Both 25:2 - Sơ̆p Hlabơar Nơ̆r 'Bok Kei-Dei

² Dah bơngai pơm yoch trŏ kơ teh tôn, kră sek tơlang athei bơngai noh 'bĭch kơmŭ brum tơ teh, teh tôn bơngai noh 'bơ̆t anăp sư hơdôm wơ̆t kiơ̆ kơ tơdrong yoch bơngai noh pơm;

Both 25:2 Iomraidhean Croise

Ne 13:25

Inh chrih khă, hiap pơtê̆ lu sư păng teh minh 'bar 'nu lăm lu sư, hrŭi sŏk lu sư, inh athei lu sư pơkă pơkăm hăm Kră Yang 'Bok Kei-Dei thoi âu: 'Nĕ ăn kon drŏ-kăn iĕm oei kơ kon drŏ-nglo lu sư, dah 'nĕ kơ rôp ăn kon drŏ-kăn lu sư kơ kon drŏ-nglo lu iĕm, dah wă iŏk oei kơ iĕm kơdih.

Tơdrông Pơđơk 19:29

Tơdrong phak 'măn boih kơ bơngai blei hiap Chă lê̆ 'long wă teh rŏng lu bơngai bơlŭk.

Mathiơ 10:17

Iĕm athei kơchăng, yua kơ đe gô rôp iĕm jao kơ lu kră sek tơlang păng tôn teh iĕm tơ hnam akŭm đe Juđê.

Mathiơ 27:26

Thoi noh boih na Pilat tơlĕch ăn kơ lu sư 'Barra'ba; sư athei lu linh sư teh tach Yêsu păng sơnguĕt păng pơjao kơ lu linh sư pơ̆ng pơlôch Yêsu tơ 'long pơglang.

Jang 23:3

Pôl pơma kơ 'bok soi tơm ei khan: “Ih athei đe tap inh, na 'Bok Kei-Dei gô tap ih mơ̆n, ih bơngai 'bơ̆r đak klak ŭnh. Ih sek tơlang tơdrong inh kiơ̆ kơ tơdrong juăt bơ̆n ră, mă-lei ih athei đe tap inh; ih pơm thoi noh ưh kơ trŏ kơ tơdrong juăt bơ̆n ôh. 'Noh ih dơ̆ng pơm yoch kơ tơdrong juăt bơ̆n.”

Jang 5:40

Kơtơ̆ng thoi noh lu bôl kră sek tơlang chu sư. Lu sư krao jơ̆ng 'bang Yêsu mơ̆t hloi athei lu linh teh lu sư. Klaih kơ noh đe khă lu sư bơtho tơdrong Yêsu dơ̆ng, tơlĕch hloi lu sư.

I Pet 2:20

Pơtih gia, dah bơ̆n pơm kơnê̆ kơ sư hơdrol, na sư tôn teh bơ̆n, mă bơ̆n thĕng đĕch, noh kư̆m ưh kơ yua kiơ ôh, ưh kơ đei bu khan bơ̆n bơngai 'lơ̆ng dơ̆ng. Dah bơ̆n 'nĕ chă pơm kơnê̆ kơ sư, gô mơ̆ng kơ sư chă areh kơ bơ̆n đĕch, noh 'Bok Kei-Dei lăp đon.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.