Both 26:13 - Sơ̆p Hlabơar Nơ̆r 'Bok Kei-Dei

¹³ Đơ̆ng noh iĕm năm roi 'bơ̆t anăp Kră Yang 'Bok Kei-Dei iĕm: Inh iŏk tơmam 'lơ̆ng rơgoh đơ̆ng hnam inh, na asong ăn kơ lu bơngai Lêwi, bơngai tơmoi, bơngai mơti păng yă adro, pơm kiơ̆ dôm tơdrong Kră Yang tơtă; inh ưh kơ pơm glăi kư̆m ưh kơ hiơt nơ̆r tơtă ayơ đơ̆ng ih athei.

Both 26:13 Iomraidhean Croise

Horiso 119:139

Tơdrong inh tơnăp soh chhông lăm jơhngơ̆m inh. Yua kơ lu bơngai ayăt kơ inh hiơt boih kơ nơ̆r Ih.

Horiso 119:141

Mă inh bơngai iĕ, đe pơjăm pơjuă, Mă-lei ưh kơ đei layơ hiơt kơ nơ̆r Ih bơtho tơtă.

Horiso 119:153

Apinh Ih lăng bĕ tơdrong inh pŭ pơmat păng dŏng pơklaih inh; Na inh ưh kơ hiơt ôh khôi juăt ih.

Horiso 119:176

Inh wơ̆l jrok thoi triu hiong; apinh chơchă inh đĭch đam Ih. Yua kơ inh ưh kơ hiơt nơ̆r Ih tơtă.

Horiso 119:93

Inh ưh kơ đei layơ hiơt kơ nơ̆r Ih bơtho tơtă. Yua kơ đơ̆ng lu tơdrong noh na Ih ăn kơ inh đei arih.

Horiso 26:6

Ơ Kră Yang, inh gô ôp ti inh Tơ lăm tơdrong rơgoh 'lơ̆ng, Păng yak dăr kơ chơnang soi Ih.

Tơdrông Pơđơk 3:1

Ơ dăm, 'nĕ kơ hiơt ôh tơdrong Inh bơtho khan; Răk bĕ tơdrong Inh tơtă lăm jơhngơ̆m ih.

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

II Kor 11:31

'Bok Kei-Dei 'Bă Yŏng bơ̆n Yêsu Krist, Sư trŏ kơ bơ̆n ư-ang ling-lang ưh kơ layơ tôch, Sư băt kơ inh pơma ưh kơ hơlĕnh.

Both 14:29

Lu bơngai Lêwi, yua kơ lu ưh kơ đei mŭk tơmam teh jang sa tơ lăm lu iĕm ôh păng lu bơngai tơmoi, lu bơngai mơti păng lu bơngai yă adro mă oei hơdai lăm pơlei iĕm, kư̆m gô năm sa phĭ mah; thoi ei Kră Yang 'Bok Kei-Dei iĕm ăn pŭn kơ dôm tơdrong jang đơ̆ng tơpang ti iĕm kơdih pơm.

Both 26:12

Kư̆ rim pêng sơnăm jơ̆ sơnăm pơyơ̆r minh lăm mơjĭt lu iĕm 'măn lê̆ pha dôm tơmam iĕm roi, na athei asong ăn kơ bơngai Lêwi, kơ bơngai tơmoi, bơngai mơti păng ăn kơ yă adro, wă kơ lu sư đei tơmam sa phĭ mah.

Both 26:14

Lăm năr ơh kơ bơngai lôch, inh ưh kơ sa tơmam 'lơ̆ng rơgoh 'nâu; kơplah 'mê̆-'mach inh kư̆m ưh kơ hơtŭt 'bơm păng kư̆m ưh kơ yua tơmam âu yua kơ bơngai lôch; inh chu kiơ̆ nơ̆r Kră Yang 'Bok Kei-Dei inh păng pơm kiơ̆ dôm tơdrong Ih hlôi pơkă khan kơ inh.

I Tes 2:10

Hơtai ki iĕm kư̆m 'bôh dôm tơdrong nhôn pơm 'lơ̆ng tơpăt kơ lu iĕm bơngai lui kơ Yêsu. Nhôn ưh kơ pơm kơnê̆ ôh. 'Bok Kei-Dei Sư kư̆m 'bôh thoi noh mơ̆n.