Both 24:1 - Sơ̆p Hlabơar Nơ̆r 'Bok Kei-Dei

¹ Tơdah đei minh 'nu bơngai drŏ-nglo iŏk akăn, mă-lei bơngai drŏ-nglo noh ưh kơ lăp đon, yua kơ đơ̆ng sư 'bôh bơngai drŏ-kăn noh đei tơdrong kơnê̆, na sư gơh chih minh hlak hla bơar hrĕch, ăn tơ tơpang ti drŏ-kăn, puh tơbrŏk lê̆ sư đơ̆ng hnam sư, na sư weh lĕch đơ̆ng hnam sư,

Both 24:1 Iomraidhean Croise

Le 21:10

Tơdah tơ'ngla sư đei iŏk oei kơ bơngai drŏ-kăn nai na gah akăn sư blŭng-a sư ưh kơ gơh tơjur hơtŭch, lê̆ tơmam sa, hơbĕn ao păng tơdrong 'mêm băl klo kăn.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Je 3:1

Kră Yang khan: “Tơdah đei drŏ-nglo achăng lê̆ akăn sư, akăn sư weh đơ̆ng sư chă klo plơ̆ng, klo so sư hăm pă gơh hơlơ̆k oei kơ akăn so sư dơ̆ng? Teh đak noh ưh kơ kơnê̆ 'mê̆ krưp dêh tơpă hă? Mă-lei iĕm ngôi pơyô kư̆ kă hăm lơ bơngai mă ih hưch, Khan oei wă wih brŏk tơ Inh dơ̆ng hă?” Kră Yang khan.

Je 3:8

Sư 'bôh boih yua kơ tơdrong luĕl 'blal lu bơngai Isơrael pơm pơyô ngôi kư̆ kă. Na Inh achăng lê̆ sư pơm hla bơar hrĕch păng puh tơweh sư. Mă-lei oh sư bơngai Juđa ưh kơ hli ôh, kư̆m wang pơm pơyô kư̆ kă noh.

Malachi 2:16

Yua kơ Kră Yang 'Bok Kei-Dei Isơrael đei khan boih thoi âu: “Inh areh dêh kơ bơngai bu mă hrĕch achăng akăn păng bơngai bu mă gom lê̆ sư kơdih hăm tơdrong khĕnh hơwĕng thoi bơngai mă gom lê̆ akâu sư hăm hơbĕn ao sư.” Kră Yang Tih Hloh khan thoi noh: Thoi noh athei wei bĕ jơhngơ̆m lu iĕm kơdih, 'nĕ pă chă hơlĕnh pơdăr băl.

Jo 5:12

Khan bĕ kơ adrĕch bơngai Isơrael: Tơdah đei minh 'nu drŏ-kăn 'blal pơm yoch hăm klo sư,

Jo 5:28

Mă-lei tơdah bơngai drŏ-kăn noh huay kơ pơm kơnê̆ 'mê̆ brư̆, oei rơgoh, lei sư huay kơ đei tơdrong truh răm kiơ păng gô pơjing kon hơ'lơ̆p.b

Mathiơ 1:19

Klo sư Yôsep bơngai 'lơ̆ng tơpăt, sư ưh kơ pơjăm Mari ngôi kư̆ kă hăm đe wă kơ sư mơlâu kơ đe ôh. Sư tơchĕng wă achăng Mari ră, mă-lei sư ưh kơ đei roi kơ đe ôh.

Luka 16:18

Mă tơdrong achăng akăn kư̆m lei-lăi, bơngai bu achăng akăn sư na iŏk akăn plơ̆ng, bơngai noh sư yoch boih yua kơ sư kơđang kơ̆l ako pơ'brơh kơ akăn sư. Bơngai bu iŏk akăn mă đơ̆ng đe achăng lê̆ boih, bơngai noh kư̆m yoch mơ̆n.”

Both 21:15

Tơdah minh 'nu bơngai drŏ-nglo đei 'bar 'nu akăn, akăn 'nâu sư 'mêm, akăn noh sư areh, mă-lei 'bar 'nu noh đei kon ngăl, na kon kơdră drŏ-nglo gah akăn mă sư areh noh, iŏk jô̆ kon kơdră

Both 22:13

Tơdah minh 'nu bơngai drŏ-nglo iŏk akăn, 'bĭch hăm sư boih, đơ̆ng rŏng areh hrĕch achăng lê̆,

Both 22:19

Lu sư gô đô̆ bơngai drŏ-nglo noh minh kĭ hu.a Ăn kơ 'bă bơngai adruh noh, yua kơ bơngai drŏ-nglo noh pơ'brơh anăn adruh jing kơnê̆ kơ minh 'nu adruh hơlai bơngai Isơrael. Bơngai drŏ-kăn noh oei jing akăn sư; sư ưh pă gơh achăng boih kơplah sư oei arih.

Both 22:29

bơngai drŏ-nglo noh athei ăn kơ 'bă bơngai drŏ-kăn noh tơdrâu-hrĕng gram hu, đơ̆ng noh na gô iŏk drŏ-kăn ei pơm akăn sư, yua kơ sư pơ'brơh kơ drŏ-kăn noh, sư oei arih sot dang yơ, kư̆m ưh kơ gơh tơbrŏk hrĕch achăng bơngai drŏ-kăn noh.

Both 24:2

Đơ̆ng rŏng kơ sư lĕch đơ̆ng hnam, klo so sư, oei kơ klo nai dơ̆ng,

Both 24:3

tơdah bơngai klo mă 'bar kuă dơ̆ng kơ sư, chih minh hlak hla bơar hrĕch ăn tơ tơpang ti sư păng puh tơbrŏk sư đơ̆ng hnam, dah bơngai klo mă 'bar âu lôch.