Both 25:15 - Sơ̆p Hlabơar Nơ̆r 'Bok Kei-Dei

¹⁵ Iĕm athei đei 'long kŏng trŏ păng tơpăt, wă kơ lu iĕm gơh arih sot soi jơnoi đunh tơ kơpal teh lăm dêh char Kră Yang 'Bok Kei-Dei iĕm ăn kơ iĕm.

Both 25:15 Iomraidhean Croise

Horiso 34:12

Bu 'maih wă đei tơdrong arih, Păng wă arih sota gô 'bôh tơdrong pŭn hiôk?

Le 20:12

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.

Êsêkiên 45:10

Lu iĕm athei iŏk 'long kŏng tơpăt “Epha” trŏ, yua “pơnhan” hơtŏ hơnơ̆ng;

Lêwi 19:35

Lu iĕm 'nĕ kơ pơm glăi kơplah iĕm đei sek tơlang kơ đe, dah hơgăt tơdrong kiơ kơjung dah kơđeh, 'lơ̆ng dah kơnê̆, trăp dah hơiơch.

Am 8:5

Lu iĕm khan: Layơ khei 'nao jah đĭ wă kơ bơ̆n gơh tĕch 'ba layơ năr Sa'bat, tôch wă kơ lu bơ̆n gô pơih pơk 'ba mi, na bơ̆n tĕch pơhrŏ lê̆ epha na pơthim kơ jên hu rai trăp păng bơ̆n kŏng hơlĕnh wă hơlĕnh kơ đe.

Êphêsô 6:3

Sư pơkă khan dah bơ̆n chu kiơ̆ tơdrong juăt chu yom mĕ 'bă, Sư gô ăn kơ bơ̆n arih hiôk păng arih sot tơ ala teh âu.

Both 11:9

Wă kơ lu iĕm arih sot tơ teh đak mă Kră Yang pơkă boih wă ăn kơ lu 'bok iĕm păng ăn kơ adrĕch adrung lu sư, teh đak toh păng đak sut.

Both 17:20

wă kơ jơhngơ̆m klơm klak sư huay kơ pơang păng pơdê kơ lu 'nhŏng oh sư păng huay kơ weh tơ gah 'ma gah 'ngiĕo, achăng lê̆ nơ̆r tơtă 'nâu, wă kơ pơtao păng kon sâu pơtao gơh pơgơ̆r đunh sot oei lăm char Isơrael.

Both 25:14

Lăm hnam lu iĕm 'nĕ kơ đei 'bar tŏ 'long kŏng minh hơlĕnh minh tơpăt.

Both 4:40

Wei răk bĕ dôm lu khôi juăt păng nơ̆r tơtă đơ̆ng Sư, tơdrong mă inh bơtho boih kơ iĕm năr 'nâu, wă kơ iĕm păng kon sâu iĕm gơh đei hiôk-hian wă kơ lu iĕm oei arih sot lăm dêh Kră Yang 'Bok Kei-Dei iĕm ăn kơ iĕm ling-lang truh ning-mônh.

Both 5:16

Athei lui yom kơ mĕ 'bă ih, kiơ̆ thoi Kră Yang tơtă boih kơ ih wă kơ ih gơh arih sot păng đei tơdrong pŭn hiôk tơ kơpal teh âu mă Kră Yang 'Bok Kei-Dei ih ăn kơ ih.

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Both 6:18

Athei pơm dôm tơdrong kiơ Kră Yang, khan 'lơ̆ng khan trŏ, na iĕm đei pŭn hiôk păng gơh mơ̆t tơ dêh 'lơ̆ng rŏ mă Kră Yang hlôi pơkă wă ăn kơ lu 'bok iĕm.

I Pet 3:10

Tơdrong noh trŏ thoi đe chih lăm sơ̆p hla bơar Sư thoi âu: “Bơngai bu wă kơ arih hiôk jơnap, bơngai noh athei gơ̆t 'bơ̆r sư pơma kơnê̆, 'nĕ kơ pơma hơlĕnh;