Both 28:15 - Sơ̆p Hlabơar Nơ̆r 'Bok Kei-Dei

¹⁵ Mă-lei tơdah iĕm ưh kơ chu mơ̆ng kiơ̆ nơ̆r Kră Yang 'Bok Kei-Dei iĕm, ưh kơ pơ'lơ̆ng pơm kiơ̆ dôm nơ̆r tơtă păng khôi juăt đơ̆ng Sư mă inh bơtho khan ăn kơ iĕm năr 'nâu, na 'nâu boih dôm tơdrong hiap pơtê̆ gô truh kơ iĕm, đei hloi:

Both 28:15 Iomraidhean Croise

Bl 3:14

Kră Yang 'Bok Kei-Dei đei pơma kơ 'bih thoi âu: “Yua kơ e đei pơm tơdrong thoi âu. E gô pŭ hơngiap hloh lăm khŭl sem brem păng sem bri. E gô ah an klak păng sa 'mui teh đĭ chăl arih e.

Bl 4:11

Dang ei Kră Yang 'Bok Kei-Dei ăn teh hiap ih, teh ha 'bơ̆r huch boih pham oh ih đơ̆ng ti ih pơlôch.

Bl 4:12

Mưh ih choh pơtăm, teh ưh pă pơjing tơmam sa kơ ih boih, ih gô thông mang huang jơ̆p kơ teh.”

II Ho 12:5

Sêmaia 'bok khan lê̆ adrol năm tơ Rêhôbôam păng lu bơngai pơgơ̆r char Juđa oei akŭm lăm pơlei Jêrusalem wă kơdâu ôn hli kơ Sisăk păng khan: Kră Yang khan thoi âu: “Lu iĕm achăng lê̆ Inh, lei na Inh kư̆m achăng lê̆ lu iĕm lăm ti Sisăk,”

II Ho 34:24

Kră Yang khan: Inh wă ăn tơdrong răm truh tơ anih 'nâu păng tơ lu kon pơlei mă oei lăm anih âu, đĭ-đăng nơ̆r hiap pơtê̆ mă đei chih boih lăm sơ̆p hla bơar mă đei đŏk boih 'bơ̆t anăp pơtao Juđa.

II Ho 7:19

“Mă-lei tơdah iĕm weh trong plơ̆ng, achăng lê̆ tơdrong juăt păng nơ̆r Inh tơtă mă đei ăn kơ lu iĕm, na jang păng kơkuh kơ yang kơnê̆,

Êsai 3:11

Răm-'băm dêh kơ lu bơngai pơm kơnê̆, sư gô đei tơdrong pơmat-tat! Lu sư gô pŭ iŏk đêl ti lu sư pơm!

Je 11:8

Mă-lei lu sư ưh kơ chu ôh, kư̆m ưh kơ wă mơ̆ng, lu sư yak kiơ̆ kơ jơhngơ̆m kơnê̆ arăng lu sư kơdih. Yua kơ thoi noh na Inh đei phak lu sư kiơ̆ kơ nơ̆r pơgơ̆p âu, nơ̆r pơgơ̆p mă Inh đei tơtă boih kơ lu sư wă kơ pơm kiơ̆ mă-lei lu sư ưh kơ pơm kiơ̆ ôh.’ ”

Je 26:4

Ih athei khan kơ lu sư: Kră Yang khan thoi âu: ‘Tơdah iĕm kuă kơ mơ̆ng nơ̆r Inh păng kuă kơ kiơ̆ tơdrong juăt Inh đei ăn boih kơ lu iĕm;

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Je 36:31

Inh gô phak sư, phak lu kon sâu sư păng lu yŏng pơgơ̆r yua kơ tơdrong yoch lu sư. Inh gô ăn tơdrong truh kơ lu sư, lu kon pơlei Jêrusalem păng bơngai Juđa, tơdrong phak pơrăm Inh đei khan tơbăt lê̆ kơ lu sư adrol boih, mă-lei lu sư ưh kơ wă mơ̆ng.”

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

Je 40:2

Yŏng lu linh gak 'bôh păng chông Jêrêmi trong pha păng khan: “Kră Yang 'Bok Kei-Dei ih đei khan boih wă pơrăm anih 'nâu.

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Hôsia 7:12

Kơplah lu sư năm tơ noh Inh gô dăng kơ lu sư hơnhuăl, Inh gô pơm kơ lu sư hrơ̆p hơnhuăl thoi lu sem păr; Inh gô phak lu sư kiơ̆ thoi khŭl lu mă đei kơtơ̆ng lu sư pơm kơnê̆.

