Both 27:10 - Sơ̆p Hlabơar Nơ̆r 'Bok Kei-Dei

¹⁰ Thoi noh iĕm athei mơ̆ng bĕ nơ̆r Kră Yang 'Bok Kei-Dei iĕm păng wei răk pơm kiơ̆ dôm lu nơ̆r Sư tơtă păng dôm khôi juăt Sư, mă inh bơtho khan ăn kơ iĕm năr 'nâu.

Both 27:10 Iomraidhean Croise

Lêwi 19:2

Roi tơbăt ăn bĕ kơ đĭ-đăng kon pơlei Isơrael khŭl akŭm, lu iĕm athei oei sa mă 'lơ̆ng rơgoh bĕ, yua kơ Inh Kră Yang lu iĕm 'lơ̆ng rơgoh.

Mi 4:5

Rim adrĕch bu bu kư̆m kiơ̆ anăn sư kơdih; păng lu bơ̆n gô yak kiơ̆ anăn Kră Yang 'Bok Kei-Dei lu bơ̆n ling-lang hlŏng hloi.

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Mathiơ 5:48

Thoi noh na iĕm athei 'mêm kơ đĭ-đăng bơngai kư̆m thoi 'Bă bơ̆n tơ plĕnh ti 'mêm kơ đĭ-đăng bơngai thoi noh mơ̆n.

Both 11:1

Iĕm athei băt 'mêm yom kơ Kră Yang 'Bok Kei-Dei ling-lang păng athei wei răk dôm tơdrong juăt Sư, nơ̆r Sư athei păng nơ̆r Sư tơtă.

Both 26:17

Năr 'nâu iĕm pơkă drơ̆ng iŏk Kră Yang pơm 'Bok Kei-Dei iĕm, yak năm kiơ̆ trong Sư, wei răk khôi juăt Sư, nơ̆r tơtă păng nơ̆r đơ̆ng Sư athei, kư̆m chu kiơ̆ nơ̆r sư khan.

Both 26:18

Năr 'nâu Kră Yang kư̆m pơkă drơ̆ng iŏk iĕm pơm kon pơlei pơla Sư, jing tơmam gĭt Sư thoi Sư đei pơkă hăm iĕm păng iĕm athei wei răk đĭ dôm lu nơ̆r Sư tơtă.

Both 27:11

Năr noh. Môis bơtho khan kơ kon pơlei;

Both 27:9

Môis păng lu 'bok soi adrĕch bơngai Lêwi khan kơ lu kon pơlei Isơrael: Ơ lu bơngai Isơrael, athei ngăn păng mơ̆ng bĕ! Năr 'nâu, lu iĕm jing kon pơlei Kră Yang 'Bok Kei-Dei iĕm boih.