Both 21:23 - Sơ̆p Hlabơar Nơ̆r 'Bok Kei-Dei

²³ atâu sư 'nĕ kơ lê̆ kơpal gơ̆ng 'long noh truh minh măng, athei 'bŭ lăm năr noh hloi, yua bơngai đe hrek atol noh Kră Yang 'Bok Kei-Dei hiap pơtê̆ boih, na iĕm 'nĕ kơ pơm 'mê̆-'mach kơ teh đak iĕm mă Kră Yang 'Bok Kei-Dei ăn kơ iĕm jang sa.

Both 21:23 Iomraidhean Croise

II Sam 21:10

Yă Rispa kon drŏ-kăn Aiya, iŏk minh blah 'bi lơ̆k kơpal tơmo, păng yă ei oei tơ noh đơ̆ng bơyan yuă blŭng truh tơ đei 'mi đơ̆ng kơpal plĕnh jruh tơ kơpal akâu lu bơngai lôch. Kơ'năr yă ei ưh kơ ăn sem păr jruh kơpal akâu bơngai lôch, kơmăng yă ei ưh kơ ăn sem bri năm jê̆.

II Sam 21:6

Apinh pơtao pơjao ăn kơ lu nhôn tơpơh 'nu kon sâu bơngai noh, wă kơ lu nhôn hrek hơtol lu sư 'bơ̆t anăp Kră Yang, tơ Gibêah, pơlei pơtao Sôl, pơtao mă Kră Yang rơih?” Pơtao tơl: “Inh gô jao lu sư ăn kơ lu iĕm”

II Pot 10:8

Đei bơngai đe wơh năm truh tơ ei roi ăn kơ sư khan: “Đe chĕp ba kơ̆l lu kon drŏ-nglo pơtao noh tơ âu bơih.” Jêhu tơl: “Iĕm dan 'bơ̆t 'măng dur pơlei, dan pơm 'bar pôi, lê̆ 'bơ̆t dei dĭng truh pơgê dơning.”

Êsêkiên 39:12

Lăm tơpơh khei bơngai Isơrael 'bŭ lu sư, wă hơmet rơgoh teh.

Lêwi 18:25

Teh âu, yua kơ lu sư na kơnê̆ 'mê̆-'mach boih, Inh gô phak tơdrong kơnê̆ lu sư, teh gô hăk tơlĕch lê̆ kon pơlei sư.

Jo 25:4

Kră Yang khan kơ Môis thoi âu: Rôp đĭ-đăng lu yŏng pơgơ̆r kon pơlei păng hrek atol lu sư 'bơ̆t tŏ, anăp Kră Yang wă kơ tơdrong Kră Yang hil mĭl weh đơ̆ng Isơrael.

Yo 19:31

Lu bơngai Juđê năm apinh Pilat wă gơ̆ lê̆ jơ̆ng lu bơngai mă đêl pơ̆ng tơ 'long pơglang, wă kơ lu sư jah lôch na gơh tơjur 'bŭ atâu lu sư. Lu sư pơm thoi noh hơdrol kơ năr pơdơh Sa'bat, kơlih kơ năr Sa'bat lu sư kuă kơ lê̆ atâu tơ kơpal 'long pơglang, kơlih kơ năr Sa'bat 'noh năr lu sư khan năr kăl hloh tơpă, yua kơ trŏ năr pơm giĕng.

Rom 9:3

Inh 'mêm ră kơ lu bơngai Isơrael tă kơ 'nhŏng oh inh ngăl. Đon inh hơdơ̆r kơ lu sư lui kơ Yêsu Krist đĭ, lê̆ kơ inh ưh, pŭ dôm tơdrong phak lu sư ning-mônh.

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Both 25:19

Layơ Kră Yang 'Bok Kei-Dei lu iĕm ăn tơdrong hiôk hơđơ̆ng pơdơh đơ̆ng lu bơngai dăr wang tăp dăr kơ iĕm lăm dêh mă Kră Yang 'Bok Kei-Dei iĕm ăn kơ lu iĕm iŏk bơ̆jang sa, asong băl athei sŭt lê̆ tơdrong 'blŏk đơ̆ng Amalek đơ̆ng ala teh âu, 'nĕ kơ hiơt hŏ.

Both 4:21

Na Kră Yang hil kơ inh; yua kơ lu iĕm na Sư pơkăm khan ưh kơ ăn inh tŏk hlôi kơ đak Krong Jôrđăn păng ưh kơ ăn inh mơ̆t tơ dêh 'lơ̆ng rŏ mă Kră Yang 'Bok Kei-Dei lu iĕm wă ăn kơ lu iĕm bơ̆jang sa.

Both 7:26

'Nĕ kơ chĕp ba tơmơ̆t lăm hnam iĕm tơmam mă trŏ areh dêh noh, kơnh hli kơ iĕm wang dai lôch răm. Iĕm athei lăng areh krưp, yua kơ tơmam noh trŏ kơ wă pơrăm.

Jôsuê 7:12

yua kơ thoi noh, kon pơlei Isơrael ưh kơ kĕ tơblah hăm lu bơngai ayăt kơ lu sư ôh, lu sư kơdŭn tơ rŏng kơdâu ôn, pơm kơdih pŭ iŏk tơdrong pơlôch pơrăm. Tơdah lu iĕm ưh kơ đei pơrăm lê̆ tơmam đe trŏ kơ pơyơ̆r pơrăm noh đơ̆ng lăm lu iĕm, lei Inh ưh pă đei oei hơdai lu iĕm boih.

Jôsuê 8:29

Jôsuê hrek hơtol lê̆ pơtao Ahi, 'bơ̆t tơm 'long truh kơsơ̆, truh 'năr wă mơ̆t, Jôsuê athei đe tơjur đơ̆ng tơm 'long, klơ̆m hơtat lê̆ 'bơ̆t 'măng jang mơ̆t tơ pơlei, đe dan tơmo kơpal akâu pơtao lôch minh pôi tih oei đei dĭng truh tơ dang ei.