Both 26:16 - Sơ̆p Hlabơar Nơ̆r 'Bok Kei-Dei

¹⁶ Năr 'nâu, Kră Yang 'Bok Kei-Dei iĕm athei pơkă khan kơ iĕm pơm kiơ̆ dôm lu khôi juăt păng nơ̆r tơtă 'nâu, iĕm athei kơchăng wei răk hăm đĭ jơhngơ̆m klơm klak,

Both 26:16 Iomraidhean Croise

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Yo 14:15

“Dah iĕm 'mêm kơ Inh, lei iĕm chu dôm tơdrong Inh pơkă hŏ,

Both 10:12

Ơ bơngai Isơrael, dang ei Kră Yang 'Bok Kei-Dei iĕm tơtă athei pơm kiơ? Athei băt hli yom kơ Kră Yang 'Bok Kei-Dei iĕm, yak kiơ̆ đĭ trong Sư, 'mêm kơ Sư păng bơ̆jang kơ Kră Yang 'Bok Kei-Dei iĕm hăm đĭ jơhngơ̆m, đĭ bơhngol iĕm,

Both 11:1

Iĕm athei băt 'mêm yom kơ Kră Yang 'Bok Kei-Dei ling-lang păng athei wei răk dôm tơdrong juăt Sư, nơ̆r Sư athei păng nơ̆r Sư tơtă.

Both 11:8

Thoi noh iĕm athei wei răk bĕ dôm nơ̆r tơtă mă inh bơtho ăn kơ lu iĕm năr 'nâu, wă kơ lu iĕm đei jơhngơ̆m pran, mơ̆t iŏk dêh mă lu iĕm wă iŏk tơ pah to Krong Jôrđăn.

Both 12:1

'Nâu bơih tơdrong juăt păng nơ̆r tơtă mă lu iĕm athei kơchăng wei răk păng pơm kiơ̆ đĭ chăl arih lu iĕm oei tơ lăm dêh mă Kră Yang 'Bok Kei-Dei 'bok iĕm ăn kơ lu iĕm iŏk oei.

Both 12:32

Lu iĕm athei kơchăng; pơm kiơ̆ mă trŏ thoi noh 'nĕ kơ hŭt dah pơthim kiơ.

Both 26:17

Năr 'nâu iĕm pơkă drơ̆ng iŏk Kră Yang pơm 'Bok Kei-Dei iĕm, yak năm kiơ̆ trong Sư, wei răk khôi juăt Sư, nơ̆r tơtă păng nơ̆r đơ̆ng Sư athei, kư̆m chu kiơ̆ nơ̆r sư khan.

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.

Both 6:1

'Nâu jơ̆ khôi juăt, nơ̆r tơtă păng nơ̆r tơbăt đơ̆ng Kră Yang 'Bok Kei-Dei lu bơ̆n, tơtă boih kơ inh bơtho ăn kơ lu iĕm, wă kơ lu iĕm pơm kiơ̆ tơdrong noh tơ lăm dêh mă lu iĕm gô mơ̆t oei.

Both 6:17

Athei kơchăng wei răk dôm lu nơ̆r Kră Yang tơtă păng nơ̆r Sư tơbăt, khôi juăt Sư mă inh đei bơtho ăn kơ iĕm.

Both 6:5

Na lu iĕm athei đĭ jơhngơ̆m klơm klak, đĭ đon tơchĕng đĭ jơhngơ̆m pran 'mêm kơ Kră Yang 'Bok Kei-Dei iĕm.

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.