Both 28:29 - Sơ̆p Hlabơar Nơ̆r 'Bok Kei-Dei

²⁹ Kơplah 'năr dơ̆ng iĕm nơnăm chă hơbơ̆ nhen thoi bơngai măt tol yak lăm măng mu; iĕm bơ̆jang sa ưh kơ pŭn. Rim năr đe gô pơjuă pơđep păng tơgar iŏk, ưh kơ đei bơngai bu dŏng iĕm.

Both 28:29 Iomraidhean Croise

Bl 19:11

Na phak lu kon pơlei iŏk đơ̆ng 'lơ̆p truh tơ kră, 'bơ̆t 'măng ei, lu sư măt bơbôl đĭ, dĭng lu sư chơchă 'măng ưh pă băt.

Ne 9:37

Tơmam plei sa lĕch đơ̆ng teh đak âu rơkah rơkai Ih ăn kơ lu pơtao pơgơ̆r nhôn, yua kơ lu nhôn pơm tơdrong yoch, lu pơtao noh mơ̆ng kơ sư wă pơm kiơ kơ akâu jăn lu nhôn păng sem dơrong lu nhôn păng dang ei pơm kơ lu nhôn oei pơmat-tat dêh.

Jop 12:25

Lu sư nơnăm chă jơjơ̆ lăm măng mu, ưh kơ đei hơdah, păng Kră Yang pơm kơ lu sư yak mơngưt mơngat thoi bơngai suai.

Jop 5:14

Kơ'năr lu sư yak thoi lăm măng mu. Tŏk-bŏk 'năr dơ̆ng lu sư chă hơwơ̆ thoi kơmăng.

Le 10:21

Kră Yang khan kơ Môis: Athei yơ̆r ti ih tơ plĕnh, wă kơ tơ jơ̆p-jang dêh Êyiptơ đei tơdrong măng mu hơ'bơ̆l gueo truh kơ lu sư chă hơbơ̆ pă bang,

Êsai 59:10

Lu bơ̆n chă pơpel hơbơ̆ rok kiơ̆ tơnăr thoi bơngai măt tol; chă hơbơ̆ thoi bơngai ưh kơ đei măt; kơplah 'năr dơ̆ng bơ̆n nơnăm pơ̆k iung thoi yak lăm măng mu; lăm lu bơngai pran kơtang mă bơ̆n thoi bơngai lôch.

Je 9:19

Kơtơ̆ng nơ̆r nhơ̆m hmoi lăm pơlei Siôn: ‘Răm boih hiong đĭ boih chăl arih nhôn. Bơ̆n mơlâu tih dêh, Bơ̆n athei achăng lê̆ teh đak âu! Anih hnam bơ̆n oei đe pơrăm đĭ.’

Nhom 4:14

Lu sư yak rok trong thoi bơngai măt tol; đơ̆ng pham đe mă lu sư pơm kơnê̆. Dĭng mah pă đei bu pơ̆n pel ao tai lu sư.

Nhom 5:17

Yua kơ tơdrong âu jơhngơ̆m lu nhôn hơngơ̆t, Yua kơ tơdrong âu măt lu nhôn hrŏ.

Nhom 5:8

Lu đĭch đam nhôn pơgơ̆r lu nhôn; Ưh kơ đei bu dŏng pơklaih nhôn đơ̆ng ti lu sư.

Jêphania 1:17

Inh gô ba tơdrong gleh truh kơ kon bơngai. Lu sư gô yak nơnăm thoi lu bơngai măt tol, yua kơ lu sư đei pơm yoch hăm Kră Yang; đe gô 'bet lu sư. Pham lu sư lĕch thoi 'mui teh păng sĕch lu sư thoi 'mê̆ mơ̆r.

Jang 21:24

Na ih athei tơgŭm lu sư hŏ păng pơm kiơ̆ tơdrong juăt wă kơ rơgoh thoi lu sư mơ̆n. Păng ih kư̆m athei apah lu sư jên wă răt tơmam pơyơ̆r kơ 'Bok Kei-Dei. Klaih kơ noh ih apah đe yuă kơ lu sư sŏk 'ngôch kiơ̆ thoi tơdrong juăt Môis. Ih pơm thoi noh na đĭ-đăng bơngai băt kơ ih ưh kơ athei lu bơngai Juđê tŭk tơdrong juăt Môis ôh; păng lu sư băt kơ ih kiơ̆ tơdrong juăt Môis mơ̆n.

Rom 11:25

Ơ 'nhŏng oh, inh ưh kơ wă kơ iĕm pơang kơ đe khan iĕm bơngai hơgei hloh kơ bơngai Isơrael ôh. Na dang ei inh wă tơbăt ăn kơ iĕm minh tơdrong âu mă 'Bok Kei-Dei tam mă tơbăt ăn kơ bơ̆n đơ̆ng sơ̆, tơdrong noh thoi âu: Lu bơngai Isơrael mơ'nah kuă tơpă boih lui kơ 'Bok Kei-Dei, noh na Sư ăn kơ lu bơngai mă kuă noh jing arăng kơ̆l khŏm khŏm truh tơ Sư krao tôm kơ lu khŭl nai bu mă Sư rơih iŏk lui kơ Sư.

Both 28:28

Kră Yang gô ăn kơ iĕm jing wơnh, măt tol, hiong tơdrong tơchĕng rŭng răng.

Lu 10:8

Iŏk đơ̆ng sơnăm noh, 'bar khŭl adrĕch 'nâu pơgŏ pơđep pơjuă bơhlơ̆r lu sư lăm mơjĭt-tơhngam sơnăm. Lu sư pơjuă pơđep kon pơlei Isơrael oei tơ gah hơlĕch kơ đak Krong Jôrđăn lăm char Gileat tơ tơring sơ̆ char bơngai Amôrit

Lu 13:1

Kon pơlei Isơrael pơm kơnê̆ 'bơ̆t anăp Kră Yang dơ̆ng; yua kơ thoi noh na Kră Yang pơjao lu sư lăm tơpang ti lu bơngai Philistin lăm puăn-jĭt sơnăm.

Lu 3:14

Eglôn pơtao char Môap pơjuă pơđep kon pơlei Isơrael lăm mơjĭt-tơhngam sơnăm.