Malachi 2:2

Tơdah lu iĕm ưh kơ mơ̆ng, tơdah iĕm ưh kơ đei răk lăm jơhngơ̆m ư-ang kơ anăn Inh,” lei Kră Yang Tih Hloh khan: “Inh gô tơjur tơdrong hiap pơtê̆ tơ kơpal lu iĕm păng Inh gô hiap pơtê̆ lu tơdrong 'lơ̆ng rŏ lu iĕm; păng Inh gô hiap boih, yua kơ lu iĕm ưh kơ đei răk lăm jơhngơ̆m iĕm.

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

Both 11:28

Tơdrong hiap pơtê̆, tơdah lu iĕm kuă kơ mơ̆ng păng ưh kơ pơm kiơ̆ ôh dôm nơ̆r tơtă đơ̆ng Kră Yang 'Bok Kei-Dei lu iĕm, mă weh achăng lê̆ nơ̆r tơtă đơ̆ng Kră Yang 'Bok Kei-Dei iĕm, na yak kiơ̆ trong lu yang nai, mă lu iĕm ưh kơ băt.

Both 28:2

Tơdah iĕm mơ̆ng pơm kiơ̆ nơ̆r Kră Yang 'Bok Kei-Dei iĕm, dôm tơdrong pŭn hiôk gô jur tơ iĕm đei hloi.

Both 28:45

Đĭ-đăng dôm lu tơdrong hiap pơtê̆ 'nâu gô truh tơ iĕm druh tam iĕm, dĭng lu iĕm lôch hiong răm đĭ, yua kơ iĕm ưh kơ mơ̆ng kiơ̆ nơ̆r Kră Yang 'Bok Kei-Dei iĕm păng ưh kơ wei răk dôm lu nơ̆r tơtă păng khôi juăt mă Sư ăn boih kơ iĕm.

Both 29:19

Bơngai bu kơtơ̆ng dôm nơ̆r pơkă pơkăm lăm tơdrong pơgơ̆p 'nâu, 'nĕ sơkat pŭn hiôk kơdih 'nâu, 'nĕ kơ đei lăm jơhngơ̆m tơchĕng khan: Inh gô oei arih sa kiơ̆ tơdrong inh kơdih kư̆m bưh, huay kơ đei kiơ. Pơm thoi noh pơrăm iĕm kư̆m thoi teh hơiuh hăm teh hrĕng kro.

Both 29:20

Kră Yang ưh kơ mơnat tơdrong yoch bơngai noh, mă-lei tơdrong Kră Yang hil mĭl păng gar sư noh chhông blah bơngai noh păng đĭ lu tơdrong hiap pơtê̆ chih lăm sơ̆p hla bơar 'nâu gô tơpŭ tơ kơpal sư; păng Kră Yang gô sŭt lê̆ anăn sư đơ̆ng lăm teh đak 'nâu.

Both 5:1

Môis krao đĭ-đăng bơngai Isơrael na khan: Ơ bơngai Isơrael! Mơ̆ng bĕ dôm lu khôi juăt păng nơ̆r tơtă inh roi ăn kơ lu iĕm băt năr 'nâu; lu iĕm athei pơhrăm hŏk iŏk mă pơ'lơ̆ng pơm kiơ̆ dôm lu tơdrong noh.

Jôsuê 23:15

Mă-lei tơdah nơ̆r pơkă 'lơ̆ng mă Kră Yang 'Bok Kei-Dei lu iĕm đei pơsĭt ăn kơ lu iĕm thoi yơ boih, na Kră Yang kư̆m pơsĭt lu nơ̆r Sư wă tơhli pơrăm lu iĕm thoi noh, dĭng truh tơ Sư pơlôch pơrăm lu iĕm đĭ đơ̆ng dêh char 'lơ̆ng rŏ mă Kră Yang đei ăn kơ lu iĕm.

Jôsuê 23:16

Tơdah lu iĕm sơngah kơ tơdrong pơgơ̆p Kră Yang 'Bok Kei-Dei lu iĕm, đei hlôi bơtho pơkă, na lu iĕm achăng lê̆ Kră Yang, chă bơ̆jang awih awăn păng drap kơkuh kơ lu yang nai, lei tơdrong Kră Yang hil mĭl tih gô truh tơ lu iĕm, na lu iĕm gô lôch hiong răm đĭ đơ̆ng char 'lơ̆ng rŏ mă Kră Yang đei ăn boih.

Lu 2:15

Mă lu sư năm tơ yơ yơ Kră Yang kư̆m ăn kơ lu sư đei tơdrong gleh pơmat 'blep thoi Kră Yang khan pơkă kơ lu sư. Lu sư đei tơdrong gleh pơmat tih dêh.

I Sam 4:10

Kon pơlei Philistin năm tơblah, bơngai Isơrael thuơ kơdâu ôn brŏk tơ bơsŭn lu sư kơdih. Noh bơih jĭ minh tơdrong tơblah thuơ tih dêh; pêng-jĭt rơbâu linh trong teh lôch glơch glach.