Both 23:23 - Sơ̆p Hlabơar Nơ̆r 'Bok Kei-Dei

²³ Mưh 'bơ̆r iĕm hlôi pơkă pơkăm boih hăm Kră Yang 'Bok Kei-Dei iĕm, na iĕm athei pơm pơkeh đơ̆ng 'bơ̆r iĕm pơma noh.

Both 23:23 Iomraidhean Croise

Horiso 116:18

Inh gô pơkeh ăn đĭ kơ Kră Yang dôm tơdrong đêl nơ̆r inh pơkă, 'Bơ̆t anăp đĭ-đăng kon pơlei Sư.

Horiso 50:14

Pơyơ̆r nơ̆r bơnê ih kơ Kră Yang 'Bok Kei-Dei, păng pơkeh nơ̆r pơkă ih hăm Kră Yang Tih Hloh.

Tơdrông Pơđơk 20:25

Pơm hơđong kơ bơngai bu mă pơkă wă pơyơ̆r tơmam kiơ hăt hot. Đơ̆ng rŏng kơ pơkă na mă tơchĕng lăng.

Je 44:17

Mă-lei lu nhôn gô pơm keh dôm nơ̆r lu nhôn pơkă boih, lu nhôn gô soh nhang 'bâu phu kơ Pơtao Drŏ-kăn kơpal Plĕnh păng tuh sik pơyơ̆r ăn kơ sư, thoi lu nhôn đei pơm boih, lu 'bok yă lu nhôn, lu pơtao nhôn, lu yŏng pơgơ̆r lu nhôn lăm lu pơlei lăm dêh char Juđa păng tơ rok trong lăm pơlei tih Jêrusalem; kơplah noh lu nhôn đei tơmam sa phĭ rơkah rơkai, jang sa hiôk-hian ưh kơ đei tơdrong kiơ truh.

Lêwi 27:2

Roi bĕ kơ kon pơlei Isơrael: Tơdah đei bu mă pơkăm pơkă wă pơyơ̆r kơ Kră Yang athei ăn jên kiơ̆ kơ tơdrong gĭt bơngai.

Jo 30:2

Tơdah đei minh 'nu bơngai drŏ-nglo wă pơkă pơkăm hăm Kră Yang tơdrong kiơ sư athei pơm mă keh nơ̆r đêl pơkăm noh.

Mathiơ 5:33

“Iĕm kơtơ̆ng boih tơdrong đe bơtho lu khŭl kră sơ̆ thoi âu: ‘Bu pơkă kơ đe mah hiap akâu sư kơ 'Bok Kei-Dei, bơngai noh ưh kơ gơh hơlĕnh, ưh kơ gơh anul ôh, bơngai noh athei pơm 'blep thoi sư pơkă tơpă.’

Jang 23:12

Pơgê dơning dơ̆ng lu bơngai Juđê mơ'nah akŭm pơđâu wă pơlôch Pôl. Lu sư pơma hiap kơdih khan: “Dah bơ̆n sŏng sa nhă đak tam mă pơlôch Pôl, mă bơ̆n lôch kơ 'Bok Kei-Dei pơrăm.”

Jang 23:21

Apinh ih 'nĕ chu kơ lu sư hŏ yua kơ lu sư đei loi puăn-jĭt 'nu bơngai wă răp pơlôch mih Pôl. Đĭ-đăng lu sư ei pơkă dih băl păng hiap akâu sư kơdih khan: ‘Dah bơ̆n sŏng sa nhă đak tam mă pơlôch Pôl lei jah ăn 'Bok Kei-Dei pơrăm bơ̆n đĕch 'lơ̆ng hloh.’ Lu sư hơmet tôm boih. Lu sư oei chang gô ih anhăk mih Pôl năm tơ lu kră sek tơlang đĕch dang ei.”

Both 23:22

Mă-lei tơdah iĕm ĕnh ưh kơ pơkă pơkăm, lei iĕm huay kơ pŭ yoch ôh.

Both 23:24

Kơplah iĕm mơ̆t lăm pơgar hơmu lu bôl buăl iĕm, na gơh phĕ sa plei hơmu, kiơ̆ kơ hơlŏng iĕm sa hrăp, mă-lei ưh kơ gơh phĕ tah ba lăm kơdŭng iĕm.

Jôsuê 9:18

Mă-lei kon pơlei Isơrael ưh kơ đei blah lu sư ôh, yua kơ lu kră pơlei wei-lăng khŭl akŭm lu sư đei pơkă pơkăm boih hăm lu sư krao anăn Kră Yang 'Bok Kei-Dei Isơrael. Đĭ lu khŭl akŭm lu sư jŏk hil kơ lu kră wei-lăng.

Lu 11:35

Lăp sư 'bôh kon drŏ-kăn sư, sư hek hloi ao păng khan: Ơ, ơ mŏ adruh, ih pơm kơ 'bă hơ'ngon dêh tơpă, kon pơm kơ jơhngơ̆m 'bă rŭng răng! Yua kơ 'bă đei krao khan pơkă pơkăm hăm Kră Yang boih ưh kơ gơh wă tơplih nơ̆r âu boih.

I Sam 1:11

Sư pơma pơkă khan: Ơ Kră Yang Tih Hloh, tơdah ih lăng mơnat kơ đam drŏ-kăn ih, 'blŏk bĕ kơ inh 'nĕ kơ hiơt kơ inh đam drŏ-kăn ih, mă-lei gô ăn kơ đam drŏ-kăn ih đei minh 'nu kon drŏ-nglo, thoi ei inh gô ăn sư kơ ih Kră Yang đĭ chăl arih sư, ưh kơ gơh yuă dah hơkôih sŏk sư.

I Sam 14:24

Kŭm lăm năr 'noh, bơngai Isơrael lap pă kĕ boih yua kơ Sôl athei 'blŏk nơ̆r đei pơkă pơkăm: Trŏ kơ hiap pơtê̆ bơngai ayơ mă sa tơmam kiơ adrol kơ 'năr kơsơ̆ huơ huĭnh wă măng, đang adrol kơ inh blah lu bơngai ayăt kơ inh! Yua kơ noh, na đĭ-đăng kon pơlei kơ̆m kơ pơ̆n sa tơmam kiơ hloi.