Both 26:7 - Sơ̆p Hlabơar Nơ̆r 'Bok Kei-Dei

⁷ Kơplah noh, lu nhôn krao apinh Kră Yang 'Bok Kei-Dei 'bok yă lu nhôn, Kră Yang kơtơ̆ng păng 'bôh tơdrong pơmat lu nhôn păng tơdrong đe pơjuă pơđep lu nhôn.

Both 26:7 Iomraidhean Croise

Bl 21:17

Kră Yang 'Bok Kei-Dei kơtơ̆ng kon hơ'lơ̆p noh nhơ̆m, na linh jang 'lơ̆ng đơ̆ng plĕnh krao Hagar thoi âu: “Ơ Hagar! Ih đei tơdrong kiơ? 'Nĕ kơ hli, yua kơ Kră Yang 'Bok Kei-Dei kơtơ̆ng boih nơ̆r hơ'lơ̆p ih nhơ̆m tơ anih sư noh.

Bl 29:32

Lêa anăp tơpŭ kơ minh 'nu kon drŏ-nglo krao anăn sư Rubên, a yua kơ đei khan Kră Yang 'bôh tơdrong inh pơmat-tat; na dang ei klo inh gô 'mêm hưch kơ inh.

II Sam 16:12

Băt Kră Yang lăng 'bôh boih tơdrong pơmat-tat inh, na ăn tơdrong pŭn hiôk tơplih tơdrong sư hiap năr 'nâu.”

Horiso 119:132

Apinh Ih hue lăng păng mơnat kơ inh, Kŭm thoi Ih ngăl juăt 'mêm kơ lu bơngai bu mă 'mêm kơ anăn Ih.

Horiso 31:8

Ih ưh kơ đei jao inh tơ lu ayăt. Mă-lei ăn kơ jơ̆ng inh dơ̆ng tơ anih rơhơi.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Le 2:23

Đunh 'biơ̆ đơ̆ng noh, Pơtao dêh Êyiptơ lôch; Kon pơlei Isơrael ôr krao yua kơ tơdrong pơm đĭch bơ̆jang gleh pơmat-tat: Nơ̆r krao ôr pơmat-tat truh tơ Kră Yang 'Bok Kei-Dei.

Le 2:25

Kră Yang 'Bok Kei-Dei 'bôh mơnat kơ kon pơlei Isơrael, băt kơ tơdrong truh kơ lu sư pơmat-tat.

Le 3:9

Nơ̆r krao ôr đơ̆ng kon pơlei Isơrael kơtơ̆ng truh tơ Inh păng Inh 'bôh boih kon pơlei Êyiptơ pơgŏ pơđep lu sư thoi yơ;

Le 4:31

Lu sư lui kơ nơ̆r 'noh, băt kơ Kră Yang oei hơdai hăm kon pơlei Isơrael păng 'bôh dôm tơdrong pơmat-tat lu sư; na lu sư kŭp kơ̆l kơkuh kơ Kră Yang hloi.

Le 6:5

Inh kư̆m đei kơtơ̆ng nơ̆r krao ôr pơmat-tat đơ̆ng kon pơlei Isơrael đơ̆ng bơngai Êyiptơ rôp pơgŏ pơm đĭch păng Inh 'blŏk kơ tơdrong Inh pơgơ̆p.

Je 33:2

'Nâu Kră Yang khan, Sư boih Tơ'ngla pơjing teh đak păng pơm pơdơ̆ng tôm tơmam ăn kơ lu sư kơjăp; anăn Sư Kră Yang:

I Sam 9:16

Năr dơning, kư̆m lăm jơ 'nâu mơ̆n, inh gô wơh minh 'nu bơngai đơ̆ng lăm dêh Bênjamin năm tơ'bơ̆p ih, ih gô tuh đak pơgang ăn kơ sư pơm pơtao đe Isơrael. Sư gô dŏng pơklaih kon pơlei Inh đơ̆ng ti đe Philistin; yua kơ Inh 'blŏk mơnat kơ kon pơlei Inh păng nơ̆r lu sư ôr krao kơtơ̆ng truh tơ Inh.