Both 28:30 - Sơ̆p Hlabơar Nơ̆r 'Bok Kei-Dei

³⁰ Minh 'nu lăm lu iĕm hơkơ̆t boih hăm minh 'nu bơngai adruh, mă-lei đei bơngai drŏ-nglo nai oei kơ sư. Iĕm pơm hnam, mă-lei ưh kơ đei oei; iĕm pơtăm minh hlak pơgar hơmu, mă-lei ưh kơ đei phĕ sa plei sư.

Both 28:30 Iomraidhean Croise

II Sam 12:11

Kră Yang khan: “Inh gô pơm đơ̆ng kơdih hnam dơnŏ ih iung blah pơm kơ ih, 'bơ̆t tơm măt ih; Inh gô rôp lu akăn ih pơjao ăn kơ minh 'nu bơngai jê̆ ih, sư gô pơ'brơh kơ lu akăn ih 'bơ̆t hơdah kơ'năr 'bơ̆t anăp lơ bơngai.

Jop 20:18

Sư athei pơdrâu tơwih đĭ dôm mŭk lơi đơ̆ng tơdrong jang sư. Sư ưh kơ đei gơh yua iŏk mŭk tơmam mơdrŏng đơ̆ng sư mơdro sa.

Jop 3:18

Lu bơngai đe phak rơnŭk hiôk, ưh pă kơtơ̆ng nơ̆r đe wei hil hơdrăi.

Jop 31:10

Ăn akăn inh peh ăn kơ đe 'ba. Păng lê̆ kơ đe 'bĭch hơdai hăm sư.

Êsai 62:8

Kră Yang đei yơ̆r ti gah 'ma Sư păng kơkŏng ti mơsêh Sư pơkăm khan: “Inh ưh pă đei ăn bơih 'ba mi ih kơ lu bơngai ayăt kơ ih sŏng sa dơ̆ng, lu bơngai tơmoi gô ưh pă et sik hơmu 'nao ih. Sik mă đơ̆ng ih jang gleh hrat.

Je 12:13

Lu sư rei boih 'ba mi mă-lei kĕch iŏk găr jơla; lu sư jang hrat mă-lei ưh kơ yua kiơ. Gô mơlâu kơ kĕch iŏk tŏ sĕt, Yua kơ Kră Yang hil kơtang tơpă.

Je 6:12

Hnam lu sư gô jao kơ đe nai; Hơdai hăm mir pơgar păng akăn lu sư hai. Kơplah Inh gô yơ̆r ti, phak lu kon pơlei lăm dêh 'nâu,” Kră Yang khan thoi noh.

Je 8:10

Thoi noh Inh gô ăn kơ đe nai iŏk akăn lu sư, chŭn mir lu sư kư̆m ăn kơ đe nai jang. Iŏk đơ̆ng lu bơngai pơm iĕ truh tơ lu bơngai pơm tih, tă kơ chă lơi kơdih ngăl. Đơ̆ng lu 'bok khan lê̆ adrol truh tơ lu 'bok soi, rim 'nu kơ lu sư tă kơ sa pơgâm ngăl.

Nhom 5:11

Lu sư đei pơgŏ lu drŏ-kăn tơ Siôn, Păng lu adruh hle tơ rim pơlei tih char Juđa.

Nhom 5:2

Tơdrong jang sư lu nhôn tă tơ ti lu kon pơlei tơmoi ngăl. Hnam oei lu nhôn đĭ tơ lu adrĕch adrung nai.

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Am 5:11

Yua kơ lu iĕm pơjuă lu bơngai dơnuh răm păng pơgŏ lu sư rai ăn 'ba mi, mă khan lu iĕm đei pơm boih lu hnam man păng tơmo iĕm kư̆m ưh kơ gơh oei ôh. Lu iĕm đei pơtăm boih pơgar hơmu đei plei 'ngam mă-lei kư̆m ưh kơ đei huch đak sik sư ôh.

Mi 6:15

Lu iĕm gô rei mă-lei ưh kơ đei kĕch yuă; iĕm hmĕt đak ôliwơ mă-lei ưh kơ đei tring mong ôh; lu iĕm gô hmĕt chơpĕt đak hơmu mă-lei ưh kơ đei huch đak hơmu noh.

Habakuk 3:17

Mă khan 'long hơra ưh pă pơkao dơ̆ng, Păng tơm hơmu kư̆m ưh pă plei; Tơm 'long ôliwơ kư̆m pă đei plei hmĕt pơm đak rơmă păng kư̆m pă đei chŭn mir ayơ mă oei đei chăt tơmam sa 'ba sŏng; Mă khŭl triu păng đei lăm hơdrong, Sem dơrong rơmo bơbe pă đei lăm war.

Jêphania 1:13

Mŭk tơmam lu sư đe gô tơtông iŏk, hnam lu sư jing juơ tơtŭng; lu sư pơm hnam ră mă-lei ưh kơ đei oei; pơtăm tơm hơmu ră mă-lei ưh kơ đei sa plei păng huch đak.

Both 28:31

Rơmo iĕm đe gô pơlôch 'bơ̆t anăp iĕm; mă-lei iĕm ưh kơ đei sa 'nhĕm sư; aseh iĕ iĕm đe gô rôp tơgar đơ̆ng iĕm, mă-lei ưh kơ đei layơ pơdrâu kơ iĕm dơ̆ng: Triu bơbe đei gô iŏk ăn kơ lu bơngai ayăt, mă-lei ưh kơ đei bu rôp pơdrâu.