Both 23:6 - Sơ̆p Hlabơar Nơ̆r 'Bok Kei-Dei

⁶ 'Nĕ kơ layơ pơgơ̆p hơdai hăm 'bar khŭl adrĕch 'nâu.

Both 23:6 Iomraidhean Croise

II Sam 12:31

Sư kư̆m rôp kon pơlei lăm noh bơ̆jang kơ sư, jao ăn hơnuă, 'nhik, sung bơsei păng jang man gŏch; sư kư̆m pơm kơ đĭ-đăng lu pơlei bơngai Ammôn jang thoi noh. Đơ̆ng noh, Đawit păng lu linh sư wih brŏk đĭ tơ pơlei Jêrusalem.

II Sam 16:12

Băt Kră Yang lăng 'bôh boih tơdrong pơmat-tat inh, na ăn tơdrong pŭn hiôk tơplih tơdrong sư hiap năr 'nâu.”

II Sam 8:2

Sư kư̆m blah bơngai Môap jei sư, rôp athei lu sư 'bĭch sap tơ teh na iŏk tơlei pơtŏ, mưh 'bar jăl tơlei pơlôch, minh jăl tơlei ăn arih, thoi noh bơngai Môap athei chu jang păng ăn thuê̆ kơ Đawit.

Esơra 9:12

Kơlih kơ thoi noh, na 'nĕ ăn kon adruh lu iĕm iŏk kon tơdăm lu sư păng kư̆m 'nĕ ăn kon tơdăm lu iĕm iŏk kon adruh lu sư; 'nĕ kơ layơ chă tơdrong hiôk-hian lu sư păng wă kơ chă đei jing mơdrŏng đơ̆ng lu sư, wă kơ lu iĕm jing nuih pran, sŏng sa yua tơmam 'lơ̆ng đơ̆ng lăm dêh char păng 'măn lê̆ kơ kon lu iĕm dêh char âu jing tơmam lu sư yua ling-lang ling-lang hloi.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Mi 6:5

Ơ kon pơlei pơla Inh, athei 'blŏk bĕ kơ Balak pơtao Môap đei chă đon kơnê̆ păng nơ̆r Balaam kon drŏ-nglo Bêôr tơl lu sư; athei 'blŏk bĕ kơ tơdrong Inh đei pơm đơ̆ng Sitim truh tơ Gilgal, wă kơ ih băt tơdrong 'lơ̆ng tơpăt Kră Yang!

Jo 24:10

Balak hil areh kơ Balaam, tap ti păng khan kơ Balaam: Inh krao ih wă kơ ih hiap lu bơngai ayăt kơ inh; na ih rai sơkat pŭn hiôk ăn kơ lu sư đei pêng wơ̆t boih.

Both 7:8

Mă-lei yua kơ Kră Yang 'mêm kơ lu iĕm păng wei nơ̆r pơkă hăm lu 'bok iĕm sơ̆, Kră Yang yua tơpang ti pran kơtang Sư dui lu iĕm lĕch hlôi đơ̆ng pơm đĭch păng dŏng pơklaih đơ̆ng tơpang ti Pharaôn, pơtao dêh Êyiptơ.