Both 23:18 - Sơ̆p Hlabơar Nơ̆r 'Bok Kei-Dei

¹⁸ Iĕm 'nĕ iŏk jên đơ̆ng mơdro akâu mă đơ̆ng drŏ-kăn dah drŏ-nglob chĕp ba tơmơ̆t lăm hnam Kră Yang 'Bok Kei-Dei iĕm, pơsĭt đêl nơ̆r pơkă yua kơ 'bar tơdrong noh krưp dêh kơ Kră Yang 'Bok Kei-Dei iĕm areh lăng krưp dêh.

Both 23:18 Iomraidhean Croise

I Pot 14:24

Đei lu drŏ-kăn ngôi kư̆ kă pơm đi oei tơ lăm char 'noh, lu sư pơm tơdrong yoch kơnê̆ krưp dêh thoi lu adrĕch adrung mă Kră Yang areh pơpuh tơweh lê̆ bơih đơ̆ng anăp lu bơngai Isơrael.

Horiso 22:16

Yua kơ lu kŏ tăp dăr kơ inh, Minh khŭl bơngai kơnê̆ wang tăp kơ inh boih; Lu sư 'bet klĕch ti păng jơ̆ng inh boih.

Tơdrông Pơđơk 26:11

Lu bơngai kơhlôh pơm pơlơ̆k ming tơdrong kơtul sư. Thoi kŏ hăk boih sa dơ̆ng.

Êsai 61:8

Inh bơih Kră Yang Inh lăp kơ tơdrong tơpăt, areh kơ tơdrong tơtông klĕ păng tơdrong pơm ưh kơ tơpăt, kiơ̆ kơ jơhngơ̆m tơpăt Inh. Inh gô apah lu sư, păng pơjing tơdrong pơgơ̆p hăm lu sư ling-lang.

Êsêkiên 16:33

Lu bơngai drŏ-kăn đi juăt kơ lu drŏ-nglo ăn tơmam, mă-lei ih ăn tơmam kơ đĭ-đăng lu bơngai ih hưch, iŏk răt lu sư năm đơ̆ng jơ̆p tơring wă kơ lu sư pơm pơyô kư̆ kă hăm ih.

Lêwi 18:22

'Nĕ kơ 'bĭch pơm tơduă drŏ-nglo, thoi 'bĭch hăm bơngai drŏ-kăn;c tơdrong noh jing tơdrong Kră Yang 'Bok Kei-Dei hil mĭl dêh.

Lêwi 19:29

'Nĕ kơ pơm pơ'mê̆ kơ kon adruh ih, 'nĕ kơ lê̆ sư pơm đi kư̆ kă, kơnh lăm tơring bơ̆n jing pơm đi păng 'bĕnh kơ tơdrong kơnê̆.

Lêwi 20:13

Tơdah bơngai drŏ-nglo 'bĭch pơm kư̆ kă hăm tơduă bơngai drŏ-nglo thoi 'bĭch pơm kư̆ kă hăm bơngai drŏ-kăn, 'bar 'nu bre sư đe gô pơlôch đĭ. Yua kơ pơm boih tơdrong kơnê̆ mă Inh hil mĭl krưp dêh, pham lu sư gô tuh tơ lu sư kơdih.

Lêwi 7:16

Tơdah tơmam pơyơ̆r âu yua kơ tơdrong pơkă dah tơmam pơyơ̆r 'maih wă, đe gô sa tơmam soi noh lăm năr mă pơyơ̆r tơdah oei rơkah gơh sa năr dơning dơ̆ng.

Mi 1:7

Đĭ-đăng lu rup man sư gô pơchah đĭ dôm lu tơmam lu sư iŏk sa pơgâm gô soh đĭ lăm ŭnh. Inh gô pơrăm lê̆ đĭ lu rup man lu sư; yua kơ mŭk tơmam lu sư mong 'măn noh đơ̆ng lu sư pơm đi, thoi noh lu sư yua tơmam noh apah ăn kơ lu bơngai pơm đi.

Habakuk 1:13

Măt Kră Yang 'lơ̆ng rơgoh ưh kơ wă lăng ôh tơdrong kơnê̆, kư̆m ưh kơ wă lăng dôm tơdrong ưh kơ trŏ. Liơ Ih lê̆ kơ lu bơngai hơlĕnh. Tơdah lu bơngai kơnê̆ luăn sa lu bơngai mă tơpăt hloh kơ lu sư, yua kơ kiơ Ih ĕnh thoi noh?

Malachi 1:14

“Lu bơngai hơlĕnh noh trŏ kơ hil mĭl păng hiap tơpă, lăm khŭl sem dơrong noh đei kon tơno 'lơ̆ng, mă-lei lu sư pơkă wă pơyơ̆r ăn kơ Kră Yang na iŏk kon sem jo jăn pơm tơmam soi. Yua kơ Inh Pơtao tih, anăn Inh trŏ kơ hli yom tơ lăm đĭ adrĕch adrung kon bơngai.” Kră Yang Tih Hloh khan thoi noh.

Mathiơ 7:6

“Iĕm 'nĕ pă bơtho tơdrong 'Bok Kei-Dei kơ lu bơngai mă ưh kơ lui mă wă pơjăm pơjuă iĕm ling-lang. 'Noh dang bơ̆n tŭk 'nhĕm giĕng ăn kơ kŏ sa, dang dơmŏng đe gĭt mă ăn kơ nhŭng, hli kơ lu sư pơm kơnê̆ kơ iĕm dơ̆ng.

Both 12:6

Chĕp ba tơmam soi 'buh pơyơ̆r tơ noh, lu tơmam soi iŏk minh lăm mơjĭt, tơmam soi pha, lu tơmam soi pơsĭt đêl nơ̆r pơkă, tơmam soi hăm jơhngơ̆m lăp păng lu kon kơdră rơmo triu bơbe tuh blŭng-a.

Both 22:21

Lei lu kră pơlei athei chông ba drŏ-kăn noh truh 'bơ̆t 'măng hnam 'bă sư, kon pơlei gô klơ̆m pơlôch drŏ-kăn noh hăm tơmo, yua kơ bơngai drŏ-kăn noh đei pơm tơdrong yoch kơnê̆ lăm Isơrael. Pơm pơyô ngôi kư̆ kă adrol kơ chă klo, kơplah sư oei lăm hnam 'bă sư. Thoi noh. Lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu iĕm.

Both 23:21

Mưh lu iĕm pơkă pơkăm hăm Kră Yang 'Bok Kei-Dei iĕm, 'nĕ kơ pơhiơ̆ gô đunh, athei pơm pơkeh hloi, yua kơ Kră Yang 'Bok Kei-Dei lu iĕm athei iĕm pơm pơkeh tơdrong iĕm pơkă pơkăm ei; dah iĕm ưh kơ pơm pơkeh hloi, lei iĕm gô pŭ tơdrong yoch.

Philip 3:2

Iĕm kơchăng hli kơ lu bơngai kăt tơdra akar, lu sư pơgŏ iĕm kăt kiơ̆ thoi lu sư. Tơdrong noh ưh kơ sĭ lu sư kăt kiơ̆ kơ tơdrong 'Bok Kei-Dei pơkă tơpă ôh. Lu sư kăt dang wă pơjĭ akâu đĕch. Lu sư dang kŏ, jang tơdrong kư̆ kă mơ̆ng kơ jơhngơ̆m hưch.

II Pet 2:22

Tơdrong lu sư pơm âu boih trŏ thoi tơdrong đe khan: “Kŏ hăk lê̆ boih mă luăn sa kơdih dơ̆ng; nhŭng akâu rơgoh mă năm pung trôk.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.