Both 27:18 - Sơ̆p Hlabơar Nơ̆r 'Bok Kei-Dei

¹⁸ Hiap pơtê̆ bĕ kơ bơngai bu pơm ăn kơ bơngai măt tol jrok trong! Đĭ-đăng kon pơlei gô khan: A-men!

Both 27:18 Iomraidhean Croise

Bl 27:12

Băt kơnh 'bă inh gô pel inh, khan kơ inh bơngai hơlĕnh, na inh gô pŭ tơdrong hiap pơtê̆, ưh kơ đei tơdrong pŭn hiôk ôh.

Jop 29:15

Inh thoi lĕ măt ăn kơ lu bơngai tol, păng thoi jơ̆ng kơ lu bơngai jo.

Tơdrông Pơđơk 28:10

Bơngai bu ba lu bơngai tơpăt kiơ̆ trong kơnê̆. Gô huŏng lăm sơlŭng đêl lu sư sir; Mă-lei đei tơdrong pŭn hiôk kơ lu bơngai 'lơ̆ng tơpăt.

Êsai 56:10

Lu bơngai Isơrael gak tă kơ măt tol, ưh kơ băt tơdrong kiơ. Đĭ-đăng lu sư thoi kŏ kơmlo, ưh kơ băt kơ kuăl, 'maih 'bĭch ling-lang păng tep blêk apo kư̆ kă đĕch;

Lêwi 19:14

'Nĕ kơ hiap bơngai klĭk, kư̆m 'nĕ kơ dan lê̆ tơmam kiơ 'bơ̆t anăp bơngai măt tol, wă pơm kơ sư kơtơih pơ̆k, ih athei hli yom kơ Kră Yang 'Bok Kei-Dei ih, Inh bơih Kră Yang.

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Both 27:19

Hiap pơtê̆ bĕ kơ bơngai bu sek ưh kơ tơpăt kơ lu bơngai tơmoi, lu bơngai mơti păng lu yă adro! Đĭ-đăng kon pơlei gô khan: A-men!

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.