Both 24:15 - Sơ̆p Hlabơar Nơ̆r 'Bok Kei-Dei

¹⁵ Iĕm athei apah ăn kơ bơngai noh lăm năr sư jang hloi adrol kơ 'năr mơ̆t; yua kơ bơngai dơnuh noh sư chang kơ tơmam apah noh, kơnh hli kơ bơngai noh krao ôr truh tơ Kră Yang na lu iĕm gô pŭ yoch.

Both 24:15 Iomraidhean Croise

Jop 31:13

Tơdah inh đei pơdê tơdrong 'măn ăn kơ đĭch đam drŏ-nglo drŏ-kăn inh, Kơplah lu sư pơma jŏk kơ inh.

Jop 31:38

Tơdah teh mir na inh ôr krao jâu inh, dôm trong rơuơ sư wang nhơ̆m;

Jop 34:28

Pơm kơ nơ̆r lu bơngai dơnuh hin ôr krao kơtơ̆ng truh tơ Kră Yang. Păng Kră Yang kơtơ̆ng nơ̆r bơngai pơmat-tat ôr krao.

Jop 35:9

Kon bơngai đe pơjuă pơđep trăp dêh ôr krao. Lu sư ôr krao wă kơ dŏng pơklaih đơ̆ng ti lu bơngai pran kơtang.

Jop 7:2

Thoi bơngai đĭch hơpơi dêh kơ đei yơ̆p, thoi bơngai jang apah chang hơmĕng kơ jên khei,

Horiso 24:4

Noh lu bơngai đei ti rơgoh păng jơhngơ̆m rơgoh, Ưh kơ wă ăn bơhngol sư tơdrong yoch glăi, Kŭm ưh kơ pơkă hơlĕnh.

Horiso 25:1

Ơ Kră Yang, inh pơjao bơhngol inh kơ Ih.

Horiso 86:4

Apinh ăn bĕ kơ bơhngol lu đĭch đam Ih chơt hiôk. Yua kơ, ơ Kră Yang, bơhngol inh gơnang hơmĕng kơ Ih.

Êsai 5:7

Pơgar hơmu Kră Yang Tih Hloh noh jơ̆ adrĕch Isơrael, păng lu bơngai Juđa noh bơih tơm 'long pơtăm mă sư lăp đon. Hơmĕng wă kơ sư 'lơ̆ng tơpăt mă tă kơ pham lĕch sĕch huŏng, hơmĕng kơ sư tơpăt hơnơ̆ng mă tă đei tơdrong ôr krao.

Je 22:13

Răm-'băm tơpă kơ bơngai bu mă pơdơ̆ng hnam pơtao sư hăm tơdrong ưh kơ trŏ păng pơm anih tơ kơpal hăm tơdrong ưh kơ tơpăt hơnơ̆ng rôp lu bơngai rông 'bôt sư jang hoh; ưh kơ đei apah lu sư;

Lêwi 19:13

'Nĕ kơ pơjăm pơjuă bơngai oei cheng pleh kơ ih, 'nĕ kơ tơtông tơgar tơmam lu sư. Tơmam apah bơngai jang kơ iĕm, 'nĕ kơ wei lê̆ tơ hnam iĕm truh tơnăr dơning.

Lêwi 25:35

Tơdah 'nhŏng oh oei hơdai ih jing dơnuh hin mŭk tơmam 'me sa kơdih akâu ưh kơmah, ih athei tơgŭm 'me rong sư, mă khan sư bơngai tơmoi oei tơ âu, wă kơ sư gơh oei hơdai ih.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Mathiơ 20:8

“Lăp truh 'năr mơ̆t boih, 'bok tơ'ngla mir ei khan kơ bơngai kai wei-lăng đe jang khan: ‘Krao lu sư bĕ, jah apah jên. Ih apah lu bơngai jang đơ̆ng rŏng hơdrol, lu bơngai jang hơdrol đơ̆ng rŏng.’

Markôs 10:19

Ih băt boih tơdrong 'Bok Kei-Dei pơkă sơ̆: ‘'Nĕ pơlôch bơngai, 'nĕ pơm pơyô kư̆ kă, 'nĕ chă tơtông tơmam đe, 'nĕ pơma hơlĕnh, 'nĕ pơgâm sa mŭk tơmam đe, bơ̆n athei lui yom kơ mĕ 'bă.’ ”

Both 15:9

Kơchăng bĕ, 'nĕ kơ răk mong tơchĕng kơnê̆ 'nâu: Sơnăm mă tơpơh jơ̆ sơnăm ăn rơngei wă truh boih! Kơchăng bĕ, wă kơ iĕm huay kơ đei jơhngơ̆m kơnê̆ hăm lu 'nhŏng oh iĕm bơngai dơnuh hin, ưh kơ ăn lu sư gơh tŏk iŏk kiơ, kơnh lu sư krao ôr Kră Yang tơmăk kơ iĕm, iĕm gô đei tơdrong yoch.

I Tim 5:18

Ih athei pơm thoi noh yua kơ sơ̆p hla bơar 'Bok Kei-Dei khan thoi âu; mă mônh: “Iĕm 'nĕ kơ trôp 'bơ̆r rơmo kơplah sư oei jang juă hơnong 'ba.” Mă 'bar: “Bơngai jang athei đei sa apah.” Thoi noh na bơngai bơtho lei-lăi mơ̆n, iĕm athei apah jên kiơ̆ kơ sư jang.

Ya 5:4

Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.