Both 26:14 - Sơ̆p Hlabơar Nơ̆r 'Bok Kei-Dei

¹⁴ Lăm năr ơh kơ bơngai lôch, inh ưh kơ sa tơmam 'lơ̆ng rơgoh 'nâu; kơplah 'mê̆-'mach inh kư̆m ưh kơ hơtŭt 'bơm păng kư̆m ưh kơ yua tơmam âu yua kơ bơngai lôch; inh chu kiơ̆ nơ̆r Kră Yang 'Bok Kei-Dei inh păng pơm kiơ̆ dôm tơdrong Ih hlôi pơkă khan kơ inh.

Both 26:14 Iomraidhean Croise

Horiso 106:28

'Bok lu nhôn kơkuh kơ yang Baal tơ Pêôr, Sa tơmam soi pơm yang kơ bơngai lôch;

Horiso 18:22

Yua kơ dôm nơ̆r Sư tơtă oei 'bơ̆t anăp inh, Gah tơdrong juăt Sư, inh ưh kơ lê̆ ôh.

Je 16:7

Ưh kơ đei bu chĕp por 'nhot năm sŏng sa hơdai pơlung yua kơ đei bơngai lôch, kư̆m ưh kơ đei bu hling đak nhă pơlung lu sư sơ'ngon kơ mĕ dah 'bă lu sư lôch.

Êsêkiên 24:17

Hmoi bĕ, mă-lei 'nĕ kơ ôr re, 'nĕ pă hmoi ơh kơ bơngai lôch; chô̆ bĕ che tơ kơ̆l, 'bot bĕ chơkhŏ ih. 'Nĕ kơ gom 'bơ̆r ih păng 'nĕ sa 'bĕng đơ̆ng lu bơngai năm hơpong pơlung.”

Hôsia 9:4

Lu sư kư̆m ưh pă đei tuh pơyơ̆r boih sik hơmu kơ Kră Yang, păng dôm tơmam soi lu sư kư̆m ưh kơ pơm kơ Kră Yang hiôk ôh, mă-lei jing thoi 'bĕng mi đe sa nhơ̆m hmoi ơh sơ'ngon kơ bơngai lôch, đĭ-đăng lu bơngai sa 'bĕng noh jing 'mê̆-'mach, yua kơ 'bĕng mi noh 'măn kơ lu sư kơdih đĕch 'bĕng noh ưh kơ truh ôh tơ hnam Kră Yang.

Lêwi 21:1

Kră Yang khan kơ Môis, khan bĕ kơ lu 'bok soi kon drŏ-nglo Arôn, lu sư 'nĕ kơ hơtŭt 'bơm akâu lăm lu kon pơlei sư lôch, kơnh pơm kơ lu sư kơdih jing kơnê̆ 'mê̆-'mach.

Lêwi 21:11

Sư ưh kơ gơh năm jê̆ bơngai lôch ôh, mă 'bă sư, dah mĕ sư lôch wă pơm kơ sư jing kơnê̆ 'mê̆-'mach.

Lêwi 7:20

Bu mă đei tơdrong kơnê̆ 'mê̆-'mach na sa tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.

Malachi 2:13

Lu iĕm kư̆m oei pơm tơdrong âu: Lu iĕm nhơ̆m hmoi, hơdrĭ hơdrôi, đak măt lĕch gom lê̆ gơ'bang soi Kră Yang, Sư ưh pă iŏk boih tơmam soi lu iĕm păng kư̆m ưh pă lăp đon iŏk tơmam pơyơ̆r đơ̆ng ti lu iĕm.

Both 13:5

Athei pơlôch bơngai khan lê̆ adrol dah bơngai juăt apo noh, yua kơ sư pơhlŭ pơtơm iĕm iung blah Kră Yang 'Bok Kei-Dei lu iĕm, Tơ'ngla mă chông ba lu iĕm lĕch đơ̆ng dêh Êyiptơ, dŏng pơklaih lu iĕm đơ̆ng pơm đĭch, bơngai noh kư̆m chă đon wă pơm kơ iĕm achăng lê̆ trong Kră Yang 'Bok Kei-Dei iĕm tơhlâu tơ'bôh ăn kơ iĕm trong wă rok kiơ̆, athei pơlôch lu bơngai pơm kơnê̆ wă tơhiong lê̆ tơdrong yoch đơ̆ng lăm lu iĕm.

Both 15:5

Tơdah iĕm chu mơ̆ng kiơ̆ nơ̆r Kră Yang 'Bok Kei-Dei iĕm păng kơchăng pơm kiơ̆ nơ̆r tơtă mă inh đei bơtho khan ăn kơ iĕm năr âu.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 26:13

Đơ̆ng noh iĕm năm roi 'bơ̆t anăp Kră Yang 'Bok Kei-Dei iĕm: Inh iŏk tơmam 'lơ̆ng rơgoh đơ̆ng hnam inh, na asong ăn kơ lu bơngai Lêwi, bơngai tơmoi, bơngai mơti păng yă adro, pơm kiơ̆ dôm tơdrong Kră Yang tơtă; inh ưh kơ pơm glăi kư̆m ưh kơ hiơt nơ̆r tơtă ayơ đơ̆ng ih athei.

Both 26:15

Apơi kơ Kră Yang đơ̆ng anih 'lơ̆ng rơgoh Ih tơ kơpal plĕnh ti, nger lăng păng ăn tơdrong pŭn hiôk kơ lu bơngai Isơrael, Ih hăm teh đak mă Ih ăn boih kơ lu nhôn kư̆m thoi đei pơkă boih hăm 'bok yă lu nhôn sơ̆, wă khan dêh thoi đak toh thoi đak sut 'nâu.