Both 24:14 - Sơ̆p Hlabơar Nơ̆r 'Bok Kei-Dei

¹⁴ Iĕm 'nĕ kơ pơm kơ lu bơngai dơnuh păng bơngai hoh kơ đei, mă khan 'nhŏng oh iĕm bơngai Isơrael dah bơngai tơmoi chă oei lăm pơlei iĕm.

Both 24:14 Iomraidhean Croise

Tơdrông Pơđơk 14:31

Bơngai bu pơjăm pơjuă bơngai dơnuh hoh noh pơjăm kơ Tơ'ngla pơjing sư; Bu mă 'mêm mơnat kơ bơngai dơnuh hoh noh ư-ang kơ Kră Yang.

Tơdrông Pơđơk 22:16

Bu pơđep bơngai dơnuh wă pơm kơ sư mơdrŏng, Bơngai bu ăn pơgâm kơ lu bơngai mơdrŏng noh rai pơm kơ bre sư dơnuh hloh.

Êsêkiên 22:7

Tơ lăm ih đei bơngai, pơjăm mĕ 'bă; pơgŏ pơđep lu tơmoi; pơjuă lu kon mơti pơm kơnê̆ kơ lu bơngai adro.

Lêwi 19:13

'Nĕ kơ pơjăm pơjuă bơngai oei cheng pleh kơ ih, 'nĕ kơ tơtông tơgar tơmam lu sư. Tơmam apah bơngai jang kơ iĕm, 'nĕ kơ wei lê̆ tơ hnam iĕm truh tơnăr dơning.

Am 2:7

Lu sư pơjuă lê̆ kơ̆l lu bơngai dơnuh hin tơ teh păng pơm kơ trong lu bơngai iơ̆m dim đŏng đĕo. 'Bă kon kư̆m ngôi kư̆ kă hăm minh 'nu drŏ-kăn, thoi noh pơm pơ'mê̆ kơ anăn 'lơ̆ng rơgoh Inh.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!

Am 8:4

Iĕm mă lu bơngai luăn sa pơjuă bơhlơ̆r lu bơngai dơnuh hin păng pơrăm lu bơngai pơmat-tat kơpal teh, mơ̆ng bĕ nơ̆r 'nâu.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Luka 10:7

Na iĕm kư̆ kơ oei tơ hnam noh khŏm khŏm. Iĕm lê̆ kơ sư 'me iĕm, yua kơ iĕm bơtho sư tơdrong 'Bok Kei-Dei, kư̆m dang lĕ jang tơgŭm sư mơ̆n. Iĕm 'nĕ chă oei jơ̆p jơ̆p kơ hnam đe.

Both 15:7

Mă-lei tơdah lăm dêh mă đơ̆ng Kră Yang 'Bok Kei-Dei asong ăn, oei đei bơngai dơnuh hin, na 'nĕ kơ kret kơ lu bơngai noh.

I Tim 5:18

Ih athei pơm thoi noh yua kơ sơ̆p hla bơar 'Bok Kei-Dei khan thoi âu; mă mônh: “Iĕm 'nĕ kơ trôp 'bơ̆r rơmo kơplah sư oei jang juă hơnong 'ba.” Mă 'bar: “Bơngai jang athei đei sa apah.” Thoi noh na bơngai bơtho lei-lăi mơ̆n, iĕm athei apah jên kiơ̆ kơ sư jang.