Both 22:2 - Sơ̆p Hlabơar Nơ̆r 'Bok Kei-Dei

² Tơdah tơ'ngla sư ưh kơ oei jê̆ iĕm păng dah iĕm ưh kơ băt kơ bơngai noh, na athei dui rơmo, triu noh tơmơ̆t tơ hnam iĕm, dĭng truh tơ lu 'nhŏng oh năm chă apinh, na pơdrâu tơwih ăn kơ tơ'ngla sư dơ̆ng.

Both 22:2 Iomraidhean Croise

Mathiơ 7:12

Thoi noh na mă dôm tơdrong kiơ iĕm wă kơ đe pơm tơgŭm iĕm, iĕm athei pơm tơgŭm đe lei-lăi thoi noh. 'Noh trŏ kơ tơdrong juăt Môis păng tơdrong lu bơngai pơtruh nơ̆r 'Bok Kei-Dei sơ̆.

Both 22:1

Tơdah iĕm 'bôh rơmo dah triu lu 'nhŏng oh bơ̆n jrok, 'nĕ kơ lăng đĕch athei dui ba puh sư brŏk ăn kơ 'nhŏng oh iĕm.

Both 22:3

Iĕm kư̆m athei pơm thoi noh dah 'bôh aseh iĕ, ao tai dah tơmam kiơ đe huŏng hiong, dah jrok wơ̆l mă iĕm đei 'bôh. 'Nĕ kơ sơngah, pơm khan ưh kơ 'bôh.

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.