Both 25:16 - Sơ̆p Hlabơar Nơ̆r 'Bok Kei-Dei

¹⁶ Yua kơ Kră Yang 'Bok Kei-Dei iĕm areh krưp dêh kơ bơngai bu pơm dôm tơdrong ưh kơ trŏ 'nâu.

Both 25:16 Iomraidhean Croise

Tơdrông Pơđơk 11:1

Kră Yang ưh kơ lăp ôh kơ 'long kŏng sa pơgâm. Mă-lei plei kŏng trŏ noh sư lăp đon.

Tơdrông Pơđơk 20:23

Plei kŏng ưh kơ trŏ, Kră Yang areh dêh; 'long kŏng kư̆ kă Kră Yang ưh kơ lăp đon.

Mi 6:10

Lăm hnam bơngai kơnê̆ hăm oei đei tơmam gĭt kơnê̆ păng 'long kŏng ưh kơ tơpă hơlĕnh mă Inh areh dêh?

Both 18:12

Yua kơ Kră Yang areh păng lăng krưp dêh lu bơngai bu bơ̆jang pơm tơdrong noh păng yua kơ đĭ dôm tơdrong jang kơnê̆ krưp noh, na Kră Yang 'Bok Kei-Dei iĕm pơpuh lê̆ đĭ lu adrĕch adrung lu đe noh đơ̆ng 'bơ̆t anăp iĕm.

Both 22:5

Bơngai drŏ-kăn ưh kơ gơh hrŭk hơbĕn ao bơngai drŏ-nglo păng bơngai drŏ-nglo kư̆m ưh kơ gơh hrŭk hơbĕn ao drŏ-kăn; yua, kơ Kră Yang 'Bok Kei-Dei iĕm lăng areh krưp dêh.

Both 25:17

Ih athei 'blŏk dôm tơdrong bơngai Amalek pơm ăn kơ lu iĕm tơ rok trong, kơplah lu iĕm lĕch đơ̆ng dêh Êyiptơ;

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.