Both 22:8 - Sơ̆p Hlabơar Nơ̆r 'Bok Kei-Dei

⁸ Mưh iĕm pơm hnam 'nao, athei pơm 'long pĕng găn tăp dăr kơ bơbŭng, kơnh hli kơ đei bơngai huŏng đơ̆ng bơbŭng hnam noh, bơ̆n huay pă pŭ kơting, đơ̆ng hnam 'nao noh.

Both 22:8 Iomraidhean Croise

II Sam 11:2

Lăm minh kơsơ̆ ei Đawit iung đơ̆ng tep pơdơh 'năr dơ̆ng sư chă ngôi dăr tơ kơpal bơbŭng hnam pơtao na 'bôh minh 'nu bơngai drŏ-kăn oei hum, bơngai drŏ-kăn ei 'lơ̆ng hơbŏ dêh.

Le 22:6

Tơdah bu soh jơ'bôt jơla na bơmrok truh tơ 'ba đe chô̆ bơih dah sa kơtă kơ tơm, bơyan 'ba, dah sa pơđĭ lăm chŭn, bơngai mă soh ŭnh sa 'noh athei duh tôm tơmam đêl ŭnh sa 'noh.

Êsai 22:1

Nơ̆r khan lê̆ adrol gah thŭng tơdrong tơ'bôh. Lu iĕm đei tơdrong kiơ mă đĭ-đăng lu iĕm tŏk hao bơbŭng hnam thoi noh?

Je 19:13

Đĭ-đăng hnam lăm pơlei Jêrusalem păng hnam pơtao Juđa, đĭ-đăng lu hnam ayơ mă tơ kơpal bơbŭng hnam noh đei soh tơmam 'bâu phu kơ lu sơnglŏng tơ kơpal plĕnh păng kư̆m đei tuh ăn tơmam huch sa pơyơ̆r kơ lu yang nai, kư̆m 'mê̆-'mach thoi Tôphet.”

Êsêkiên 3:18

Layơ mă Inh khan kơ bơngai pơm kơnê̆! ‘Sĭt ih gô lôch,’ mă-lei ih ưh kơ khan tơbăt kơ sư păng ưh kơ pơma khă sư athei hŭt lê̆ tơdrong kơnê̆ wă kơ sư gơh arih, bơngai pơm kơnê̆ noh gô lôch lăm tơdrong yoch sư. Mă-lei Inh gô tơpŭ pham sư lăm tơpang ti ih.

Êsêkiên 3:20

Tơpă, dah minh 'nu bơngai tơpăt lê̆ tơdrong tơpăt sư na pơm yoch, Inh gô ăn đei tơdrong pơgăn 'bơ̆t anăp sư păng sư gô lôch yua kơ pơm yoch, mă-lei yua kơ ih ưh kơ khan khă bơngai noh, thoi noh sư gô lôch lăm tơdrong yoch sư, Inh ưh pă 'blŏk dôm tơdrong tơpăt mă sư đei pơm, mă-lei pham sư oei jô̆ lăm ti ih.

Mathiơ 10:27

Thoi noh na tơdrong âu Inh bơtho kơdrô̆ iĕm, thoi lĕ kơ bơtho lăm măng mu ưh kơ đei bu băt, ưh kơ đei bu 'bôh. Mă-lei iĕm gô bơtho tơ hơdah măt 'năr, wă khan iĕm gô bơtho tơ anăp bôl lơ.

Markôs 2:4

Lu sư ưh kơ gơh mơ̆t ôh yua kơ đei lơ bơngai dêh lăm hnam ei. Na lu sư tŏk kung tŏk truh tơ bơbŭng hnam ei. Lu sư bŏk bơbŭng hnam ei tơklă Yêsu, tơjur bơngai hơwen ei păng anhŭn 'bơ̆t anăp Yêsu.

Jang 10:9

Năr dơning dơ̆ng lu sư năm wă jê̆ truh tơ Pơlei Japa. Lăp truh 'năr dơ̆ng, Pêtrôs tŏk tơ anih hnam mă kơpal sư wă krao khan kơ 'Bok Kei-Dei.

Rom 14:13

Bơ̆n băt tơdrong noh thoi noh boih, na bơ̆n 'nĕ pă chă sek tơlang dih băl khan bơngai yoch bơngai ưh, bơ̆n 'nĕ kơ pơm kơ sư hơwơ̆l hli kơ sư jing yoch.

I Kor 10:32

Mă tôm tơdrong bơ̆n jang pơm tơdrong kiơ bơ̆n athei kơchăng hŏ, hli kơ bơ̆n pơơh đe, mă sư bơngai Juđê, mă sư bơngai dêh nai, mă tơduă bơngai lui kơ 'Bok Kei-Dei.

Both 22:7

Iĕm athei achăng lê̆ yŏng sư păr, na rôp iŏk kon sư, wă kơ iĕm gơh đei pŭn hiôk păng arih sot.

Both 22:9

'Nĕ kơ pơtăm lăm pơgar hơmu iĕm 'long nai, iĕm athei pơyơ̆r đĭ dôm lu tơmam iĕm đei yua lăm pơgar, plei hơmu dah tơmam đơ̆ng 'long nai.

I Tes 5:22

Dah tơdrong glăi iĕm săi tŭk.

I Sam 9:25

Na, lu sư brŏk jur đơ̆ng anih akŭm ei mơ̆t tơ pơlei; na Samuel pơma dơnuh hăm Sôl tơ anih tơ kơpal bơbŭng hnam dơnă, Sôl tep hloi tơ noh.