Both 24:5 - Sơ̆p Hlabơar Nơ̆r 'Bok Kei-Dei

⁵ Minh 'nu bơngai drŏ-nglo 'nao iŏk akăn, huay pă năm tơblah păng kư̆m huay kơ năm bơ̆jang; bơngai noh gơh oei jang sa lăm hnam sư kơtĕch minh sơnăm, hiôk chơt hăm akăn sư.

Both 24:5 Iomraidhean Croise

Bl 2:24

Yua kơ thoi noh na bơngai drŏ-nglo gô tơklah đơ̆ng mĕ 'bă sư na oei hơdai hăm akăn sư, na 'bar 'nu bre sư jing minh sĕch minh akar.a

Tơdrông Pơđơk 5:18

Hơpơi kơ tu đak ih 'lơ̆ng rŏ. Hiôk chơt bĕ hăm akăn ih iŏk oei đơ̆ng 'lơ̆p.

Bôk Bơthô 9:9

Dôm lu năr lăm chăl arih ih mă ưh kơ yua Kră Yang 'Bok Kei-Dei ăn boih kơ ih lăm ala teh 'nâu, ih athei oei sa mă hiôk chơt bĕ hăm kon akăn ih mă ih 'mêm kơeng; yua kơ noh jơ̆ tơdrong apah kơ ih đơ̆ng tơdrong gleh hrat.

Luka 14:20

Đei bơngai nai dơ̆ng khan: ‘Inh 'nao đei akăn na inh ưh kơ wăn.’

I Kor 7:29

Ơ 'nhŏng oh, inh wă pơma kơ iĕm mă nhên gah tơdrong âu: Năr ei wă jê̆ truh boih na đơ̆ng âu tơ anăp lu bơngai đĭ đei kon akăn athei kiơ̆ tơdrong arih lu bơngai ưh kơ đei kon akăn 'biơ̆, wă kơ gơh adrin jang tơdrong 'Bok Kei-Dei.

Both 20:7

Bơngai bu hơkơ̆t boih hăm bơngai adruh, tam mă oei? Brŏk bĕ tơ hnam sư, kơnh hli kơ lôch lăm năr tơblah, na lê̆ kơ bơngai nai iŏk oei?

Both 24:6

'Nĕ kơ chĕp pơkơ̆ng tơpăl tơmo păng hơnơ̆l kơpơ̆ng dah ala pơm tơmam pơdơ̆ng pơkă; yua kơ noh thoi chĕp pơkơ̆ng tơdrong arih sa bơngai nai.