Both 25:9 - Sơ̆p Hlabơar Nơ̆r 'Bok Kei-Dei

⁹ Thoi noh drŏ-kăn adro, mi dah oh sư 'noh năm jê̆, 'bơ̆t anăp lu kră, plôh lê̆ chơkhŏ wăn đơ̆ng jơ̆ng bơngai drŏ-nglo noh, gơsoh đak hai tơ muh măt, đơ̆ng noh pơma 'bơ̆r re khan: Bơngai bu ưh kơ wă pơdơ̆ng dơ̆ng đơ̆ng hnam dơnŏ 'nhŏng oh sư kơdih gô pơm ăn thoi noh!

Both 25:9 Iomraidhean Croise

Jop 30:10

Lu sư lăng inh krưp 'brơ̆, weh ataih kơ inh, Ưh pă hĕo gơsoh đak hai kơ muh măt inh.

Êsai 20:2

Kơplah noh Kră Yang, khan kơ Êsai kon drŏ-nglo Amôt: “Năm bĕ, plôh lê̆ ao 'bi ih păng plôh lê̆ chơkhŏ đơ̆ng jơ̆ng ih.” Êsai pơm kiơ̆ nơ̆r noh, năm akâu hoh păng yak jơ̆ng hoh.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Jo 12:14

Kră Yang tơl Môis thoi âu: Tơdah 'bă sư gơsoh đak hai 'bơ̆t muh măt sư, hăm trŏ kơ sư mơlâu lăp tơpơh năr? Đe athei chĭt lê̆ sư tơ 'nguaih kơđông tơpơh năr; đơ̆ng noh đe iŏk sư tơmơ̆t lăm anih kơđông dơ̆ng.

Mathiơ 26:67

Lu đe ei chă kơsoh pơ'brơh đak hai tơ muh măt Sư, tŭr Sư, mơ'nah tap Sư,

Mathiơ 27:30

Lu sư kơsoh pơ'brơh đak hai tơ akâu akar păng iŏk 'long đơ̆ng Sư chĕp noh tôn kơ̆l Sư.

Markôs 1:7

Sư bơtho đe khan: “Đei minh 'nu bơngai gô truh đơ̆ng rŏng kơ inh, Sư 'Bok tih tơpă. Mă khan Sư athei inh yaih ăn tơlei chơkhŏ Sư đĕch inh kư̆m ưh kơ hơnhŏ 'mơ̆i, inh ưh kơ pơ̆n ngơk lăng Sư ôh.

Markôs 10:34

Lu dêh đe ei gô hiĕk achơ̆ kơ Inh, kơsoh pơ'brơh kơ Inh đak hai păng teh tach pơjĭ Inh, klaih kơ noh pơlôch hloi. Mă-lei kơtĕch pêng năr đơ̆ng rŏng Inh gô iung arih dơ̆ng.”

Yo 1:27

Sư boih 'Bok mă truh đơ̆ng rŏng kơ inh, Sư 'Bok tih hloh kơ inh tơpă. Mă khan athei inh yaih ăn tơlei chơkhŏ Sư, inh kư̆m ưh kơ hơnhŏ 'mơ̆i, inh ưh kơ pơ̆n ngơk lăng Sư ôh.”

Both 25:10

Đơ̆ng noh lăm bơngai Isơrael gô krao kơ hnam dơnŏ bơngai noh hnam dơnŏ bơngai đe plôh lê̆ chơkhŏ wăn.

Both 25:8

Lu kră pơlei ei gô krao bơngai noh păng pơma dơnuh kơ sư hăm bơngai noh; tơdah bơngai noh oei pơma khan: Inh ưh kơ wă iŏk sư pơm akăn.

Ru 4:6

Bơngai mă gơh huai iŏk tơl sư: Mưh lei inh ưh kơ gơh huai iŏk ôh, kơnh hli kơ tơmam inh hiong. Iŏk bĕ kơ ih tơmam mŭk mă trŏ kơ inh huai iŏk ră, yua kơ inh ưh kơ đei huai iŏk?

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.