Both 23:17 - Sơ̆p Hlabơar Nơ̆r 'Bok Kei-Dei

¹⁷ Lăm lu kon drŏ-kăn dah drŏ-nglo bơngai Isơrael; 'nĕ kơ đei bơngai bu pơm pơyô kư̆ kă tơ anih rup yang.

Both 23:17 Iomraidhean Croise

I Pot 14:24

Đei lu drŏ-kăn ngôi kư̆ kă pơm đi oei tơ lăm char 'noh, lu sư pơm tơdrong yoch kơnê̆ krưp dêh thoi lu adrĕch adrung mă Kră Yang areh pơpuh tơweh lê̆ bơih đơ̆ng anăp lu bơngai Isơrael.

I Pot 15:12

Sư pơpuh tơlĕch lu bơngai drŏ-nglo ngôi kư̆ kă pơm đi đơ̆ng lăm char sư pơgơ̆r păng teh pơchah pơđĭ lu rup yang mă đêl lu 'bok kơdră sư pơm.

I Pot 22:46

Dôm tơdrong jang nai Jêhôsaphat pơm, tơdrong pran sư kĕ jei, tơdrong sư tơblah, đe đei chih 'măn lê̆ bơih lăm sơ̆p hla bơar hơ'mon gah lu pơtao Juđa?

II Pot 23:7

Sư kư̆m yuih hŭt teh pơchah lê̆ anih drŏ-nglo ngôi pơm kư̆ kă lăm Hnam akŭm kơkuh kơ Kră Yang, tơ anih noh lu drŏ-kăn tanh che ăn kơ yang Asêra.

Jop 36:14

Lu sư lôch kơplah oei hơmuh hơmŏng Chăl arih lu sư huŏng hiong răm hơdai hăm lu bơngai ngôi pơyô kư̆ kă, lăm anih kơkuh kơ rup yang.

Tơdrông Pơđơk 2:16

Dŏng pơklaih ih đơ̆ng lu drŏ-kăn đi; Noh lu bơngai drŏ-kăn juăt kơ pơhlŭ đei nơ̆r rơngơp;

Hôsia 4:14

Inh ưh kơ phak lu kon adruh iĕm yua kơ yoch pơm pơyô, kư̆m ưh kơ phak lu mŏ mai iĕm yua kơ yoch ngôi hăm đe nai; yua kơ lu drŏ-nglo iĕm kư̆m ngôi kư̆ kă hăm lu drŏ-kăn đi, păng pơyơ̆r tơmam soi hăm lu bơngai drŏ-kăn kư̆ kă. Thoi noh lu kon pơlei ưh kơ hlôh gô hiong răm.

Lêwi 19:29

'Nĕ kơ pơm pơ'mê̆ kơ kon adruh ih, 'nĕ kơ lê̆ sư pơm đi kư̆ kă, kơnh lăm tơring bơ̆n jing pơm đi păng 'bĕnh kơ tơdrong kơnê̆.

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

Both 22:21

Lei lu kră pơlei athei chông ba drŏ-kăn noh truh 'bơ̆t 'măng hnam 'bă sư, kon pơlei gô klơ̆m pơlôch drŏ-kăn noh hăm tơmo, yua kơ bơngai drŏ-kăn noh đei pơm tơdrong yoch kơnê̆ lăm Isơrael. Pơm pơyô ngôi kư̆ kă adrol kơ chă klo, kơplah sư oei lăm hnam 'bă sư. Thoi noh. Lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu iĕm.

Both 22:29

bơngai drŏ-nglo noh athei ăn kơ 'bă bơngai drŏ-kăn noh tơdrâu-hrĕng gram hu, đơ̆ng noh na gô iŏk drŏ-kăn ei pơm akăn sư, yua kơ sư pơ'brơh kơ drŏ-kăn noh, sư oei arih sot dang yơ, kư̆m ưh kơ gơh tơbrŏk hrĕch achăng bơngai drŏ-kăn noh.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

Lu 19:22

Kơplah lu sư oei sŏng sa hiôk chơt đei lu bơngai drŏ-nglo kơnê̆ lăm pơlei 'noh wang tăp kơ hnam 'noh gơgŭ 'măng; lu sư khan kơ 'bok kră tơ'ngla hnam 'noh: Athei ih tơlĕch bĕ bơngai 'noh đơ̆ng lăm hnam ih, lê̆ lu nhôn ngôi kư̆ kă lăm sư.