inh đĭ rơgah yua kơ chang gô Kră Yang 'Bok Kei-Dei.

Êsai 38:14

Inh ôr nhen sem kơdŏng, sem pleng, inh tơngưih nhen sem kơtơp si; măt inh lăng tơ kơpal đĭ rơgah. Ơ Kră Yang inh ơh sơ'ngon dêh, apinh ih dŏng iŏk inh bĕ!”

Nhom 1:18

Kră Yang jơ̆ tơpăt, yua kơ inh đei pơjah boih hăm nơ̆r Sư. Apinh iĕm mơ̆ng, ơ đĭ-đăng kon pơlei, lăng bĕ tơdrong inh blĕk! Kon adruh păng kon tơdăm inh jing bơnă đe boih.

Nhom 2:11

Măt inh đĭ hrŏ yua kơ đak măt lĕch, jơhngơ̆m inh rŭng răng. Păng huŏng tơ teh, Yua kơ đơ̆ng đe pơrăm kon adruh pơlei inh. Yua kơ lu kon hơ'lơ̆p, yua kơ lu kon nge hơngơ̆t tơ rok trong lăm pơlei tih.

Nhom 4:17

Măt lu bơ̆n gô rơgah đĕch gô tơdrong pơklaih ưh kơ đei yua kiơ. Lu bơ̆n chang gô lu kon pơlei mă ưh kơ đei dŏng pơklaih bơ̆n.

Nhom 5:17

Yua kơ tơdrong âu jơhngơ̆m lu nhôn hơngơ̆t, Yua kơ tơdrong âu măt lu nhôn hrŏ.

Êsêkiên 24:25

Gah ih, ơ kon bơngai, lăm năr Inh gô iŏk lê̆ kơđông kơjăp lu sư, tơdrong chơt hiôk, tơdrong ư-ang, tơdrong chơt hiôk kơ măt lu sư, tơdrong jơhngơ̆m lu sư hơpơi wă hăm kon drŏ-nglo kon drŏ-kăn lu sư,

Jôel 3:6

Lu iĕm tĕch boih kon sâu Juđa păng kon sâu Isơrael kơ lu bơngai Grĕk, wă kơ chông anhăk lu sư ataih đơ̆ng anih hnam lu sư.

Am 5:27

Yua kơ thoi noh, gô rôp ba lu iĕm jing pơm đĭch tơ pah to pơlei Đamas, Kră Yang khan thoi noh, anăn sư Kră Yang 'Bok Kei-Dei Tih hloh.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

Mi 4:10

Ơ lu drŏ-kăn Siôn, jĭ pơmat gleh hrat thoi drŏ-kăn tơpŭ wă kơ đei hơ'lơ̆p! Yua kơ lu iĕm đe gô tơlĕch weh đơ̆ng lăm pơlei păng lu iĕm gô oei tơ lăm chŭn păng gô năm oei tơ char Babilôn. Oei tơ noh lu iĕm gô đei tơdrong dŏng pơklaih đơ̆ng noh, tơ noh Kră Yang gô huai iŏk iĕm tơlĕch iĕm đơ̆ng ti lu bơngai ayăt kơ iĕm.

Jo 21:29

Ơ Môap! Răm-'băm tơpă kơ ih! Ơ kon pơlei Kêmôs, ih lôch răm đĭ boih! Lu kon drŏ-nglo gô kơdâu ôn păng tơklah tơklang, lu kon drŏ-kăn ih gô jing bơnă, kơ Sihôn, pơtao đe Amôrit.

Both 28:18

Đe gô hiap iĕm ưh kơ đei kon hơ'lơ̆p lăm chŭn mir iĕm ưh kơ đei hơnik hơnam rơmo triu bơbe iĕm ưh kơ tuh kon.

Both 28:31

Rơmo iĕm đe gô pơlôch 'bơ̆t anăp iĕm; mă-lei iĕm ưh kơ đei sa 'nhĕm sư; aseh iĕ iĕm đe gô rôp tơgar đơ̆ng iĕm, mă-lei ưh kơ đei layơ pơdrâu kơ iĕm dơ̆ng: Triu bơbe đei gô iŏk ăn kơ lu bơngai ayăt, mă-lei ưh kơ đei bu rôp pơdrâu.

Both 28:41

Iĕm gô pơjing kon drŏ-nglo kon drŏ-kăn, mă-lei ưh kơ đei oei hăm iĕm, yua kơ lu sư noh đe gô rôp pơm đĭch đĭ.

Both 28:65

Oei lăm teh đak noh, iĕm ưh kơ đei hiôk rơnŭk ôh, ưh kơ đei anih wă ăn kơ kơnơl jơ̆ng iĕm pơdơh ôh. Tơ anih noh Kră Yang gô ăn kơ jơhngơ̆m iĕm hli tơrơ, măt hơ'nhôi, jơhngơ̆m đon ơh sơ'ngon.